معلومات خطيرة و مؤكدة عن ميدان التحرير - عمرو سلامة

[MmFFoR]

انا وجهة نظري نولع في بتوع التحرير علشان يتكتب في صفحات التاريخ " قام الشعب المصري الباسل بوأد ثورة الشباب التي كادت ان تطيح بدكتاتورية استمرت ستين عاما من اجل اسباب تظل مجهولة الى المؤرخين حتى الان"

[ahmed1981]

المشاركة الأصلية كتبت بواسطة engima - بص يا استاذى انا شوفت فى التلفزيون المصرى و الجزيرة و العربية ناس كتير اجانب ودليلى بقى ان مسكوا مهندس اسرائيلى غير السوسريين اللى كانوا عند التحرير

أنا كنت في التحرير
ميدان التحرير طبيعي قبل الثورة كان يوجد فيه أجانب بكثرة

الآن بالفعل موجود أجانب بعضهم بكاميرات تصوير صحفيين
وأيضاً يوجد أجانب ليسوا صحفيين وملحوظين
أي أننا لا ننكر وجود أجانب

لكن لا دخل لهم بشيء ولا يحركون أحداً على حسب مشاهدتي

وأنس الفقي وزير التضليل الإعلامي في نظام مبارك البائد يحاول عمل غسيل مخ بأي طريقة للشعب وبالفعل إستطاع التأثير على بعض من يشاهدون وليس لهم تواجد على الأرض

المشاركة الأصلية كتبت بواسطة engima - و موضوع الفديو دا عادى جدا دا ممكن يكون رصاص بلاستيك ما بيموتش و ممكن مايكونش مات اصلا و ممكن يكون مات والله اعلم بس يعنى دخلو منطقة سكنية ويقتلوا واحد قدام الناس كلها صعبة اوى يعنى طب انتى ايه دليلك ان الناس دى من الشرطة و ليه مايكنش اللى اضرب دة مجرم او عمل حاجة معاهم اقبل ما التصوير دة يبدأ مشكلتنا يا استاذى اننا بنبص على الحاجة من زويتنا بس

هل تعلم أن مشرحة مستشفى الدمرداش بها 60 جثة من المظاهرات وتوقفت عن إستقبال الجثث من أسبوع تقريباً لأنه ليس لديها ثلاجات
هذا مثال من مستشفى واحد وما خفي كان أعظم

أنا ممكن أحطلك أربع أو خمس فيديوهات لعمليات القتل أثناء أحداث الثورة
ولكن سأتركك تبحث عنها بنفسك في اليوتيوب وعلى النت

المشاركة الأصلية كتبت بواسطة engima - موضوع الديموقراطية خلاص ياباشا خلى امريكا تيجى تحتلنا و نمارس الديموقراطية زى ما العراق بتمارسها

يعني مكتوب علينا يا نرضى بظلم مبارك وحاشيته يا نحتل !!! !!! !!!
ليه
يا أستاذ ربنا أكرم من كده بكثير وأكثر مما تتخيل

ومن كلامك أعرف إنك مدخلتش جيش

يا باشا إنتوا فاكرين مصر مصطبة كل واحد زعلان ييجي يحتلها شوية
أنا دخلت جيش وعارف بقول إيه

المشاركة الأصلية كتبت بواسطة engima - وارجع و اقول انا مع التغيير بس ماينفعش الناس اللى قاعدة و واقفة حال البلد ....السلام عليكم

التوجيه الإعلامي يحاول إقناع المصريين بذلك

لكن بالراحة شوية نفكر في الكلام

هل مصر أو البلد عموماً عبارة عن ماسورة وفيها سدد في ميدان التحرير وبالتالي البلد واقفة حتى يتم تسليك ميدان التحرير ؟؟ !!

ميدان التحرير ليس مصنع ولا مزرعة ولا سوق ولا مطار ولا حدود ولا ميناء
لكن الإعلام يحاول توجيه الناس لأن الموجودين في ميدان التحرير هم سبب الرياح الحمراء وإنقطاع النت وإنقطاع الأموال من البنوك وغير ذلك

فلا تنساق خلف الإعلام فهو ليس أمين بالمرة سواء محلي أو عالمي
وله دائماً أهداف أخرى

[engima]

المشاركة الأصلية كتبت بواسطة ahmed1981 ما إنت لسة شاتم آلاف الناس زعلان ليه ؟؟ عموماً مسألة إنه رمز لبلدي إنتهت لأن هذا الرمز لا يشرف بلدي فكيف تتشرف بلدي برجل كان : رمز حامي الفساد ومربي لرجال الفساد حوله رمز حبيب الصهاينة وحامي حماهم رمز محكم الحصار على الفلسطينيين ومجوعهم لمصلحة الصهاينة رمز بيع الغاز للصهاينة مجاناً ورفع البنزين على أبناء شعبه رمز حماية الحزب الوثني وكر عصابة علي بابا والأرعين حرامي إلى آخره حاشا لله أن يكون رمزاً لمصر أبداً تعبان يسلم الراية لغيرة من ساعة ما وقع وجاتله جلطة من عشر سنين يسلم الراية مصمم برضه يفضل لغاية لما وقع مرة وهو بيخطب في مجلس الشعب لكن يظل مغيب ويسلم أمانة الحكم التي جعلها الله في عنقه للطفل جمال وصديقه الأنتيم عز وزوجته سوزان حتى يعثوا فساداً هذا العمل خيانة للأمانة حسبنا الله ونعم الوكيل عليه مهما كنت بتختلف معاهم مش من حقك تهينهم وبعدين خطاب تاني وخاطب أول تفتكر الناس بعد كذب ثلاثين سنة هيصدقوا إذا كان أساساً حالياً بيحكم من أساسه أكيد أقرأ جيداً قبل الرد يا أستاذ طول عمر المظاهرات بتحصل والحياة ماشية عادي الناس اللي في التحرير لهم وجهات نظر تحترم ولهم زملاء قتلوا أكثر من 700 شهيد حتى الآن في إحصائيات غير رسمية والإحصاءات الرسمية رفضت التحدث عن الشهداء وتحدثت عن الجرحى فقط نحترم وجهة نظرهم وميدان التحرير ليس مصنع وليس مزرعة وليس سوق تجاري وليس منطقة حدودية أو مطار فلتنطلق الحياة طبيعية وليعتصم من يعتصم وكل صاحب وجهة نظر نحترمه

- ماشى يا احمد باشا كل صاحب وجهة نظر نحترمة ::::الريس له اخطاء بس ايه كل دة ايه يا بشمهندس حامى صهاينة ايه بس ايه الكلام دة و دة مش معناه ان كل كلامك غلط بس فى اجزاء و اجزاء بس رغم اخطاءه ماينفعش الشتيمة دى و واحد عامله عروسة و شانقة (انا بتكلم فى المظهرات)


- حكاية انى شتمت الاف من المصريين انا ماشتمتش ولا حاجة (انما هى الحقيقة) يعنى الناس اللى فى ميدان التحرير قاعدة ليه يعنى الريس طلع امام العالم كله و قال وقال و فى الاخر مايعملش كل ده

-" طول عمر المظاهرات بتحصل و الحياة ماشية عادى" اى منطق يقول كدة مع احترامى ليك:: المشكلة اننا كلنا متعلمين بس مش كلنا عندنا وعى سياسى (لا اقصد احد فى الموضوع) طب انا يا استاذى ما بروحش المعهد بقالى اسبوع ونص و عايز تتأكد ان المظهرات موقفة حال الناس روح اسأل الناس اللى شغالين باليومية و اصحاب المشاريع الخاصة ايه ياجدعان انا عايش فين....السلام عليكم

[Moh.Osama]

انا معترض الف فى الميه ان لو حسنى مشى الدنيا هتبوظ يعنى لو مات (ان شاء الله)الدنيا هتوقف ولا ايه انا مش فاهم الناس بتفكر ازاى

[ahmed1981]

المشاركة الأصلية كتبت بواسطة engima -" طول عمر المظاهرات بتحصل و الحياة ماشية عادى" اى منطق يقول كدة مع احترامى ليك:: المشكلة اننا كلنا متعلمين بس مش كلنا عندنا وعى سياسى (لا اقصد احد فى الموضوع) طب انا يا استاذى ما بروحش المعهد بقالى اسبوع ونص و عايز تتأكد ان المظهرات موقفة حال الناس روح اسأل الناس اللى شغالين باليومية و اصحاب المشاريع الخاصة ايه ياجدعان انا عايش فين....السلام عليكم

سؤال مهم
ألم تحدث مظاهرات أيام 25 و 26 و27 يناير
وكلنا كنا في أعمالنا
يوم 28 يناير جمعة الغضب العدد كان فوق الخيال في جميع أنحاء مصر يقال أنه كان 9 أو 10 مليون متظاهر

الأيام التي بعدها تم إيقاف الحياة وإنزال الجيش
ليس من أجل إيقاف المظاهرات
لكن من أجل تأمين البلد بعد إختفاء الشرطة في ظروف مجهولة

المظاهرات بعدها في ميدان التحرير موجودة يومياً مع إختلاف الأعداد
لكنه ليست السبب في إغلاق البنوك
السبب في إغلاق البنوك هو إختفاء الشرطة
وليست المظاهرات السبب في هروب السجناء
هروب السجناء بسبب إختفاء الشرطة
وليست السبب في عمليات النهب
عمليات النهب بسبب إختفاء الشرطة

والدليل أنه ذهب الجميع اليوم إلى أعمالهم
ورغم ذلك كان اليوم من أكبر المظاهرات في ميدان التحرير
وأنا بنفسي رأيت تدفق الناس على الميدان رغم أني راقبت من بعيد للإطمئنان ثم ذهبت

المسألة الآن هي حرب نفسية بين قيادة البلاد الجديدة وبين المعتصمين
كل طرف يحاول رمي المشاكل على الطرف الآخر بصورة غير مباشرة ليستفيد من ذلك في الحوار الذي يدور

وأخيراً
هناك وجهات نظر كثيرة في الوضع الحالي
لكن الواقع يقول بمشاهداتي عينياً أنه يتم حالياً تطويق المكان المتواجد فيهه المتظاهرون جيداً بالجيش
وبالتالي فصله عن الوسط المحيط
وستسير الحياة طبيعية وليبقى في التحرير من يريد وليذهب من يريد حتى نرى نتائج ملموسة من الحكومة الجديدة والحكام الجدد

وإن كان هناك رأي آخر لي وضحته في موضوع آخر
لكن كل الإحتمالات واردة بنفس الدرجة من وجهة نظري