أيهما أفضل MERCEDES C300أمBMW 320i ولماذا

[fares515]

المشاركة الأصلية كتبت بواسطة medo akef انا متفق معاك تماما لكن المشكله قطع اليغار و التوكيل و سعر اعاده البيع؟! بس عموما اودي منافس قوي جدا لكل المركات في العالم فهمي من اكبر المركات الالمانيه ولا مسمعتوش عن الTTاو R8

بص ياميدو باشا بالنسبه للأودي توكيلها قوي وكويس وقطع الغيار أسعارها زي المرسيدس والبي إم وسعر اعاده البيع مش في أولوياتي بس اكيد سعر اعادة بيع الأودي والباسات سي سي هيبقى نكته ومش بعيد بعد سنتين تلاته العربيه سعرها ينزل النص وانا والله قريت عن كل العربيات في الفئه ديه زي الأودي والليجاسي والأكورد(أنا بعشق العربيه ده) وكمان الكرايسلرc300(بالنسبه لى احسن من المرسيدس والبي ام ميه مره!)والسيتروين c5وحتى الجينيسيس كوبيه والسوناتا الجديده بس زي ماقلت قبل كده انا مستخسر ادفع فلوس في غير البي ام والمرسيدس معلش بقا الثقافه المصريه في العربيات واخده حقها معايا
ايه رأيك في الفيديوهات صحيح؟؟

[BmW MeRo]

المشاركة الأصلية كتبت بواسطة fares515 فكرتك وصلت ياباشا طبعا بخصوص العربيات المجمعه في مصر وانك مش مقتنع تماما بس ده واقع دلوقتي واعتقد 95%من المرسيدس والبي ام في مصر تجميع محلى والباقي مستورد ورغم كده مسمعناش حد اشتكى منها يعني اذا كان اللى مشترى عربيه ب100الف ولقى فيها عيب بنقوله اطلع على جهاز حمايه المستهلك فمابالك باللى شاري عربيه بنص مليون اكيد طبعا مش هيتسامح مع اى نص غلطه ممكن تحصل من العربيه ومن اول سنه تجميع لو كان ظهرت اي مشاكل كانت هينتشر الكلام عليها لان وجود عيب او سوء في عربيه زي البي ام او المرسيدس هيسمع علاطول وسيبك من صوت الأمه لان ده كلها سياسه اعلانات وبزنس من تحت لتحت يعني انا مثلا صاحب توكيل البي ام حبيبي يبقى اضرب في المرسيدس من تحت لتحت واجيب خبر واقعد اعيد نشره كل شهرين مره وهيا صوره واحده اللى معايا اقوم كل شويه انشرها ومن جميع الأبعاد وفي جانب تاني لازم يكون واضح وهو ان الشركات ديه فيه تنافسيه عاليه بينها وخصوصا على الفوز باكبر كعكه في السوق المصري لان مصر تعتبر تاني او تالت بلد في العالم بتستهلك مرسيدس وكذلك البي ام فطبعا لو المصنع بتاع التجميع ده كان اقل من 7نجوم كانت الشركه مش هتوافق .. مش بقلك ان التقفيل المصري زيه زي الألماني في الجوده طبعا ده مستحيل بس على الأقل 95-98% من جوده التقفيل الألماني..وصلت الفكره يامان؟ وبالنسبه للأودي ان مش بعايب عليها ولاحاجه بس بعرفك ان محدش عارف قيمتها في مصر يمكن احنا متابعين السيارات وكده فعارفين قيمتها وعارفين انها في أوروبا بيفضلوها على الbmwوالكلام ده أكيد 100% وبرده الباسات سي سي عربيه امكانياتها معديه ومن حيث الشكل فاجره جدا وكوبيه بس برده ارجع اقول احنا في مصر يعني عايز تدفع في عربيه محدش يقلك حرام يبقى في المرسيدس والبي إم ارجع واسألك نفس السؤال بتاع الموضوع لو انت مكاني تختار ايه من العربيتين دول bmw 330i ولا mercedes c300 بس عشان خاطري تعالى على نفسك وخليك في التجميع المصري(على قدنا) متقليش استوردها من بره...مفهوم يازعيم

هقلك بقى يافارس باشا ابعد عن المرسيدس لان شركة ايجا يعنى ولله الحمد مفضوحة على صوت الامة اشترى اى عدد من صوت الامة وشوف الملحق وليا صاحب قالوا
ان المرسيدس ايجا مش هى مرسيدس بنز الى بيطلع من مصنع شوتجارت ابدا ابدا
لكن البى ام فهى تقفيلها معقول طبعا ركبت العربية دى وشوفتها على الطريق اداء
حاجة محترمة لجد لجد يعنى وبعدين البى ام سهلة التوضيب ودة الى معروف عنها
فى الموتور ولا حتى فى البدى وفية هنا ميت مركز بيعملوا عليها بدى كات ومعروف
ان البى ام ارسى واجمل على الطريق غير انها الاشيك من وجه نظرى موضوع بقى
انها بتخسر فى السعر ماعتقدش لان الاتنين بيخسروا ولاسف ههههههههه الناس بتعشق اليابانى ودة الى مخلية يمسك السعر وبعدين 330 تمسك سعرها عن c300
لكن بنسبة لE من المرسيدس بتمسك سعرها عن البى ام دبليو الفئة الخامسة

[fares515]

شكرا لكل من ساهم في الموضوع وشارك برأيه خصوصا أستاذ شريف منسي...
يوم السبت اللى فات رحت التوكيل وحجزت c-class 250 avantgarde لون أبيض وان شاء الله التسليم في يناير او فبراير...

[Injection]

المشاركة الأصلية كتبت بواسطة fares515 شكرا لكل من ساهم في الموضوع وشارك برأيه خصوصا أستاذ شريف منسي... يوم السبت اللى فات رحت التوكيل وحجزت c-class 250 avantgarde لون أبيض وان شاء الله التسليم في يناير او فبراير...

ألف مبروك عليك الميرك, لكن اللى مزعلنى أنك هتستلمها متأخر, بس تستاهل الأنتظار طبعا.



عقبال ماتركب ال sls ياباشا.

[fares515]

المشاركة الأصلية كتبت بواسطة Injection ألف مبروك عليك الميرك, لكن اللى مزعلنى أنك هتستلمها متأخر, بس تستاهل الأنتظار طبعا. عقبال ماتركب ال sls ياباشا.

الله يبارك فيك ياباشا...وشكرا على ذوقك
فعلا التسليم متأخر اوي بس ده راجع للون العربيه لانهم مخصصين لكل لون شهر معين في التسليم واللون الأبيض لانه نادر وطلباته قليله مخلينه اخر لون في التسليم..
وربنا يرزقنا واياكم