|
#31
06-12-2010, 03:27 PM
|
||||
|
||||
رد: السلسله الذكيه للصيانه الوقائيه
نتحدث عن طلبات حضرتك فى هذا الموضوع
__________________
 قال رسول الله  إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#32
06-12-2010, 03:29 PM
|
||||
|
||||
رد: السلسله الذكيه للصيانه الوقائيه
ياهشام باشا السيارات ولا الأسماك عموما أنا معاك فى أى مشروع طالما فيه لقمة عيش
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#33
06-12-2010, 03:32 PM
|
||||
|
||||
رد: السلسله الذكيه للصيانه الوقائيه
وتقبل منى هذه الورده 
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#34
06-12-2010, 08:50 PM
|
||||
|
||||
|
رد: السلسله الذكيه للصيانه الوقائيه
كيف يتم متابعة منسوب زيت الفرامل
الطريقه 1- والمكنه متوقفه وبارده .....أفتح الكبوت وتوصل إلى مكان مساتر الفرامل الرئسى حتلاقى فوقه تنك زيت الفرامل خلف سدر العربيه ( فى المنطقه إللى وراء طارة الدركسيون من الغرفه ) 2 - لو كان التنك شفاف بحيث ممكن تشوف مستوى الزيت بدون حل غطاء التنك تأكد من كون منسوب الزيت على الأقل بين العلامتين min & max الموجودتين على جانب تنك الزيت الشفاف أما لو كان جسم التنك غير شفاف اللون ....لازم تشيل غطاء التنك 3 - قبل ماتشيل الغطاء ( فى حالة أنك مش شايف مستوى الزيت من خارج التنك ) أعمل شوية نظافه وخصوصا عند منطقة الغطاء لمنع دخول أى أتربه وملوثات إلى الزيت وشيل الغطاء 4- تأكدت تماما من وجود زيت كافى ومعدل نزول طبيعى للزيت بالتنك لاتضيف زيت جديد ......لتعويض ماقد تعتقد أنه فاقد من الزيت لأنه ليس بفاقد وأنما ده طبيعى لوجود تآكل بتيل الفرامل وطبيعى حدوث هذا النقص الطبيعى فى الزيت لأن الزيت عوض مكان تآكل التيل بالنزول إلى الخطوط وخصوصا دواخل المساتر الفرعيه نفترض بأه لقيت العمليه مخرفه والتنك يادوب فيه شوية زيت بساط هنا بأه لابد من وقفه وفحص كل دورة الفرامل من حيث وجود تسريبات للزيت عند المساتر الفرعيه أو الماستر الرئيسى أو ماسوره بتعرق زيت أو خرطوم زيت تالف وهكذا
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
|
#35
06-12-2010, 10:03 PM
|
||||
|
||||
|
رد: السلسله الذكيه للصيانه الوقائيه
عاوزين نغير زيت الفرامل وناخد الهواء بطريقه دقيقه
الطريقه 1- والعربيه مجرشه وأنت شادد فرامل اليد 2- أفتح الكبوت وتوصل لتنك الفرامل وأفتح غطاء التنك  3- بأستخدام شفاطه ( أى شفاطه مناسبه ) ...أبدا فى شفط كل الزيت القديم الموجود بالتنك مع تنظيف قاع التنك فى حالة وجود رواسب وأملأ التنك بزيت الفرامل الجديد 4- بأستخدام الكوريك أرفع مقدمة السياره ( جانبين ) وثبت الجانبين بدعامات مخصصه لهذا الغرض كرر نفس الموضوع مع مؤخرة السياره يعنى السياره تبقى كلها متشاله من على الأرض ومؤمنه  5- حط حتة بلوك خشبى مناسب على أرضية السياره ( تحت دواسة الفرامل ) لتقليل مشوار الدواسه وقت التكريك بواسطة مساعد معاك 6- أوصل لبلف أستنزاف الهواء خلف العجله الخلفيه يمين ....حتلاقى البلف على ماستر فرامل الفرده دى أو الكالبر ( فى حالة وجود فرامل سكاكين خلفيه ) 7- حط خرطوم شفاف مناسب فوق بلف الأستنزاف من جهه .....والجهه الأخرى للخرطوم داخل غطاء أزازه نظيفه وشفافه كما بالصوره بيراعى أن يوجد نسبه بسيطه من زيت الفرامل فى الأزازه لغمر الطرف الآخر من الخرطوم بها  8- خللى بأه إللى بيساعدك يقعد على كرسى السواق ويكارك فرامل كذا مره وخليه يثبت رجله على آخر مره تنزل فيها الدواسه وتلمس حتة الخشب المحطوطه تحت الدواسه 9- ببطء وبسلاسه أفتح بلف أستنزاف الهواء ( متنساش أحنا لسه عند الفرده الخلفيه يمين ) بعد مايتم خروج الزيت القديم مع توقف خروج فقاعات الهواء ( حتلاقى البقلله واضحه فى الأزازه ) أربط بلف أو مسمار الأستنزاف بتاع الفرده دى ..... وخللى إللى قاعد على كرسى السواق ببطء يرفع الدواسه بتخفيف حمل رجله على الدواسه لحد ماترد الدواسه لوضعها الطبيعى  10- يفضل تكرار هذه العمليه لحين التأكد تماما من رؤيتك للزيت النظيف من بلف الأستنزاف مع عدم وجود فقاعات هواء 11- حتروح تانى تبص على مستوى الزيت فى التنك وتعيد ملأ التنك مع عدم السماح مطلقا لعدم وصول الزيت لقاع التنك وتعرض الماستر لسحب هواء من خلال التنك المفتوح للجو علشان مفيش هواء يدخل تانى للخطوط 12- حتكرر نفس الموضوع الخاص بأستنزاف الهواء على الفرده الخلفيه شمال ثم الأماميه يمين ثم الأماميه شمال ( يراعى الترتيب هذا ) 13- شيك بعد الأستنزاف على منسوب الزيت بالتنك ومع وجود حمل جيد ( زى قديمه على دواسة الفرامل لضمان الأستنزاف الكامل لكل الهواء إللى كان موجود بدائرة الفرامل ) يعنى حسيت الدواسه تقيله زى قبل الفيلم ده يبقى أطمن ونزل عربيتك وتوكل على الله وجرب ( برضه مع الحرص لحين الأطمئنان على الآداء الفرملى )
__________________
قال رسول الله إن الله ليملى للظالم ............حتى إذا أخذه .....لم يفلته صدق رسول الله ___________ م/سمير
|
 |
|
|
