ازمة بنزين 90 و92 والكلام دة مرتبط بغلو سعر البزين

[esafegypt]

انا اعرف واحد سواق لما احتاج اعمل مشوار بعيد بكلمة لان موش بحب اسوق العربية فى مشاوير فى اماكن زحمة او طرق مكسرة وفى نفس الوقت فى اوقات بيكون معيش مكان فى السياره والاسره عندنا كلها عاوزه تطلع رحلة وكده فبتصل بيه بردوا يوصلهم
المهم السواق ده يوم الجمعة اللى فاتت تاريخ 13 - 1 -2012 كان مع الحج ابويا بيعملوا مشاوير وبعد صلاه الجمعة الحج جاللى البيت وقال لى ده صالح السواق بيدور على 80 ولما لاقى فى البنزينة اللى جنبك 80 وقف فى الطبور
المهم احنا اتغدينا وشربنا الشاي وبالصدفة بطلع البلكونة لقيت عم صالح مسكين لسه فى الطابور بس كان اول واحد خلاص داخل على الطرمبة ولسه بيمد ايده ياخد المسدس بتاع الطرمبة وتلاقى ال80 خلص راح مسكين مدور العربية ومشى واناا كلمته كان صعبان عليا بصراحه انه اعد 3 ساعات فى الطبور وفى الاخر البنزين خلص وهو مخدش حتى ولو 10 لتر يروح بيهم
المهم كلمته تانى بعد ساعة وقلت له انت فين قال لى بدور على بنزين قلت له ان شاء الله اول ما ال 80 ييجى هكلمك بسرعة تيجى تبق اول واحد فى الطبور
المهم هو وجد بنزين فى بنزينة تانية عليها مجزرة بردوا وطوابير اعد فيها لغايه الساعة 10 بليل لغايه ما عرف يمون وبعد كده روح بيته مسكين
تخيلوا بأه من بعد صلاه الجمعة لغايه الساعة 10 بليل كل ده علشان عاوز يحط بنزين 80 لانه سواق وميقدرش يحط ال 90 او 92 لانه عنده بيت واسرة وده مصدر رزقة الوحيد

[محمود زيزوو]

المشاركة الأصلية كتبت بواسطة esafegypt انا اعرف واحد سواق لما احتاج اعمل مشوار بعيد بكلمة لان موش بحب اسوق العربية فى مشاوير فى اماكن زحمة او طرق مكسرة وفى نفس الوقت فى اوقات بيكون معيش مكان فى السياره والاسره عندنا كلها عاوزه تطلع رحلة وكده فبتصل بيه بردوا يوصلهم المهم السواق ده يوم الجمعة اللى فاتت تاريخ 13 - 1 -2012 كان مع الحج ابويا بيعملوا مشاوير وبعد صلاه الجمعة الحج جاللى البيت وقال لى ده صالح السواق بيدور على 80 ولما لاقى فى البنزينة اللى جنبك 80 وقف فى الطبور المهم احنا اتغدينا وشربنا الشاي وبالصدفة بطلع البلكونة لقيت عم صالح مسكين لسه فى الطابور بس كان اول واحد خلاص داخل على الطرمبة ولسه بيمد ايده ياخد المسدس بتاع الطرمبة وتلاقى ال80 خلص راح مسكين مدور العربية ومشى واناا كلمته كان صعبان عليا بصراحه انه اعد 3 ساعات فى الطبور وفى الاخر البنزين خلص وهو مخدش حتى ولو 10 لتر يروح بيهم المهم كلمته تانى بعد ساعة وقلت له انت فين قال لى بدور على بنزين قلت له ان شاء الله اول ما ال 80 ييجى هكلمك بسرعة تيجى تبق اول واحد فى الطبور المهم هو وجد بنزين فى بنزينة تانية عليها مجزرة بردوا وطوابير اعد فيها لغايه الساعة 10 بليل لغايه ما عرف يمون وبعد كده روح بيته مسكين تخيلوا بأه من بعد صلاه الجمعة لغايه الساعة 10 بليل كل ده علشان عاوز يحط بنزين 80 لانه سواق وميقدرش يحط ال 90 او 92 لانه عنده بيت واسرة وده مصدر رزقة الوحيد

سبحان الله اهو الواحد بيقول علشان كدة فى ناس شغالة على عربيات ودة رزقها طيب هيشتغل ولا هيقف ويدور على البنزين ربنا يستر

[esafegypt]

تخيل ال 80 مجاش من يوم الجمعة اللى فاتت يعنى لو مجاش بردوا هيبق كده داخل على 3 ايام من غير 80
وده ليه اثار سيئه جدا لان كل ما بيتأخر كل ما بيعمل أزمه اكتر على ال90 و 92
وفى نفس الوقت لما بييجى الناس بتقطع بعض عليه وبيحصل خناقات دامية على البنزينة

[محمود زيزوو]

على فكرة احنا هنا فى حلوان البنزين 80 متواجد بس زحمة جدا ومش فى كل البنزينات تعالى بقى للبنزين 90 92متلقيش حاجة خالص

[diaahsn]

6 اكتوبر مفييييش بنزينة شل اللى فى زايد الطوابير على 95 وانا كنت من رواد الطابور