انا كرهت الجولف وندمت اني جبتها

[wassof]

المشاركة الأصلية كتبت بواسطة myousry1 اريد ان اسئل حضرتك بعض الاسئله هل غيرت السيور كلها و الزيت و فلتر و فلتر بنزين و فلتر الهواء ؟ و هل غيرت وش الاسبراتير و الشاكوش اللى جوة ؟ و هل غيرت البوجيهات و اسلاك البوجيهات ؟ كل دة محتاج يتغير الاول ديه صيانه العربيه اول ما تشتريها بس بوص الاول على وش الاسبراتير هل حالته جيدة ام لا و على العموم سيبك من الميكانيكى دة من الاخر حاسس و الله اعلم انه عايز يعمل عليك شغل بوص انا هقولك على 2 ميكانكيه من الاخر ولا بقى خرفين و النصب ولا لبنان ولا احزنون اولا فى ميكانيكى اسمه شعبان عندة ضمير و بيشتغل فى الجولف من 20 سنه و هو تخصص اصلا المانى العنوان تدخل شارع الهرم و تلف اول لفه كانك راجع تانى على الجيزة اول يمين تخدو بعد الفه اسئل عن مدرسه النيل هو بجوار مدرسه النيل اسمه شعبان و ابنه اسمه رامى بمعنى اصح فى قهوة بعد مدرسه النيل هو فى الشارع دة شارع سد و على فكرة كان شغال مع المهندس حاتم دة كان 20 سنه فى بى ام المانيا فى واحد تانى اسمه طارق دة اصلا سورى فى التعبير هتتحول من العربيات اللى عندة طارق دة فسن بقى انزل من على كوبرى فيصل و ادخل فيصل تمشى شويه فى محل اسمه جولدن مان للملابس كبير اوى على ايدك اليمين هو فى الشارع دة بتاع المحل ادخل الشارع على ايدك المين بس اقسم با الله هولاء من افضل ميكانكيه فى مصر بس اسعار شعبان ممكن تكون ارخص بس نصيحه ابعد بقى عن سيد عبدة اللى فى جسر السويس و الحرفين و الكلام دة عشان لو حسو انك مش فاهم اوى هيظبطوك فلوس على العموم بى اختصار لو فى عندك تنتيش على كل النقلات مثلا و دخنه سودة فى الصباح يبقى ممكن تكشف على وش الاسبراتير و الشاكوش لو فيها شاكوش اسبراتير و اسلاك البوجيهات و بى المرة غير البوجيهات بس لازم تعمل صيانه الاول فلتر بنزين تغير فلتر زيت و كدة فى حاجه مهمه خليه يكشفلك على طلمبه البنزين او الردخاخ يشيل خرطوم البنزين و دوسه بنزين و تشوف على البنزين هينتر بقوى ولا الطرمبه ضعيفه يعنى كل دة اصلا فى الكشف ياخد 5 دقائق تقريبا و نصيحه متسبش العربيه عند الميكانكيه عشان مش مضمونين مهما كان لانه ممكن يفك قطع غيار من العربيه و يحتلك قطع اى كلام و ليه اصلا 4 ايام متروحش للميكانيكى دة تانى و لو عايز تروح لشعبان او طارق ارسلى خاص و انا ان شاء الله اظبطك و لو كمان عوزنى اروح معاك مفيش مشكله لان العيوب اللى انت بتقولها و البنزين و الكلام دة ممكن يكون حله مثلا حاجه بى 10 جنيه و الميكانيكى بيسحب منك فلوس و خلاص شعبان و بس شوف فاضى امتى و ابعتلى

ياباشا ياريت لو ترد عليا بسرعة انا عايز ايمالك علشان انا هخلص في جولف بكرة ومش فاهم في العربية دي اي حاجة وهيا متسقط ليه ماتور 1800 بس مش شايف رشاشات البنزين بتاعتة خالص اشوفها فين ولا تبان منين وكمان اعرف منين ان دة ماتور ال1800 علشان الراجل دة مش ثابت انه 1800 ياريت لو ترد عليا انهارضة علشان بص انا هخلص بكرة الصبح بس انا لسة مرفعتهاش في بنزينة ولا كبست وهل الكبس ده يعرفني الماتور دة كام سي سي ؟
وياريت اعرف ثمن الحجات الي حضرتك كتبتها دي الي المفروض اغيرها اول ما اشتري العربية تعمل كام
وشكرآ

[shfee]

معلومة عرفتها امبارح لانى عندى نفس المكنة فى العربية وعاملة نفس المشاكل الميكانيكى قالى انه لو فية حساس واحد على المكنة دى مش شغال او متشال المكنة عمرها ما تكون مظبوطة نهائى فقعدت احسب الحجات اللى انا محتاجها فى المكنة لاقيتها داخلة فى مبلغ وقدرة فا انا بفكر حاليا يا اما اغير المكنة يا اما امشى بيها كدا لحد ما ابيعها واخلص وروحت سالت عليها كاملة استيراد لقيتها بـ 3000 جنية استيراد اليابان المكانيكى هياخد 700 جنية مصنعية تركيب والكهربائى هياخد 400 جنية يعنى كلة 4000 جنية وسألت على مكنة تانية ADZ 1800 برضو بس كربراتير هاف انجكشن رشاش واحد يعنى بتنزل على الجولف 3 وبنفس الثمن فا مش عارف بقى

[viper]

لو عاوز اى حاجة فى VW روح ليحي جولف فى الحرفيين عند الجامع واسال عليه الف مين يدلك. هوا ممتاذ و حنين فى سعره.

[كمال....]

فى ميكانيكى فى الحرفين اسمة يحي جولف دة فوق الممتازانا كنت بسافرلة مخصوص

[matmm]

بص الجولف 2 عربية محترمة بس معلش انت حظك وحش بس انا هقوللك على حل خلية اخر حل لو خلاص مش لاقى حل انزل اشترى مانافول وكربراتير من الحرفين هيعملوا بتااع 600 جنية وهتشتغل زى الفل وهيركبوا بدون اى تعديلات ومش حواار عاشااان الميكانيكى ميحورش عليك احنا عاملنها فى جولف1 بتاااعت واحد صاحبى و شغااالة زى الفل و ربناا معااك ولو عايز اى معلومة انا موجود