#301
|
رد: أدب الرحلات
ومكملين
ويوم تانى راكبين القطاروكان زحمة رهيبة ولايوجد مكان لقدم وانا رايح اسكندرية وواقف اما م كرسى جالس عليه بنت وولد شكلهم من الأخر شمامين وفوجئت بالبنت بتقول للواد / الجدع ده زى القمر فبص لى واانا عملت عبيط وانى مش فاهم ان الكلام عليا فقال لها بس ده كبير ده عنده ييجى 33 او 35 سنة قالت بس امور تنكر ؟؟ فقال /انا احلى منه طب قل له يقعد جنبنا انتى اتجننتى يابت أه لسه هيكلمنى ومن كرم ربنا واحد نادى فى القطار / يامحمد واانا رديت عليه / ايوه جااااااى وسبتهم ومشيت مع انى كنت واقف فى مكان فاضى ولما مشيت اتبهدلت من الزحمة |
#302
|
رد: أدب الرحلات
ولسه قطرنا ماااااشى (على رأى معتز مطر فى برنامج محطة مصر)
قطار ابو قير من اعجب القطارات اللى تركبها فى العالم قطار فيه طوائف غريبة وكتيرة ومتناقضة واغلبهم من اهل هذا الشعب الطيب الغلبان وهو غالبا لايمشى ده اذا جه من اصله وتلاقى عيال صغيرة وشباب وعواجيز يركبوه من اول الرصيف وينطو وهو خارج من الرصيف يعنى بيركبو من اول الرصيف لاخره ومرة ركبت وقعدت وقعدت جنبى واحدة فلاحة معاها وزة غبية جدا وصوتها عااااااااالى جدا كاك كا ك كاك كاك كاك طول السكة والكمسارى جالى جرى والبعيد كان حمار عايزين تذكرة للوزة بصيت له كده من فوق لتحت ده شكل واحد هيشيل وزة ويمشى بيها فى الشارع ويركب بيها القطار وكنت لابس بدلة وكرافته وحاجة اخر قيامة فطلع البعيد غبى وقال /ليه هما اللى بيشيلو وز ليهم شكل معين كل ده وصاحبة الوزة ولا نطقت بكلمة طبعا طبعا ازاى اللى بيشيل وز بيبقى ماشى على سيفه انت بتهزر ؟؟؟ طبعا لانك بتهزر انا مبهزرش ياتجيب تذكرة للوزة ياتنزل المحطة الجاية ياعم البعيد صاحبة الوزة الست الفلاحة الطيبة دى اتفضل كلمها المهم بيكلمها راحت منطورة فيه فضلت تردح له لحد ابو قير ههههههههههههههههههههههههه هههههههه |
#303
|
||||
|
||||
رد: أدب الرحلات
أنا القصص اللى فاتت دى محسسانى بمشاعر مختلطة, من الحزن والفرح والحسد (اللهم لا حسد) والتعجب, مش عارف ليه, بس متهيألى أعرف كام عضو معانا كان ممكن يستفيدوا بالورقة دى.
__________________
|
#304
|
رد: أدب الرحلات
ونكمل معاكو فى قطار ابو قير
مرة كنت راكب قطار ابو قير وهو من المعروف ان فى عيال نشالين بيركبوه المهم كان معايا شنطتين صغيرين مليانين ساعات يد (ايام تجارة الساعات ) والساعات دى ماخف حمله وغلا ثمنه يعنى الشنطتين الصغيرين كان فيهم بضاعة بحوالى 10 الاف جنيه وركبت وقعدت على الكرسى وحطيتهم ادامى على الارض وجه واحد ماشى عمل نفسه مش شايف و خبطهم برجله وانا فهمت ان ده نشال مشى فى القطار ورجع بعد شوية لقانى ماسك الشنطتين بايدى وحاططهم فوق رجلى بيبص لى غمزت له وفهم انى عرفت شخصيته وراح جارى على واحدة كانت قاعدة جنبى ونتش شنطتها اللى كانت راكناها جنبها وجرى فى ثانية نط من القطار وهو ماشى والست بقت تولول اتاريها موظفة فى وزارة الصحة وقبضت لنفسها ولواحدة زميلتها والقبض بتاعهم هما ال2 مع الموبايل واشتراك القطار واوراق مهمة كان فى الشنطة اللى اتخطفت وانا قلتلها انزلى محطة الحضرة( بين اسكندرية وسيدى جابر)واعملى بلاغ فى قسم الحضرة وفوجئت بواحد بيقول لها /الواد ده انا عارفة ده بيقعد على قهوة .......(مش فاكر اسمها) فى باكوس من الناحية الغربية للسكة الحديد وروح دلوقت هتلاقيه هناك وفهمت ان ده مساعد النشال (طبعا كتير منكم ميعرفش انى اى نشال بيكون له مساعد ) و ده وظيفته ايقاف او تعطيل اى اجراء فورى ممكن يتخذه الضحايا لحين ابتعاد النشال عن المنطقة وانا فهمت لكن بصيت للشيل (جمع شيلة ) اللى معايا واتغظت جداااااا وحسيت بالعجز لكن عملت محاولة اخيرة فقلت له طب م تروح معاها ينوبك ثواب توريها القهوة فقال / لاياعم انا عامل خناقة مع صاحب القهوة دى ومبروحش هناك واتاكدت ان هو مساعد النشال لكن لو مسكت فيه هيعمل شريف وانا كل الشنط اللى معايا مقيدانى ومعوقة حركتى فقلتلها بزهق بصى يامدام انزلى محطة الحضر ة واحنا دخلنا عليها اهو واعملى محضر هنا فى قسم الحضرة قلت وهيا بتعيط ممعاييش اصلا فلوس لا انزل ولا اروح فاديتها 15 جنيه وقلت 5 جنيه تعملى المحضر و 10 جنيه تروحى بيها او العكس لو طلع امين الشرطة طماع وربنا يعوض عليكى |
#305
|
رد: أدب الرحلات
ولازلنا فى قطار ابو قير
ومرة راكب والزحام رهيب ودخل عيل صغير (سنه لايزيد عن 10 سنين) معاه ورقة مكتوب فيها والدى مريض وطريح الفراش من اكتر من 4 سنوات وانا العائل الوحيد لاسرتى وارجو المساعدة منكم يااهل الخير وشىء الهى خلانى مفوتوش خد ياد ايوه ياعمو ابوك فين وبكل براءة الاطفال قال /قاعد على القهوة طول النهار واضح انه لم يقرأ المكتوب فى الورقة وانت بتشحت ليه انا مش بشحت انا بصرف عليهم (شوف الفلسفة) اومال ابوك بيعمل ايه م قلتلك قاعد على القهوة انت مبتفهمش عربى هتدينا ادينا مش هتدينا خلاص سيبنا ناكل عيش وبصراحة اى حد غيرى كان اخده قلمين لكن حزنى عليه خلانى م اخدتش بالى من كلامه غير بعد م مشى |
|
|