تابع موضوع سيارة خالد الله يرحمه

المشاركة الأصلية كتبت بواسطة الكشفى كورسير الغالى انا فعلاً فرحان انى اشوف صاحب زيك وربنا يقدرك على فعل الخير اولاً انا عندى اقتراح طبعا انا رافض ان العربية تتباع حوادث احنا ممكن نشوف اى ولاد سمكرية خصوصاً لو من السنبلاوين وانا لو كنت فى القاهرة كنت رحت جبتهم بعربيتى ونشوف العربية ممكن تصرف كام وطبعا انت عارف الفصال من النص وطالع علشان بصراحة سمكرية السنبلاوين عفاريت فى الموضوع دة وبعد كدة الميكانيكا سهلة المهم الشد ونحاول الحاجة نشوفها فى بورسعيد ارخص بكتير من القاهرة ويساعدونا الاخوة الاعضاء البورسعيدية وبلاش موضوع النص لانة مكلف جداً ومش هيبقى كويس لأهلة وبعد كدة نشوف موضوع الترخيص وهعتلك على الخاص بفكرة تعلى تمن العربية

ربنا يباركلك يا غالي علي الكلام الجميل ده ومنظر الفكرة علي الخاص وربنا يجازيك كل خير

المشاركة الأصلية كتبت بواسطة طارق ابوذيد اذا سمحت الاعضاء الكرام عندى رأى أخر وهو ان السياره لا تحتاج الى تغير اى نص وهى تحتاج فقط لسمكرى محترم وارشح سمكريه المنصوره لما فيهم من حرافيه رائعه والمهم هو عمل لجنه مكونه من اربع افراد منهم محاسب ومحامى واثنان اكثر خبره فى صيانه السيارات لمتابعه البنك وسمكره السياره والاهم هو الاعلان عن فتح حساب نضع فيه ما نستطيع جمعه من الاعضاء حتى يتسن لنا انهاء الموضوع على اكمل وجه ومنتظر ردود الاعضاء والاداره .

يا ريت والله يا شيخ طارق ربنا يباركلك كلامك طمني كتير وانا نفسي اساعد بأي شئ واللي هيطلب مني انا هعمله بأذن الله

[طارق ابوذيد]

المطلوب الان هو الاعلان عن رقم حساب حتى يتم ارسال مساهمات الاعضاء عليه وفى نفس الوقت عمل لجنه لتقيم تكلفه السياره فى اسرع وقت والله المستعان

المشاركة الأصلية كتبت بواسطة momen_bondok ياريت يا استاذ احمد حضرتك تفتح حساب فى البنك وتبلغنا رقم الحساب وسنبذل اقصى ما فى وسعنا لسداد دَيَنَ استاذ خالد خليفة رحمه الله لان موضوع الدَيَنَ خطير الى ابعد الحدود (هذا ما سيعود علية فى القبر) اهم من الف عربية ارجوك يا استاذ احمد افتح الحساب فى القريب العاجل ونحن فى الانتظار وجزاك الله خيرا

بأذن الله يا استاذ مؤمن هحاول فتح الحساب النهارده او علي اقصي تقدير يوم الاحد القادم وربنا يقدرنا علي فعل الخير

المشاركة الأصلية كتبت بواسطة طارق ابوذيد اين انت يا كورسير

معلش يا شيخ طارق مواعيدي مش متظبطه اليومين دول بس انا موجود معاكم بأذن الله وانا اللي هتقول عليه بالنسبالي انا هعمله

المشاركة الأصلية كتبت بواسطة mrastra انا مع راى الشيخ طارق لفتح حساب فى اى بنك واللى يقدر يتبرع يتبرع

بأذن الله سوف يتم فتح الحساب النهارده او علي اقصي تقدير يوم الاحد القادم

المشاركة الأصلية كتبت بواسطة BASSEM BESO انا رأيى من رأى الشيخ طارق بس نسارع الأول بفتح حساب بنكى وبعد كده قدامنا حلين : 1- المبلغ اللى يتجمع + بيع العربيه حوادث كما هى يتسدد بيه دين البنك والباقى لو بأذن الله حصل وكان فيه باقى يروح لأهل خالد خليفه . 2- نعمل لجنه من اعضاء المنتدى يقدروا يمشوا فى موضوع تصليح العربيه وبعد كده نبيعها ( لو معلهاش حظر بيع ) ونسدد للبنك ( لكن انا مش مع الحل ده لأن العربيه تمنها هيقل جدا جدا جدا ) واحنا عايزين اكثر استفاده لأسره اخونا خالد وياريت ياجماعه اول حاجه نبدأ ونسارع بيها هى فتح حساب بنكى ونبدأ نساهم فيه كل منا على قدر استطاعته وهذا مااراه اسرع وانسب الحلول الأن وبعد كده نفكر العربيه نعمل ايه فيها سواء تصليحها اوبيعها كما هى والله الموفق

تصدق بالله انتا ابن حلال يا باسم

انا في فكرة في دماغي انما ايه من الاخر

احنا ممكن نصلح العربية ونسلمها للبنك وبكدا يبقي ال 40000 اللي دفعهم خالد العربية قعدت بيها معاه ال 3 سنين دول

والموضوع كله مش هيتكلف 12000 جنيه سمكرة ودوكو وشغل ميكانيكا

بس هل البنك هيقبل انه يستلم العربية ولا ايه

بس اللي اعرفه ان اي حد بيتقاعص عن سداد اقساط العربية من حق البنك استرددها ولا انتوا رئيكم ايه

المشاركة الأصلية كتبت بواسطة AboNoRa سبق ورديت فى الموضوع الاول http://www.masrmotors.com/vb/showthread.php?t=61990 http://www.masrmotors.com/vb/showpos...2&postcount=39 وبعدها اتصلت بكورسير امبارح اكتر من مرة مش بيرد

معلش يا ابو نورا والله موبيلي ضرب كهربا وان شاء الله بكره
هشتري عده جديدة وهكلمك


وربنا يجازيك كل خير ويجعله في ميزان حسناتك

المشاركة الأصلية كتبت بواسطة black-horse يا جماعة كتر خير كورسير علي موضوعة ده بجد هو كدة بصراحة احنا بنحملة كتير لازم كلنا نشارك مش هو بس بمعني لو في لجنة فعلا يبقي لازم كذا حد انما هو هيتحمل لوحدة؟ ولا اية رايكو

ربنا يباركلك ياغالي بس والله انا مستعد اعمل قرد في الموضوع ده وانا مش تعبان او بشتكي من اني بجري في الموضوع لان ده ثواب عظيم وانا بتمني اني اكمل فيه للاخر