هام جدا لكل الاعضاء00 أنا أتسرقت يا جماعة!!!!

[essam275]

المشاركة الأصلية كتبت بواسطة fhd737 *اولا شكرا جزيلا لأخى العزيز ابو نورا ودفاعه عن حقى وحق كل عضو بمصر موتورز فهذا رجل مقاتل من أجل الحق وهى سمة الفرسان فى عصر ندر فيه النبل *ثانيا شكرا لكل عضو محترم فى منتدى محترم اسمه مصر موتورز شارك فى الموضوع بالرأى او النصيحه أو التعاطف أو التعليق00لكم جزيل الشكر وعظيم الحب *ثالثا من الامانه كما قلتم أن يذكر مصدر النقل أو الاقتباس والسبق بكلمه منقول لو كان الموضوع مشاع وليس له صاحب أصلى أو ليس محظورا وموضوعى المذكور لم أحذر من نقله وقد قمت بعمله للفائدة وخدمة الاعضاء وابذل فيه مجهودا من الوقت فى سؤال من اعرفهم من تجار او الاتصال بهم وبالنزول الى الاسواق واستطلاع الاسعار والتجول فى اعلانات للبيع لتكوين صوره عن وضع السوق المتغير دائما00خاصة وان اسئله الاعضاء لا تقتصر على سيارات بعينها فلا أقبل ان ينسب مجهودى لآخر ويشكر عليه وانا اتفرج 00فالساكت عن الحق شيطان أخرس فما بالك حقك *خوفى الاكبر على موضوعاتى الابداعيه والتى أخص بها مصر موتورز مثل روايه صديقى والسيارة الملعونه او حكايتى مع السيارات او سلسله مقالات فلسفيه وطبيه ودينينيه سهرت الليالى لكتابتها وتعبت فيها ليقوم بعدها مثل هذا الشخص وسرقتها فهل هذا حلال؟! وحاليا بدأت اكتب مسلسل بوليسى بعنوان (جريمة كل يوم) لامتاع الاعضاء واختص به المنتدى ثم أجده منقول غدا على موقع آخر وبأسم آخر! هناك فرق بين الموضوع المجمع والموضوع الابداعى الذى لم يكتبه الا كاتبه وهو الاحق به ولا يحق لاحد غيره ان ينقله 00فهناك قانون حمايه حقوق الملكيه الفكريه ولمن لا يعلم ان العقوبه قد تصل للسجن حتى لو كان العمل غير مسجل بدار الكتب او الشهر العقارى لانه فى حاله الخصومه يكون الرجوع الى كتابات سابقه والمقارنه لان كل كاتب له بصمه تعرف من قبل لجنه متخصصه وكذلك فان هناك مخطوطه باليد بيعرف منها الخبير المختص تاريخ كتابتها الفعلى والسارق وان قدم مخطوطه فهى بالطبع احدث لانه نقل *رابعا اننا فى مصر موتورز لسنا مجموعه تكتب موضوعات واى تعارف وكلمتين شكر والسلام00لمن لا يعرف فمصر موتورز هو الموقع الوحيد على الانترنت الذى يجمع معظم الاعضاء فيه حب حقيقى صادق وتفانى فى خدمه بعضهم ليس من أجل نقاط او كلمه شكر ولكن من أجل حب فى الله وأخوة صدق وتعاون وتراحم وتكافل معنوى وفكرى كالجسد الواحد00 بفضل من الله ورعايته لاننى اعتقد ان الله هو من فعل بنا هذا ربما لصدقنا الحقيقى وتفانينا فى الحب مع انصهار الانا وقد قلت لاخى وائل ان مصر موتورز ستكبر حتى تصبح اكبر منتدى فى مصر وربما فى العالم العربى لانها اتخذت خطا غير مسبوق ورفعت شعارا نبيلا وضمت نخبه ممن يحبون الله ويحبون بعضهم البعض وينصهرون فى بو تقه واحده اسمها مصر موتورز ولهذا كتبت فيه شعرا لاننا نفتقد ما اعطاه لنا مصر موتورز ووحدنا من أجله وهو 00الحب والتوحد والاخلاص والحق والعدل وباختصار اصبح المنتدى قلبنا النابض وعقلنا الراجح وروحنا المتوهجه *واخيرا قد لا يعرف بعض الجدد ان هناك أعضاء لا يعرف بعضهم بعضا وانا على سبيل المثال لم أقابل أحدا من الاعضاء ولم أتشرف بسماع صوتهم ومع ذلك بيننا حب الاخوة ومعانى الصداقه الحقه فان كان هناك مكان آخر يرقق النفس ويجعلها شفافه الى هذا الحد فالتأكيد هو أفضل منا من منكم لاحظ ان الحوار هنا كأنك ترى وتعيش مع من تحادثه وكأنك تراه امامك وتعرفه وتجد نفسك تحبه بعد ان يدخل قلبك مباشرة لايكون هذا الا بالصدق ولان الصدق هنا هو اساس هذا الصرح فقد ولد به ليكون عملاقا وسيظل هكذا طالما حوى بين جدرانه كل هذه الشخصيات المتميزه *وأخيرا شكرا لكم وآسف للاطاله فهى مشاعر مفعمة لابد من التعبير عنها وعرفانا وتقديرا لكيان عظيم ودائما للامام لمنتدانا الغالى ونجاحا فى الحياة وتقدم لكل الاعضاء النخبة المحترمين

معنديش اى كلام اقوله بعد كدة غير ربنا يديم علينا اللى احنا فيه من حب و مودة خالصة لوجه الله تعالى و الى الأمام دوما يا مصر موتورز رغم أنف الحاقدين

[AbOnOrA]

يا رميو

يا دريفت

انا مش غاوى مشاكل ولا فاضيلها

لما عملت نايل موتورز ولقيت الاخوة هناك ماشيين فى اتجاه انا ارفضة انسحبت من الادارة بهدوء

http://www.**********.com/Nile/showthread.php?t=2103

وفضلت اشارك زى اى عضو عادى ومطالبتش حد غير بحقى كعضو مؤسس فى انتقاد سلبيات الادارة وتقديم مقترحات بخصوص تطوير الموقع وده بناء على ماوعدنا به الناس ايام كونتكت

http://www.contactcars.com/Discussio...ID=6&tid=23314

ودلوقتى بمساعدتكم بعيد انشاء ما تم اتلافة وتشويهه

وفى نفس الوقت بحترم اعضاء نايل قبل ادارتة ومعنديش اى مانع من التعاون معم لتحقيق الفائدة لاعضاء المنتديين زى اى منتدى تانى

فالمشكلة عندهم مش عندنا احنا

[eng.octooo]

انا من مشتركى نايل موتورز السابقين وانت ممكن تدخل باسم وتقدم فية شكوى وانا بجد ليا مواضيييييييييييع كتير على المنتدى نايل موتورز

[Romeeoo]

المشاركة الأصلية كتبت بواسطة AboNoRa يا رميو يا دريفت انا مش غاوى مشاكل ولا فاضيلها لما عملت نايل موتورز ولقيت الاخوة هناك ماشيين فى اتجاه انا ارفضة انسحبت من الادارة بهدوء http://www.**********.com/Nile/showthread.php?t=2103 وفضلت اشارك زى اى عضو عادى ومطالبتش حد غير بحقى كعضو مؤسس فى انتقاد سلبيات الادارة وتقديم مقترحات بخصوص تطوير الموقع وده بناء على ماوعدنا به الناس ايام كونتكت http://www.contactcars.com/Discussio...ID=6&tid=23314

اكيد وده حقك وماحدش يقدر ينكره عليك

المشاركة الأصلية كتبت بواسطة AboNoRa ودلوقتى بمساعدتكم بعيد انشاء ما تم اتلافة وتشويهه وفى نفس الوقت بحترم اعضاء نايل قبل ادارتة ومعنديش اى مانع من التعاون معم لتحقيق الفائدة لاعضاء المنتديين زى اى منتدى تانى فالمشكلة عندهم مش عندنا احنا

احنا كلنا عارفين المشكله من مين وبنقول خيرهما من يبدأ بالسلام

لو اى من الطرفين رفض وكل واحد اختار انه يبقى فى حاله يبقى يلتزم كل طرف بحدوده

اما لو استمر الوضع العدائى ده ومن جانب واحد فامينفعش نفضل ساكتين زى مانته قلت

انا لما اكون ماسك منتدى والاقى الأعضاء اللى بتمشى منى كل شوية هما اللى قام عليهم سمعة المنتدى لازم اراجع نفسى وقراراتى خصصا لما يروحو لمكان منافس

[sam ram]

انا متابع الموضوع من اوله ...
لكن متدخلتش لأن معنديش الخلفيه التاريخيه و مش عضو مشارك في اي منتدى تاني غير مصر موتورز ..
وبالتالي مكنتش عارف ادخل اقول ايه ... ففضلت استنى للاخر ...

لكن بغض النظر عن اي ملابسات ...
المبداء واحد في اي مكان في الدنيا .....

انا بس حبيت اقول كلمه لدكتور تامر

انا متضامن معاك تماما ....
و احييك على موضوعاتك و اراءك وسعه صدرك ....