دليل الاعطال و الاصلاحات للفيرنا

[kimolimo]

معلش يا جماعة عندى سؤال انا معايا فيرنا عاملة 35000 وانا بقالى فترة بسمع زنة غريبة لما بشيل رجلى من على البنزين خصوصاُ لو ماشى على التالت و لما رحت أغير زيت قالولى ان زيت الفتيس كان مفروض يتغير من 5000 كيلو فغيرته الصوت خف شوية لكن لسه موجود تفتكروا ده صوت ايه ؟!

[monty1972]

انا برضة كنت ببسمع صوت لمل اشيل رجلى من على البنزين بس كان فى كل الغيارات و خصوصا لمل اكون ماشى على سرعة اعلى من سرعة الغيار ، شكيت فى الشكمان و فعلا طلعت السوستة محتاجة تتغير
بس لو انت بتسمع الصوت دة على التالت بس يبقى حاجة فى الجيربوكس و غالبا حتكون رولمان بلى
طبعا دة على قد علمى و ممكن يكون غلط بس بحاول اساعد من واقع الخبرة و ارجو تصثحيح معلوماتى لنستفيد جميعا

انا بقا اللي مشكلتي اني لما بكون واقف في اشارة الاقي عداد الاربي ام يرفع علي 1500 اكني محمل رجلي علي البنزين والاقي صوت الماتور يعلي انا مش عارف المشكلة ديه حلها ايه ولما بشغل التكييف الاقي العربية تنتش عندي العربية عاملة 20000 كيلو

[sony1mady]

من الواضح أن اللي بيفتي و يقول ان زيت الفتيس لازو يتغير عند الـ 5000 دة مش فاهم حاجة و أحسن رد عندي لمشكلتك و أنا بعتبر نفسي من عشاق الفرنا أن أقولك روح التوكيل علي الأقل هيقولك أية هوة العيب و بعد كدة عجبك سعر التصليح صلح العربية في التوكيل و لو معجبكش أديك عرفت العيب فين و روح صلح العطل عند أي ميكانيكي تعرفو .

[mfa100]

المشاركة الأصلية كتبت بواسطة corsair انا بقا اللي مشكلتي اني لما بكون واقف في اشارة الاقي عداد الاربي ام يرفع علي 1500 اكني محمل رجلي علي البنزين والاقي صوت الماتور يعلي انا مش عارف المشكلة ديه حلها ايه ولما بشغل التكييف الاقي العربية تنتش عندي العربية عاملة 20000 كيلو

انا عربيتى عاملة 13000 و الRBM بيكون عالى شوية فى بداية التشغيل و المتور بارد و ده طبيعى عشان تسخين الموتور.
بس بحس بردو زيك بنتشة عند تشغيل التكييف بس خفيفة . و اعتقد ده طبيعى بردو لان التكييف بيحمل زيادة على الموتور بيقلل السحب .
بس انا جبت 190و التكييف شغال .