رأيك في رفع الدعم عن البنزين.......موضوع للنقاش

[Hisham.Elgazzar]

المشاركة الأصلية كتبت بواسطة فادى انا مع رفع الدعم عن البنزين, لأن الدعم سياسة اقتصادية عفى عليها الزمن. الاقتصاد الصحى يجب ان يكون كل شىء بسعره الطبيعى. لكن فى المقابل, و قبل ازالة الدعم عن البنزين, يجب ان يتم ازالة الجمارك عن السيارات و قطع الغيار, فتصبح السيارة رخيصة (و هو سعرها الطبيعى لأنها مش سلعة معمرة), و البنزين غالى و هو الواقع فى معظم بلاد الدنيا.

والله العظيم انا بزعل لما بلاقى الناس واقفة فى الشارع ومش لاقيين مواصلات
وانا نازل بالعربية فمشوار مهم ولا حاجة ، ببقى عاوز أوصل منهم على قد ما أقدر
وده علشان الحكومة بتدعم لنا البنزين اللى بمشى بيه فى عربيتى
مع ان اللى واقفين فى الشارع هما كمان حقهم فى البنزين المدعم برضو
وبزعل اكتر من اللى عامل عربيته اوضه نوم ونتوا فاهمين قصدى اه ، وماشيين يحرقوا البنزين اللى الحكومة مدعماه لكل الشعب يعنى اللى معاه عربية واللى مش معاه
المفروض انهم بيوصلهم الدعم ، طب بأمارة اه بقى ، اللى مش معاه عربية يدخل ع المحطة ويشربله كام لتر مدعم من حقة ولا اه بس ، والله حاجة تحزن

الحاجة التانية العربيات القسط اللى بقوا بيوزعوها زى ورق الكوتشنية
وكمبيوتر وتوكيل وصيانة كل كام كيلو وتعب السنين ، حسبى الله ونعم الوكيل
وفى الآخر اسمها علب سمنة ياريتها عربيات بجد ، حاجة ترفع الضغط بجد

المشاركة الأصلية كتبت بواسطة mhamdy75 الخبر مش أكيد يا جماعة مامدى مصدقيته ؟؟؟؟ الله أعلم ياريت توضح الخبر بالظبط علشان نفهم واللى عرفته ان البنزين 80 هيبقى 85 وهيغلوا سعره الى 125 قرش ------------ إنما الاكيد واحد اشترى جركن فيه 16 لتر ب 80 جنيه بنزين 80 عشان عربيته واقفة 4 أيام

لأ دى صعبة اوى يا استاذ محمد ربنا يكون فى عونه
البنزين ال80 مش غالى اوى سوق سودا كده
انما بيعه برا البنزينة جريمة على ما أظن ( 80 جنيه كتيير أوى)

[romioromio]

استاذ هشام
انا الصراحه مفهمتش قصد مشاركتك
يعني المغزي او الحل ايه من وجهة نظرك

[tham1010]

أنا عارف ان فى هيبقى كوبونات فى الاول واللى يخلص الكوبونات يعبى بالسعر الحر. 2500 جنية فى السنة يعنى اليوم فى حدود 9 جنية. أعتقد أنهم كثير على اللى أستهلاكة عادى.

لهذا فهو قرير حكيم جدا.

[msy_sonocairo]

السلام عليكم
بالنسبة لرأى الأستاذ / روميو الخاص بموضوع رفع الدعم عن البنزين
اود ان اوضح الموضوع كاملا
الأخبار المنتشرة عن هذا الموضوع بالتفصيل هى :
1- يتم الغاء بنزين 80 واستبداله ببنزين 85 ورفع سعره الى 1.25 جنيه
2- سيتم الغاء الدعم عن بنزين 90 ، 92 ، 95
3- سيتم تحديد فئات السيارات التى تستحق الدعم للسيارات الأقل من 2500 سى سى واكثر من اربعة سلندر
4 سيتم تحديد قيمة الدعم فى العام بـ 2500 لتر
5- سيتم عمل كوبونات او كارت ممغنط عليه قيمة الدعم تسلم عند الترخيص من المرور
وكل دا لسة فى مراحل الدراسة
وانا رأيى الشخصى ان فى عربيات فعلا لا تستحق الدعم يعنى حد يفهمنى ازاى واحد يكون راكب عربية بأكتر من نص مليون وساعات بمليون واكتر وياخد دعم زيو زى واحد راكب عربية بالقسك ويادوب 1300 او 1600 سى سى سعرها ميعديش الـ80 الف او اقل او اكتر حاجة بسيطة
فى فئات من راكبى السيارات لا يستحقو الدعم والأغلبية تستحق
وانا ارجو من السادة القائمين على دراسة هذا المشروع بالنظر لحال معظم الشعب المصرى وزيادة قيمة الدعم من 2500 لتر فى العام الى 3500 لتر لأن هو دا متوسط الاستهلاك الفعلى لمعظم الشعب المصرى
وشكرا

[kimocyc]

احنا شعب نستاهل يتعمل فينا اكتر من كدا