كوميديا المظاهرات

[الدملاوي]

مطلوب رئيس جمهورية
لبلد لقطة
على ناصيتين بحر ابيض وبحر احمر
وفيها نهر وخمس بحيرات وثلاث اهرامات
و جميع الكماليات
... وتمتاز بخفة دم شعبها
استعمال طيار وابنه
مرفوعه 30 سنة
للاستعلام تليفون 25-1-2011 الوسطاء يمتنعون

[mhamdy75]

- يجرى الآن استبدال جهاز أمن الدولة بجهاز العروسين عبد الرحيم عمرو ...
و احتكم الأمر ....

- عااااااااااجل وفاة أمن الدولة بإسفكسيا الخنق بعد ابتلاعه مستندات مفرومة

- نظرا لغياب أمن الدولة نرجوا من السادة المواطنين عمل لجان لتعذيب أنفسهم حتى استقرار الاوضاع

- امن الدولة عذبني شكرا

- عاجل : إسرائيل ترسل سفن و طائرات عسكريه لاجلاء رعاياها من مقار أمن الدولة

- امن الدوله بيعتذر عن انقطاع خدماته في الاسكندريه مع الوعد بإعطاء نص شهر تعذيب هديه لكل مواطن
اتضرر من التعطيل

- ضباط أمن الدوله هيشتغلوا عجلاتيه لخبرتهم الطويله في النفخ

- الجمعة اللي جاية كلنا ننزل مغميين عينيا ورابطين ايدينا ورا ظهرنا ونطلع نوزع مولتوف و نكهرب بعض
وفاءا لامن الدولة

- كل واحد يدي نفسه قلمين يا اخواننا تسخين

- لحد ما يرجع قلق الدوله

- انا خايف الاقى ملف لابويا و يطلع ان انا مش ابنه و انه خطفنى زمان

- تعرف فلان ؟ .. أعرفه .. شفت ملفه ؟ .. لأ .. يبقى متعرفوش

- بشري سارة : أي حد كان عنده ايميل و ناسي الباسوورد بتاعته يطلع على امن الدوله هيلاقيها هناك

عمالين تقولو معرض الكتاب اتلغى معرض الكتاب اتلغى … طلع أمن الدولة ملياااااااااااان ثقافه ..
روحوا اتفرجوا

- وثيقة من أمن الدولة تؤكد أن الأهلي حياخد الدوري ال12 سنه الجايين

- الشعب المصري أعلن عن افتتاح مهرجان القراءة للجميع برعاية امن الدولة

- أنباء عن العثور علي كل أغطية كوكاكولا اللي عليها الجادون داخل مقر أمن الدولة

- أنا في أمن الدوله لقيت حلول فوازير نيللي و شريهان بالكامل …

- الراجل بتاع “ اين اشيائى ” يعلن عن العثور على اشيائة فى أمن الدولة

- أمن دولتي و أنا حر فيه! اغسله و أكويه، أفرده و اتنيه

- بعد تشريد جهاز أمن البلوة تم اطلاق حملة اكفل مخبرا تحصل على بلوفر و كيلو بونبون مجانا مع تصريح بالتظاهر في ميدان مصطفى محمود

- نظرا لغياب امن الدولة نرجو من السادة المواطنين عمل لجان لتعذيب انفسهم حتى استقرار الاوضاع .. و الله الموفق

- للمواطن ملفان : ملف عند أمن الدولة … و ملف و سي دي عند مرتضى منصور

- اللي مالوش ملف في أمن الدولة مالوش خير في مصر

- الشعب يعلن افتتاح مهرجان القراءة للجميع داخل مقار امن الدولة و الدعوة عامة

- من إنهاردة … تويتر هو أمن الدولة

- أنا نفسي اطلع ظابط امن دولة لو هيبقى عندي مكتب حبيب العادلي

- يعني إيه كوكا زيرو يعني لو فقدت الذاكرة أمن الدولة محافظ علي كل ذكرياتك

- مفيش حاجة لمرتضى منصور !!!!

- تسريبات امن الدولة دى محتاجة منحة تفرغ …هما لو كانوا بيعملوا كل التقارير دى امال كانوا بيعذبوا امتى

- لا تعايرني و لا اعيرك … ده امن الدولة طايلني و طايلك

- بعد 30 عاما من ” الطبيخ ” نقدم لكم صينية أمن الدولة بالملفات المفرومة

- من النهاردة مفيش امن الدولة ……احنا الدولة

- يا ترى ملفى فين دلوقتى ؟ اتفرم و لا سليم..هزعل قوى لو ماليش ملف…لا بجد هزعل

[_amr.mostafa_]

حرااااااااااااااااااااااا اااااااااام

[lol64]

وهدا اقدم حاكم علي وجه الكون

[xabi]

المشاركة الأصلية كتبت بواسطة lol64 وهدا اقدم حاكم علي وجه الكون

ههههههههههه..ربنا يخده ويريحنا منه ومن اللى زيه..
وشكرا ياعلاء باشا على الصور