#346
|
رد: أدب الرحلات
ومازلنا فى بنها
والشاب أيمن (انا مسميه كده) شاب لذيذ ظريف خلص تعليمه بالعافيه ابوه راجل مقتدر وبيشتغل فى السعودية من أول م قالو يالا نعمل سعودية (هههههههه يعنى من زمان جداااااا) وكل يوم يركب عربية الوالد ويتنطط بيها وكل اسبوع مدغدغ نص العربية وابوه يصرف عليها شوية آلاف يعنى العربية بتقعد سليمة حوالى من اسبوع الى 15 يوم فى الشهر فقط وعند الصنايعية بقية الشهر وكل شوية الحمد لله ياعم خالد اللى ييجى فى الريش بقشيش المهم ربنا قدر ولطف وفى يوم قرر يفتح مطعم فول ايه رأيك ياعم خالد ممتاز وهتفتح فين فى تبوك مش هنا يعنى ؟؟ لا فى السعودية الف مبروك الله يبارك فيك نسيبه كان حبيبى قال هيقفل بعد شهرين ويجينى هنا يقعد فى المحل مفيش 3 شهور ولقيته قاعد فى المحل مالك ياعم قـفـلت المطعم ليه بيخسر انت لحقت ؟؟؟؟؟؟؟؟؟؟؟ اصبر شوية اهو قفلته وخلاص ومفيش اسبوع وروحت لنسيبه (كان زبونى) فين ايمن فى المستشفى ليه عمل حادثة وكسر العربية تاااااااااااااااااااااااا ااااااانى ههههههههههههههههههههههههه ههه التعديل الأخير تم بواسطة خالدخليفة ; 14-08-2010 الساعة 06:52 AM |
#347
|
رد: أدب الرحلات
والنهاردة يوم بنها
الكابتن فكرى (اسم حركى برضه) راجل عميد طلع على المعاش اخد قرشين من الجيش وقرر يشتغل فى مجال التجارة وفاهم التجارة غلط ويدى الزبون البضاعة ويتعالى عليه(يتعنطز عليه / يتكبر عليه) ولو اتاخر فى دفعة من الدفعات الاسبوعية يعامله كأنه عسكرى عنده فى الوحدة وابتدا يخسر الزباين واحد ورا التانى ففتح محل هدايا وقعد فيه وطول النهار ساحب كرسى وقاعد مع اصحابه قدام باب المحل وهااااااااااات ياكلام وانا اكتشفت المحل وعرضت عليه الشغل وبدأ ياخد منى طلبيات صغيرة جداااا لكن قلت ياواد زى بعضه وأهو الصغيرين دول بيطلعو مصاريف الطريق ومشينا على كده ييجى 7 او 8 شهور وفى يوم ربنا اكرمنى بالنيسان الصنى لكن لازلت علاقتى بالقطار متينة وعلاقتى بالعربية لسه طرية ولاجل القدر سأ لنى / مش ناوى تجيب عربية؟؟؟؟؟؟؟ ناوى طيب شد حيلك م انا جبتها والله ؟؟؟ الف مبروك الله يبارك فيك 128 ؟؟؟؟؟ لأ 131 لأ مش معقول تكون جبت بيجو 504 ؟ لأ ايه سيات 133 ؟؟؟؟؟؟ هههههههههه لا بس انت قربت شوية ماركتها ايه ؟؟؟؟؟؟ نيسان صنى 2008 وبدهشه انا اندهشت لها قال انت تركب نيسان صنى ؟؟؟!!!!!! وفيها ايه ؟؟؟؟؟؟؟ واسعة عليا ؟؟؟ ياسيدى ممكن اتخن شوية علشانها لا مش قصدى بس من القطار للنيسان حتة واحدة ؟؟؟؟؟!!!!!!!! وايه المشكلة مفيش مبروك مبروك واحدة بس؟؟ اه كفاية عليك بعدها بكام يوم العربية خبطتها تريللا فى الشنطة من ورا وانا رايح بنها دخلتنى فى بيت دغدغت مقدمة العربية قلت حسبى الله ونعم الوكيل ومروحتلوش تانى من سنة ونصف |
#348
|
رد: أدب الرحلات
المشجعين والقراء فيما يبدو نامو او زهقو وفى الحالتين هنام تصبحو على خير
|
#349
|
||||
|
||||
رد: أدب الرحلات
وأنت من أهله ياباشا, أنا لسه واصل الشغل وفتحت أقرا, الكاتب هو اللى نام مش المشجعين.
قصص جميلة وطريفة بس أجمد واحدة بتاعت الكابتن فكرى "انت تركب نيسان صنى ؟؟؟!!!!!!" هههههههههههههه. ربنا يعوضك بالحادثة دى خير يا أستاذ خالد, ويباركلك فى عربيتك وشغلك وبيتك بحق الضحك والأستفادة اللى خدناها من نوادرك.
__________________
|
#350
|
||||
|
||||
رد: أدب الرحلات
ههههههههههههههههههه قولت للحاجة عليها وقالت هتعملها لكن مش مقتنعه ازاي الدنيا كلها تتهري كده لما اللحمة تستوي بخصوص موضوع رمضان حصلت متغيرات كتير على الناس وجو اسكندرية مشجع اهلها على انهم ينزلوا غير القاهرة لكن الاقاليم مرحلة وسط بين الاتنين فيهم بيخرج وينزل يصلي لكن مناطق مناطق وغالبا بيكونوا كبار السن والشباب فوق 30 لكن تحت 30 بيكونوا شباب ملتزم او من نشأتهم متعودين على النزول للصلاة والخروج والتجمع الحاجة التانية بقى الطاااااااااااااااااااااا مة الكبرى السلاح ذو الحدين التلفزيون وطبعا الفضائيات اللي مبقتش سايبه حاجة ولا مكان لحد او حاجة كنا زمان بنستني مسلسلات رمضان اللي غالبا بيكون فيها قيم ادبية واجتماعية وغالبا 3 او 4 مسلسلات النهاردة فيه ما يقرب من 50 او 60 مسلسل ان لم يكن اكتر مصري وسوري وخليجي وتركي ده غير البرامج الترفيهيهة الخ الخ الخ الخ عاوز الناس تعمل ايه ايهما اضمن انزل ابني الشاعر ويلعب مع ده وده ويرجعلي متعور ويرجعلي بخبرات منها السيء ومنها الحلو وكلها اولا واخيرا خبرات تعينه على دخول الحياة بعد كده ويبقى واد حرك ( بكسر الحاء) والا اقعد ابني قدامي يتفرج على التلفزيون ويشوف اخر تطورات الدنيا الازيائية والاجتماعية والثقافية والفلسفية وفي الاخر يجي يخرج للحياة بدون اي خبرات يتصدم بالواقع ويرجع تاني للبيت يا عم خالد الدنيا بقت بتاكل في بعضها ولك واحد خايف على عياله وكل واحد بيقول قي اخف من قضى احط ولادي قدامي واحافظ عليهم ولا انزلهم واخرجهم واخليهم يتعرضوا لاهانات ويشوفوا ما لا يحمد عقباه وان كنت عاوز تشوف الناس اللي بتخرج انزل شوفهم في المولات وفي الحسين وفي الخيم الرمضانية ( عاملين برامج كتير تخبل العقل اشي رقص واشي مغني واشي قله ادب والاسم خيمة رمضانية ) انا فاكر زمااااااااااااااااااااااا ااان كنا نستني رمضان علشان نجيب ورق الكراسات القديم والكتب بتاعت السنة اللي فاتت والشباب الكبير يعلق لنا خيط بعرض الشارع واحنا نقص الورق ونعمل نشا ونجهز لهم ونناول علشان هما طوال يلزقوه على الخيط وبعد كده يتعلق الكلام ده وتتزين البيوت من فوق لتحت والشوارع من اولها لاخرها والناس كانت تدخل الشارع تقول مين احسن من مين ( وكنا الاطفال نقول امتى بقى نكبر علشان احنا اللي نعمل الخيط والصغيرين يجبيولنا نعلق ) وكان في كل شارع فانوس كل كام بيت او حتى فانوس بين كل بيتين في نص الشارع بالمشاركة بين البيتين النهاردة الزينة بتيجي جاهزة مقصوصة ومطبوعة وملهاش اي طعم وكل بيت يدوب يعلق عليه فرعين ومحدش له دعوة بحد وان كان الطفل عاوز يعلق على البيت كله تدخل تستأذن من الجار علشان تعلقو في البلكونة يتأفف ويمتعض ويتضرر ويا سلام بقى السادة المفكرين والعباقرة اللي عاوزين شوارع البلد في رمضان شمس النهار والموضه الجديد بقالها كام سنة فرع نور من اول الشارع لاخره علشان هنذاكر في الشارع ( واحنا عندنا ازمة كهرباء ) والزيارات بتقل واخرها عزومة واحده عند كل واحد مرة وامتى العزومة هتترد والعزومة لازم يتعمل فيها ما لذ وطاب مش كل واحد على قد الموجود ويتعمل لكل واحد اكل يكفيه 3 او 4 ايام وبعد كده مصيره يا ماا الزبالة يا اما الفريزر والكلام عن اللبس والموضة والثانوية العامة والدروس وانواع الاكل اللي طالعه جديد او اللي مش نعرفها وطريقة مش عارف ايه والشباب يا اما كورة يا اما كورة يا امااااااااااااا بقى كووووووووووووووووورة هنقول ايه والا ايه والا ايه خليني ساكت احسن بس برضة عاوز اكل بورمة
__________________
ولا نقول إلا ما يرضي ربنا إنا لله و إنا إليه راجعون
التعديل الأخير تم بواسطة hazem_khidr ; 03-11-2010 الساعة 05:54 PM |
|
|