الفيرنا بتسخن مع التكييف

[sherifabden]

المشاركة الأصلية كتبت بواسطة borio1704 إلغاء الثرموستات ده اختراع من الميكانيكيين المصريين عشان يريحو دماغهم من مشاكل سخونية العربيات، يمكن يبقى له أسبابه لما قطع الغيار ما تبقاش موجودة. لو عرفت الفايدة من ثرموستات الكوعة هتعرف ينفع نشيله ولا لأ ثرموستات الكوعة هو عبارة عن "محبس"، مهمته إنه يتحكم في وصول المياه للرادياتير، يعني لما العربية تبقى باردة يمنع وصول المياه للرادياتير عشان الموتور يسخن بسرعة وياخد وضع التشغيل بأسرع وقت، ولما المياه تسخن يبدأ يفتح السكة للرادياتير عشان يبردها، وبكده يحافظ على درجة حرارة ثابتة للتشغيل ثرموستات الموعة بيساعد كمان على التبريد المنتظم للموتور.... لوشلته الموتور مش حيتبرد كويس، وهيبقى فيه أماكن باردة وأماكن تانية سخنة ثرموستات الكوعة هو الوسيلة الوحيدة للوصول والمحافظة على درجة حرارة الموتور ثابتة أثناء التشغيل من غير ما تتأثر بحرارة الجو الخارجي أو سرعة العربية طيب ليه درجة حرارة التشغيل لازم تبقى ثابتة؟؟ الموتور عبارة عن أجزاء معدنية، والمعادن بتتمدد بالحرارة... وتنكمش بالبرودة لما الموتور بيبقى بارد.. الأجزاء الداخلية بتبقى منكمشة بطريقة ممكن ما تبقاش محسوبة .. وده بيعمل تآكل ما بين الشمايز والبساتم وعمود الكرنك ده غير إن الزيت ما بيكونش وصل للزوجة الصحيحة للتزييت. من الآخر... الموتور البارد موتور بيفوت بسرعة. ده غير إنك في الشتا لو سقت على طريق سريع ... الموتور هيبرد، وده هيزود استهلاك البنزين لإن كفاءة الحرق ما بتكونش مثالية، وممكن تخلي العربية تهبب من الشكمان. يعني... لما تشيل الثرموستات.. هتفوت موتورك وتصرف فلوس زيادة على البنزين وكمان مش هـتتمتع بأداء العربية

تصدق اول مرة اعرف المعلومة دي
الف شكر على المعلومات القيمة وانتا بجد استاااذ في العربيات وابسط مثال مواضيعك الحلوة دي
وتقبل تحياتي

[MOTOR HEAD]

يريت لو صاحب الموضوع اتوصل للحل بكتبه

علشان الفايده تعم

[بسام السيد]

أنا عندي نفس المشكلة تقريبا ممكن تعرف المزيد عبر الرابط التالي:
http://forum.masrmotors.com/showthread.php?t=63481

[MR speed]

طب هى الحرارة عندك بتعلى ومبتنزلش تانى أصل هوا عادى لما تكون بقالك فترة ماشى بيها على طريق سريع على سرعة عالية وانت مشغل التكييف وتلاقى مؤشر الحرارة يعلى شوية وينزل تانى انا كانت عندى المشكلة دى كان بيعلى وماكنش بيرضى ينزل الا لما اقفل التكييف فلما غسلت الدورة بتاعت التبريد اتحلت المشكلة وبقت بتعلى سنة بسيطة وتنزل تانى لما اكون ماشى على سرعة عالية لمسافات طويلة

[taklaloveu]

موضوع سخونة العربيه مع التكييف حصل مع صديق ليا عنده فيرنا 2012 وبالرجوع للتوكيل اكتشف ان المشكله كانت فى الكومبريسور بتاع التكييف وتم تغييره ..