العربية معايا من مارس 2009 يعنى بقالها معايا أكتر من سنة و نص و عامل بيها 52000 كيلو.
سافرت بيها أسكندرية كتير و مطروح مرة و العين السخنة و بورسعيد و كمان أنا كل مشاويرى فى القاهرة محور 26 يوليو - أوتوستوراد - دائرى - كورنيش بالليل.
يا جماعة التنطيط موجود فعلا بس اللى بيحس بيه اللى قاعد ورا بس و ده لما بتمشى فى الطرق السريعة على 100 أو أكتر و يكون طريق زبالة. يعنى مثلا الدائرى من طريق السويس لحد كريق الاسماعلية ما فيهوش أى مطبات هوا - افتح بيها هناك براحتك و لا هاتحس بأى حاجة.
أو فى طريق أسكندرية الصحراوى على الأسفلت الجديد اللى اتعمل و خلص قبل صيف 2009 كله ناعم جدا و جبت عليه 200 كذا مرة و كانت زى الفل و بوظت كل الألمانى اللى على الطريق. بس خلوا بالكوا الأسفلت الجديد اللى خلص السنة دى قبل صيف 2010 مش حلو خالص زى السنة اللى فاتت شكلها شركات تعبانة شوية و طبعا خلوا بالكوا من التحويلات.
و طريق السخنة كمان جبت فيه 200 بس و الملفات على 160 ما فيهاش أى مشاكل. بس طريق السخنة مشكلته المطالع و دى طبعا لو عملت ايه هتقل سرعتك.
انما المنازل أو العدل زى الفل يا معلمين.
عموما ما بانصحش حد يجيب الاسبور لأنها غالية على الفاضى يعنى ايه كساحة قدام و فوانيس شكلها تعبان و كذلك ورا و حلية شكمان للشكمان اللى أصلا بوزه باصص لتحت
و مرايات كهربا و الزيادة 5 و لا 6 ألف جنيه.
فاكس قووووووووووى
عموما بالنسبة لموضوع التنطيط مش موجود غير فى الجرى فوق ال 100 على الطرق اللى فيها مطبات هوا و مش بيأثر على ثبات العربية و مش بيحس بيه الا لو فى حد قاعد ورا يعنى من الأخر لو مركب حد ورا خصوصا لو ناس كبار امشى على 100 اخرك طول ما انت على طرق سريعة تعبانة.
و سألت على الحوار ده فى التوكيل و المهندس قال لى ده عشان العفشة الاسبور.
المشكلة ان هيونداى عاملة فى العربية دى عفشة اسبور و برضه دى موجودة فى اللانسر البومة و نفس الكلام فى البومة بتتنطط من ورا بعد ال100 فى مطبات الهوا.
مشكلة الشركات دى انهم عايزين يقلدوا انظمة تعليق بتاعت عربيات نظيفة و غالية زى الألمانى بس على قد امكانياتهم و اللى ما يخليش العربية سعرها عالى فبيحصل انها بتبقى اسبور بس مش قوى يعنى هههههههههههه.
04-10-2010, 12:56 PM
رد: موضوع التنطيط .. نيو أكسنت
