خلاص إتبسطتوا كده يا رب نرتاح بقى ونشوف هتعملوا إيه؟

[AbOnOrA]

الشباب اللى بيتحرك واعى وايجابى ممكن يكون الغضب كان مسيطر اكتر بليل بس عندى امل كبير فى وعى شباب مصر وبإذن الله الجيش مش هيخيب ظننا
الجمهورية التانيه فى الطريق ان شاء الله

[Komy]

المشاركة الأصلية كتبت بواسطة corsair والله يا كومي انتا بيتهيئلك وهو باسلوبه وصلك ان مفيش حد هيجي زيه في الرياسه وديه خدعه سياسيه وهو قدر يخدع ناس كتير زيك ان اللي هيجي من بعده هيخربها تقدر تقولي اخر مره حسني مبارك نزل فيها الشارع المصري كانت سنة كام تقدر تقولي ليه سايب لحد دلوقتي عاطف عبيد رئيس البنك الدولي العربي الغير خاضع للبنك المركزي لحد دلوقتي تقدر تقولي ليه سايب صفوت الزفت الشريف وفتحي سرور لحد دلوقتي تقدر تقولي مش راضي ليه يلغي قانون الطوارئ لحد دلوقتي

انا مقولتش كده وانا مع انه يمشى بس مش دلوقتى وعموما خلاص معادش ييجى منه اهو سابها اتفرجوا بقى على اللى هيحصل وبدايتها تحركات الاسطول الامريكى فى البحر الاحمر قبالة السواحل المصرية

[حازم شاهين]

أنا مستغرب قوى من الناس إللى عايزة تفضل مقهورة و مطحونة و مسروقة
فى مقابل إحساس زائف باﻷمن

و ليه النبرة دى

بكرة تشوفوا و بعده تعرفوا

هى مصر وقفت على رجل واحد

للأسف برضه نتيجة لغسيل العقول المنظم من إعلام صفوت الشريف و أنس الفقى الناس فاكرةإن البلد هتضيع لما راجل يستقيل

أنا عايز الناس دى تفتكر بس موقف مصر كان إزاى يوم ما مات عبد الناصر

كنا فى حرب و سينا محتلة و الشعب فى حالة إحباط
و الرئاسة إتنقلت لشخص محدش يعرف عنه حاجة

و مع ذلك و بعد 3 سنين حققنا نصر أكتوبر

مصر يا جماعة أعظم من أى شخص فرد

و عظمتها تكمن فى شعبها كله مش فى شخص رئيسها

[Komy]

المشاركة الأصلية كتبت بواسطة حازم شاهين أنا مستغرب قوى من الناس إللى عايزة تفضل مقهورة و مطحونة و مسروقة فى مقابل إحساس زائف باﻷمن و ليه النبرة دى بكرة تشوفوا و بعده تعرفوا هى مصر وقفت على رجل واحد للأسف برضه نتيجة لغسيل العقول المنظم من إعلام صفوت الشريف و أنس الفقى الناس فاكرةإن البلد هتضيع لما راجل يستقيل أنا عايز الناس دى تفتكر بس موقف مصر كان إزاى يوم ما مات عبد الناصر كنا فى حرب و سينا محتلة و الشعب فى حالة إحباط و الرئاسة إتنقلت لشخص محدش يعرف عنه حاجة و مع ذلك و بعد 3 سنين حققنا نصر أكتوبر مصر يا جماعة أعظم من أى شخص فرد و عظمتها تكمن فى شعبها كله مش فى شخص رئيسها

اولا محدش قال ان الناس عايزة تفضل مقهورة وعايزين مبارك يمشى وكل من وراءه كما ذكرت فى بداية موضوعى لكن احنا بنقول يمشى امتى هى دى مربط الفرس ويا ريت نحسبها بالعقل قبل ما نتكلم

[lol64]

المشاركة الأصلية كتبت بواسطة حازم شاهين أنا مستغرب قوى من الناس إللى عايزة تفضل مقهورة و مطحونة و مسروقة فى مقابل إحساس زائف باﻷمن و ليه النبرة دى بكرة تشوفوا و بعده تعرفوا هى مصر وقفت على رجل واحد للأسف برضه نتيجة لغسيل العقول المنظم من إعلام صفوت الشريف و أنس الفقى الناس فاكرةإن البلد هتضيع لما راجل يستقيل أنا عايز الناس دى تفتكر بس موقف مصر كان إزاى يوم ما مات عبد الناصر كنا فى حرب و سينا محتلة و الشعب فى حالة إحباط و الرئاسة إتنقلت لشخص محدش يعرف عنه حاجة و مع ذلك و بعد 3 سنين حققنا نصر أكتوبر مصر يا جماعة أعظم من أى شخص فرد و عظمتها تكمن فى شعبها كله مش فى شخص رئيسها

ياحازم باشا كلامك صح طبعا ومظبوط عمر مصر ماوقفت على فرد واحد
وبالنسبه لشهداء الثوره كلنا بنحترمهم ويكفى اننا نقول عليهم شهداء
احنا بنتكلم عن ناس واخداها تهريج فى التحرير وطبعا مش كلهم وحط تحتيها مليون خط مش كلهم
انا مثلا ابن اختى 22 سنه فى الجامعه فيه بنات اصحابه مستنيينه ينزل التحرير يتقابلوا هناك هو وشله من اصحابه
دى مظاهرات دى انا راضى ضميرك ودول بنات يعنى ................فاهمنى طبعا
انا بس باديك مثل
لو شيلت المدعين دول كلهم من التحرير مثلا هايتبقى مالايزيد عن 5 الاف واحد فاهم هو نازل ليه ومعتصم ليه وممكن تتكلم معاه وتتحاور ويفهم ويفهمك وتفهمه

والله على ماقوله شهيد