رابطة ملاك ومحبى السفينه فيات 132

[أيمن الروبي]

مش حرام الصور اللي في الاخر دي كانو سابو العربيات سليمه علي الاقل نستوردها قطع غيار وميخلوش التجار عندنا يفضلو يقولو العربيه ملهاش قطع غيار وماتت وكلام فاضي

[محمدصلاح القاضى]

العربيات دى بتروح تتسيح وتتعمل حديد تانى او واحد ابن حلال ياخدهم يشترى العربيه الواحده بجنيه ويصدرها ب 5 وتاجر قطع الغيار يشترى ب 7 والزبون اللى هو احنا نشترى ب 100 ايه رأيك فكره نار

[Hisham.Elgazzar]

المشاركة الأصلية كتبت بواسطة محمدصلاح القاضى العربيات دى بتروح تتسيح وتتعمل حديد تانى او واحد ابن حلال ياخدهم يشترى العربيه الواحده بجنيه ويصدرها ب 5 وتاجر قطع الغيار يشترى ب 7 والزبون اللى هو احنا نشترى ب 100 ايه رأيك فكره نار

بقولك يا محمد
بالنسبة للموضوع ده بالذات حساس جدا
واحد صاحبى بيحكيلى على واحد يعرفه
عمل 7 رجالة وجاب كونتينر من برة محمل بما لذ وطاب
علشان يبيعه هنا فى المحروسة

ويا فرحة ماتمت

الكونتينر ولع بالكامل قبل ما يتهنى بيه
وحسبى الله ونعم الوكيل

[محمدصلاح القاضى]

المشاركة الأصلية كتبت بواسطة Hisham.Elgazzar بقولك يا محمد بالنسبة للموضوع ده بالذات حساس جدا واحد صاحبى بيحكيلى على واحد يعرفه عمل 7 رجالة وجاب كونتينر من برة محمل بما لذ وطاب علشان يبيعه هنا فى المحروسة ويا فرحة ماتمت الكونتينر ولع بالكامل قبل ما يتهنى بيه وحسبى الله ونعم الوكيل

بص يا هشام
انا جوز اختى بالولايات المتحده الامريكيه ومعاه الجنسيه
ومقيم بالتحديد فى واشنطن
بيقولى ان الناس هناك ممكن تغيير حاجتها زى ما تكون بتغير هدومها
يعنى العربيه ما تعدش اكتر من سنتين التلفزيونات بتتغير يجى اكتر من 7 مرات فى السنه
وبعدين هما هناك مش بيبيعوا الحاجات الاستعمال رغم ان استعمالهم خفييف
لا يطلعها قدام البيت بجميع مشتملاتها يعنى التلفزيون بيطلع بالكرتونه والريموت والكتالوج ولو معاه اريال بيطلع معاه تخيل بقى كام واحد بيعمل هناك كدا
لدرجه ان معاه واحد مصرى زميله هناك عامل مخزن من الحاجات دى وكل فتره يشحن كونتينر وينزله مصر ويبيع هنا على اساس انه زيرو او كسر الزيرو تخيل مقدار الثروه اللى بيعملها من الشغل دا (طبعا ان مش بقر انا بحسد) هههههههههههههههه

[Hisham.Elgazzar]

المشاركة الأصلية كتبت بواسطة aimooo مش حرام الصور اللي في الاخر دي كانو سابو العربيات سليمه علي الاقل نستوردها قطع غيار وميخلوش التجار عندنا يفضلو يقولو العربيه ملهاش قطع غيار وماتت وكلام فاضي

مصالح الناس التانيين يا أستاذ ايمن ، يعنى لو احنا عربياتنا اللى راكبينها احلى من الزيرو تفتكر فى حد هيشترى جديد
لازم يموتلك العربية
ويسهل شرا الجديد والإحلال
انا شفت بنفسى على الطريق الدائرى 3 مقاطير محملة عربيات بولونيز و132 مهروسة تكاسى إحلال
واصحاب التكاسى دى دلوقتى بيجروا فى الشوارع علشان يلموا الأقساط ، ويروحوا لبتوع التوكيلات يقطموا وسطهم أكتر