تعمل إيه لو راكن عربيتك و رجعت لقيت الباب عايز باب ؟؟!!

[mansoub504]

المشاركة الأصلية كتبت بواسطة Hoooba90 ههههههههههههههههههههههههه والله هقع ع الأرض من الضحك .... ألف شكر يا باشااااااااااااااااااااا

انت بتضحك انا وصلت بيا انا والمفتري ده
اني رشيت العربية وغطيتها قلت خلاص
خطهالي نفس الخطين
قلت خلاص مش هينفع اكسفه سبتهاله بالخطين
لا وفي الانقح من كده بقي لو ركنت العربية يجو اتنين حبيبه فاكرنها شجره يرسمولي قلب ويكتبه اساميهم
بس دول كويسن بيرسمو بالتراب

[@واحد من الناس@]

طب أنا هقول موقف غريب بس ده المفرض إنه يحصل على طول كنت بصلى الجمعه أنا وواحد صاحبي بعد الصلاة رجعنا لقينه العربية مخبوطة الواد إتنرفز أوي وقعد يزعق خصوصا إن العربية مكملتش شهرين ( إظهر خدت عين حلوة ) المهم لقينا واحد جي علينا وبيقول أنتوا صحاب العربية دي فصاحبي قاله أه الزفت دي بتاعتي قاله طب إهدا شوية بص ديه ورقه سابها واحد هنا عندي في المحل وقالي أديها لصاحب العربية دي لما يجي فتحنا الورقة لقينا فيها رقم تليفون وإسم كلمناه إدانا معاد وقابلنا وأعد يعتذر جامد وصلح العربية على حسابه

[hazem_khidr]

المشاركة الأصلية كتبت بواسطة @واحد من الناس@ طب أنا هقول موقف غريب بس ده المفرض إنه يحصل على طول كنت بصلى الجمعه أنا وواحد صاحبي بعد الصلاة رجعنا لقينه العربية مخبوطة الواد إتنرفز أوي وقعد يزعق خصوصا إن العربية مكملتش شهرين ( إظهر خدت عين حلوة ) المهم لقينا واحد جي علينا وبيقول أنتوا صحاب العربية دي فصاحبي قاله أه الزفت دي بتاعتي قاله طب إهدا شوية بص ديه ورقه سابها واحد هنا عندي في المحل وقالي أديها لصاحب العربية دي لما يجي فتحنا الورقة لقينا فيها رقم تليفون وإسم كلمناه إدانا معاد وقابلنا وأعد يعتذر جامد وصلح العربية على حسابه

هما المحلاويه كده معظمهم طيب و عندهم ضمير

[mesho70]

المشاركة الأصلية كتبت بواسطة hazem_khidr حسبي الله و نعم الوكيل و بالنسبه للاخ بتاع وصل الامانه دا كمان الواحد يتعلم انه ما يسبش حقه و مهما كان اللي قدامه يبان انه طيب المفروض ما ينخدعش فيه وياخد حقه طالما هو صاحب المركز الاقوي الناس بقت بشعه بجد

انا استاذ خالد انا بتاع وصل الامانة

ويعلم الله ياخى انة لو كان واحد غصب عنة خبط العربية مكنتش عملت حاجة ولا فكرت اعمل محضر وكنت صلحت العربية بدون حتى ما ارجعلة لانها حصلت قبل كدة ودفعت 6500 جنية وحتى اللى خبطلى العربية ميعرفش انا دفعت كام ولكن اللى استفزنى انهم تقريبا ً اطفال بتستعرض وبتهزر بالعربيات وكمان يجوا بالليل ويهددونى بعمل محضر ضدى بتحريض من ضابط معرفتهم وكمان لو كان جة وقلى انا مقدرش ادفع المبلغ ( ملاحظة هو وربنا يذيدة يستطيع بسهولة ) كنت انا مفكرتش اقدم اللايصال للنيابة
والله ياخى انا لما دخلت لوكيل النيابة طلع راجل ذوق جدا ً وحكالى موقف مشابهة وحصل معاة هو شخصيا ً وقلى انة عمل محضر واللى خبطلة العربية تحمل التكاليف كاملة ونصحنى وكيل النيابة ان استمر فالقضية لغاية ما اخد فلوسى منة ولكنى قلتلة انا متنازل لانى اديت الراجل وعد قبل ما ادخلك وتكون النتيجة ان اللى خبط العربية يقلى " الايصال بلة واشرب ميتة " دى حاجة قمة فى الاستفزاز وكمان لسة بشوف نفس العيال بأكتر من خمس عربيات بيعملوا نفس الحركات بإستهتار
للأسف مرادفات هذا العصر تغيرت واصبحت كلمات - متسامح وغلبان وطيب متوكل
لاتحمل المعنى القديم لها
وشكرا ً لرد حضرتك

[خالدخليفة]

المشاركة الأصلية كتبت بواسطة horas3000 و الله يا استاذ خالد المبدا ده علي عيني و علي راسي و انا مؤمن انك هتاخد حقك بس مع احترامي فيه شيئ من السلبية يعني انا ممكن اتبعه لما اكون مقتنع ان مش هعرف اخد حقي بنفسي لكن لو اقدر و بسبل محترمة يبقي ليه لا هو مش رسولنا قال من راي منكم منكرا فليغيرة.... الي اخر الحديث و اللي عمله المخلوق ده منكر فلازم يتربي عشان يتغير و اهو منه تمنع بلاويه عن ناس تانية و تاخد فيهم ثواب

هو انا مشرحتش الموقف كويس لكن طبعا روحت بكلمه وبقول له حرام عليك ورد الردود اللى قلت عليها فانا اتضايقت وزعقت وانا صوتى جهورى يعنى لما ازعق يقوم زلزال واتلمت الناس وقعدو يتمنو الاصلاحات وده يقول كلمة و ده كلمة وفوجئت بيه بيقوللى ميغركش المحل ده السوق نايم واحنا لا فى بيع ولاشرا وانا عليا ديون و دى كانت ساعة نرفذه وحقك عليا الى اخر هذا الطقم
المهم انا قلت له بعد كلام كتير من الناس من ماركة المسامح كريم عموما انا مش مسامحك وهاخد حقى يوم القيامة
لكنه ولا اهتم كل اللى يهمه ان مش هيدفع فلوس وخلاص
مع ان الحساب يوم القيامة اغلى عجيبة