رابطة مالكي الكيا سيفيا فيد واستفد ( صداقة - نقل خبرات )

[midohema]

ساعدونى يا جماعة محتاج بطاحات المساعدين الامامى ضروووووووووووورى
الاقيهم فين ؟؟؟

[كورلس]

المشاركة الأصلية كتبت بواسطة sameh_saso انا ممكن ارشحلك مركز الصفا بجسر السويس وتليفونهم 26995551 / 26223630 وعلي فكرة لازم تتصل وتحجز معاهم وكما تعرف العنوان بالتفصيل. بس ممكن حضرتك تحشرحلنا المشكلة بالتفصيل ونحاول نساعد حضرتك.

مشكلتى ان العربية نترجرج على الاول والثانى لما اشيل رجلى من على الدبرياج ودوس سنة بنزين ودة بيحصل بعد ما العربية تسخن كما بتنتش فى السرعات

[asaad1000]

السلام عليكم...
انا عضو جديد, ارجو أن تقبلوني بينكم.
أنا اشتريت كيا سيفيا من شهر تقريبا, حالتها كويسة و كشف عليها و كلة تمام. من أسبوعين تقريبا ظهرت بعض المشاكل و هي:
1) العربية مكتومة و أحيانا بحس انها مش بتسحب كويس. و بعض الاحيان تبقى ماشية براحه و ادوس ع البنزين ماتجبش معايا و لما افضل دايس ع البنزين احيانا تفضل كده شوية و فجأة تفوق و تجري معايا.
2) النقلة بين التانية و التالتة بتنتش معايا.
أنا عربيتي أتوماتيك و قمت بعمل الصيانة اللازمة:
سير كاتينة - سير دينامو - زيت موتور - بوجيهات - فلتر زيت - فلتر هواء - فلتر بنزين.
ارجو الافادة للاهمية. شكرا لكم

[asaad1000]

اسف للازعاج نسيت اضيف ان العربية بتاكل بنزين بطريقة غير طبيعية, يعني التفويلة ممكن تمشيني من 260 الي 320 كيلو جو البلد. نص التنك ممكن يمشيني 140 الي 160. ارجو الاهتمام بالرد علي...شكرا

[midohema]

المشاركة الأصلية كتبت بواسطة asaad1000 اسف للازعاج نسيت اضيف ان العربية بتاكل بنزين بطريقة غير طبيعية, يعني التفويلة ممكن تمشيني من 260 الي 320 كيلو جو البلد. نص التنك ممكن يمشيني 140 الي 160. ارجو الاهتمام بالرد علي...شكرا

sameh_sasoيقاس استهلاك العربية للبنزين وهي علي الطريق الطوالي مش جوه البلد والرقم المثالي للعربية خارج البلد وعلي الطريق الطوالي 265 كم في الصفيحه.
ولازم تعرف ان استهلاك البنزين بيتحسن جدا في الحالات الاتية :
- تغيير الفلاتر والكشف علي حساس الاكسجين وحساس الايديل ليرن وكمان تغيير البوجيهات وتغييير سلك البوجيهات