#31
|
||||
|
||||
رد: "ريحت" على عربية حد قبل كده؟
مفيش أوحش من الهزار بين الصحاب لما بيقلب بنكد, الحمد لله أنها جت على كده, قرصة ودن من المواقف اللى زى دى فى المستقبل. أنا بخاف أوى من النقط العمياء بتاعة العربية زى اللى فى المراية والأكصدام, وبحاول على قد ما أقدر أتأكد من عدم وجود حاجة ورايا أو قدامى علشان الطوب الكبير والقطط والكلاب والموتوسيكلات ربنا يبعدهم عننا.
أنما الموقف اللى حصلى كنت بركن موازى وحبيت أضيق المسافة بينى وبين العربية اللى ورايا شوية فريحت عليه, ومحصلش حاجة, بس أنا متضايق لأنى من الناس اللى بتتخنق لما حد يسند بأيده على العربية (رغم حالتها المنيلة) فمابالك يريح عليها. وكنت عايز أعرف أيه الكود المتبع فى الموضوع, أسيبله ورقة أعتذار ولا أسيبه وأمشى ولا أيه, بس. وشكرا على تعليق حضرتك.
__________________
|
|
|