انت مع من؟ البلطجية, ام ضباط الشرطة للمرحلة القادمة؟

[Ahmed Anwer]

رجال الشرطة عايزين يرجعوا بشروطهم (( باشوات ))

الشعب عايزهم يرجعوا بالشروط الجديدة (( منفذين القانون ))

الحجة ،،

الناس متحاملة علينا و بيهاجمونا

و الصيع و البلطجية بيتطاولوا علينا و الناس بتقف معاهم و خلاص

فإحنا دلوقتي بنتكلم علي حلول عاجلة لسرعة نزولهم (( لو النية صادقة عندهم لذلك ))

بالإضافة لإقتراح سرعة تخريج دفعة جديدة من كلية الشرطة

و إقتراح مساندة من قوات عسكرية (( المفروض إنه حاصل بالفعل ))

أقترح كحل أمني عشان نبطل حجتهم ،،

يكون تواجدهم في شكل مجموعات (( حملات و كمائن و لجان ))

ميكونشي يعني قي شكل فرد واحد ،،، عشان ميقولوش البلطجية و الصيع بيبلطجوا علينا

معتقدشي حد هيقدر يتطاول علي مجموعة في شكل كمين أو لجنة أو حملة بدون داعي

طبعا مع الحرص علي معاملة الناس بإحترام و طبقا للقانون فقط

بس ده لو النية ((( صادقة )))

[خليل الضبع]

المشاركة الأصلية كتبت بواسطة نبيل عبدالرحمن نحن مع رجال الشرطة المحترمين الذين يتعاملون مع الشعب بإحترام أما من يخرج عن هذا الخط فيكفى أن ننظر له بإحتقار وأن نبلغ عنه

نبلغ مين عنة و مين يحمينى منة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[خليل الضبع]

المشاركة الأصلية كتبت بواسطة koashraf انا مع القانون ..والانضباط... يعنى لو كل واحد اخد حقه بايده حتبقى غابه والضعيف حيروح فى الرجلين والحق كمان حيضيع... والبلد حتبقى فوضى. لابد ان يحترم الجميع القانون الحكام والمحكومين.

نعم العدل وسيادة القانون (بس قانون شرعى من مجلس شرعى)

[tarek elbadry]

انا مع القانون
انا راجع النهاردة من الشغل وعندى اكتئاب من الى شفتو من فوضى كل واحد ماشى على مزاجو الناس بتمشى عكس فى شارع السودان تقاطع شارع نادى الصيد مع محى الدين ابو العز بقى بلوظة كل واحد بيعمل الى عاوزو وعلى فكرة الشرطة واقفة ومش عارفة تعمل حاجة خيفين من الناس
هية دى الدموقراطية الى عاوزينها سواقين الميكروباص بيمشو على مزاجهم بيقف يحمل على الطلعة بتاعة كبرى الدقى الصبح علشان تعدى تاخد ربع ساعة وهية المفروض خمس دقائق

[sam ram]

للاسف فعلا اغلب الظباط متعودين على السيستم القديم ومش عارفين يتسطبوا على النظام الجديد ...
لااازم فورمات .... ويسطبوا نظام جديد ...
دا في طلبه لسه مش عايزين يروحوا الكليه !!!!
يعني مهنجين اساسا و هما لسه حتى منزلوش ويندوز

واضح ان المشكله هارد وير ... مش سوفت وير

اما البلطجيه و السواقين اللي بيمشوا عكس فدول لازم يتلغوا اساسا .. زي الهارد ال 5 و ربع كده