متوسط اسعار المستعمل هذا الاسبوع

[بدر بسيونى]

دكتور تامر كنت عاوز اعرف رينج اسعار الاوكتافيا اي4 من 2000 وانت طالع كام تقريبا

[welly2000]

المشاركة الأصلية كتبت بواسطة د0تامر محمد الكورولا هى افضل اوتو وحتكون مو2003-2004 الصنى مو2007-2008 الالنترا مو2007-2008 الانسر ال1600 مو2007-2008

أنا متشكر اوىلسرعة ردك بس يا ترى العربيات حضرتك بترشحها بالترتيب ده ولا دهمجرد صدفة
أولا بالنسبة للكورولا انا بحترمها جدا بس اكيد موديل 2003 - 2004 هتكون عاملة عداد كتير واكيد مش هتكون بالحالة اللى هى
أما بالنسبة للصنى سمعت عنها أقاويل على المنتدى من حتة انها ضيقة جدا (الكنبة) لموضوع العزل مش كويس والتقفيل المصرى زى ما حضرتك عارف ده غير شكل التابلوة والعدادات العتيق غير كدة انا سامع انها محترمة
حضرتك قولى بعد كلامى ده هيفضل الالنترا والانسر مع انى بردو سمعت تعليقات عن اللانسر وان الاتوماتك بتاعة سحبة م قد كدة كل ده طبعا من السمع انا ما ركبتش وسقت فى العربيات اللى حضرتك مرشحهالى غير الإلنترا ولفت نظرىفيها قوة سحب الأتوماتك بس ما اعرفش ايه باقى ظروف العربية

ممكن حضرتك تقولى بعد كلامى انت لسه مرشح ايه ينفع اركبه مع العلم انا راكب عربية اوبل كورسا 1200 موديل 94
معلش يا دكتور انا عارف انى بتاقل عليك بس بصراحة انا والمنتدى كله بنثق فى رأيك

[JustLikeThat]

انا عايز عربية كبيرها بالتصليحات والتضبيط 22 الف وتكون اتوماتيك بحالة ممتازة وللاستخدام الفردي في الغالب وشكلها لطيف


ممكن الاقي حاجة كويسة والا اصرف نظر؟

[د0تامر محمد]

المشاركة الأصلية كتبت بواسطة بدر بسيونى دكتور تامر كنت عاوز اعرف رينج اسعار الاوكتافيا اي4 من 2000 وانت طالع كام تقريبا

الغالى بدر بسيونى طلباتك أوامر

مو2000=67
مو2001=70
مو2002-2003=73-78
مو2004-2005=80-85
مو2006=90
والرينج قد يزيد أو يقل قليلا حسب حالة السيارة والكماليات

[د0تامر محمد]

المشاركة الأصلية كتبت بواسطة JustLikeThat انا عايز عربية كبيرها بالتصليحات والتضبيط 22 الف وتكون اتوماتيك بحالة ممتازة وللاستخدام الفردي في الغالب وشكلها لطيف ممكن الاقي حاجة كويسة والا اصرف نظر؟

ممكن لكن لا أنصح بأوتو قديم
ممكن تلاقى شاريد آخر تمنينات أو سيفيك أول تمنينات وسيكون لها مشاكلها