#26
|
|||
|
|||
رد: محتار بين التيدا والسيراتو
والله بعد الأسعار الجديدة للشارك وخبر تخفيض الجمارك من أول يناير القادم واضح إن الأسعار بداية العام القادم أى بعد 4 شهور حتكون حاجه تانيه خصوصا إن العربيه الجديده دى حتكون العربيه الثانيه للأسرة نظرا لوجود أفيو أتوماتيك
الحمد لله بعت عربيتى اللانوس العظيمه بعد 10 سنين (دفعه أولى) وخدمه ممتازة والمناقشه دى فتحت لى أبواب كتير فشكرا جزيلا للمنتدى إللى عرفنى بناس محترمه أعطتنى أراء غايه فى الجمال. |
#27
|
|||
|
|||
رد: محتار بين التيدا والسيراتو
متهيألي يا استاذ سيجما إن الافيو هي اللي حتبقى العربيه التانيه ...
فعلا أسعار الشارك الجديده مغريه .. وبغض النظر عن تصنيف التيدا ... فهي عربيه واسعه جدا جدا في الصالون لكن على حساب الشنطه .. حتى لو سيدان لكن إيه حكايه تخفيض الجمارك من اول يناير دي ... اللي اعرفه إن الجمارك بتتطبق من شهر اكتوبر مع نزول الموديلات الجديده وإن التخفيض عل الجمارك للاوروبي بس ... هل في أخبار جديده ؟؟ بس الشارك حلوه برضو ptmnlo123per154 ومبروك مقدما ..
__________________
من تواضع لله رفعه The ultimate car would be designed by Italians engineered by Germans built by Japanese &
|
#28
|
|||
|
|||
رد: محتار بين التيدا والسيراتو
والله ياسيدى الفاضل أنا طول عمرى هدفى هى الكورولا بس دايما فارقه معايا فى الميزانيه ويوم ماإشتريت اللانوس من 10 سنين كانت هى أخر ميزانيتى وكانت الكريستاله أغلى منها بحوالى 12 ألف جنيه
علشان كده أنا بحاول أخرج من الكورى مع إنه معايا لم يخذلنى بالمره ولما لقيت التيدا سيدان ويابانى وكماليات كويسه (على فكره شنطتها 450 لتر) قلت أقارن لعل وعسى مع إنى فعلا مش عاجبنى شكلها وعامله زى عربيات تان تان (مجلة أطفال على أيامنا) ربنا يسهل وتخفيض جمارك الأوربى يساهم فى تخفيض أسعار اليابانى فى مصرنا المحروسه لأننا بنشترى العربيات بأسعار مبالغ فيها جدا مقارنه بالدول المجاوره لينا ولو بقى الوضع كما هو عليه فالسيراتو بعد دراسه مستفيضه مناسبه جدا وبالمناسبه إتعرضت عليا أمس الموديل إللى سعره 15900 بسعر 12000 فقط !!!لون فضى حاليا وده إللى مخلينى منتظر مزيدا من التخفيض وربنا يكرم أهى الكام شهر الجاييين ربنا يكثر من مشاركات مستخدمى السيراتو لتظهر عيوبها ولو كانو حينزلو سيراتو 2 !!!!! |
#29
|
|||
|
|||
رد: محتار بين التيدا والسيراتو
هو شكل التيدا فعلا غريب شويه .. لكن قصاد كده هما عاملين صالون كبير جدا .. و شنطتها غريبه شويه .. خصوصا إن فيها حاجز زي ستاره بيقسمها جزئين و مصغر شكلها .. ولما سألت عن الفكره من وراه .. الرجل في المعرض قالي علشان لو معاك حاجه مهمه و عايز تخبيها !!!
بس على حد علمي فالشنطه مساحتها اقل من 400 لتر ... هي برضو حجمها كويس .. لكن اقصد اصغر بالنسبه للسيراتو .. لكنها ممكن تكون اد شنطه الشارك ptmnlo123per154 عموما التلات عربيات حلوين .. و ربنا يوفقك في احسنهم
__________________
من تواضع لله رفعه The ultimate car would be designed by Italians engineered by Germans built by Japanese &
|
#30
|
|||
|
|||
رد: محتار بين التيدا والسيراتو
فى عندك الهوندا سيتى الجديدة و فى السوزوكى sx4 السيدان
و فى حاجات اوروبى بس هاتش باك ...لو ليك مزاج |
|
|