هام جدا مشكلة في الاكسنت الاوتوماتيك

[sergeant]

المشاركة الأصلية كتبت بواسطة د.هبه77 رحت التوكيل اتحطت علي جهاز جي سكان سليمة طيب العربية بتعمل كدة لية؟ دة طبيعي وعادي لان دة يتبع نوع الفتيس ومركز ثقل العربية طيب ما انا شفت عربيات تاني ومفيهاش كدة؟ شفتي اية؟ شفت دايهاتسو 80 واوبترا 2007 متقارنيش عربية بعربية من نوع تاني وكل العربيات الاكسنت الاوتو كدة (شفت عربيتين 2008 و2011 طيب ازاي بقي هل انا الوحيدة اللي كنت سايقة عربية ياباني وجبت بعدها عربية كوري يعني؟ انا اللي مشكلتي ان احنا بيتنا علي منزل؟ طيب الكلام دة مش مفروض اعرفة من الاول ؟

بصي يا دكتوره عشان نقطع الشك باليقين
وانتي جايبه ال عربيه على ال r وقبل ماتشيلي رجلك من الفرامل يا ريت تشوفي الار بي ام على كام لفه اكيد حتلاقي اقل من 750 ودا امر طبيعي انو ينزل العربيه لتحت على منزل شديد
موضوع انك لما تلحقيها بالنزين بتنط منك وبعزم شديد دا راجع لاعصابك ودوسه البنزين لان من خوفك لتخبط بدوس بقوه حبه فاترفعي الار بي ام فاتاخد سرعه كبيره ودا طبعا احنا بس بنتوقع الموقف
مشفتش بعيني
بس انشاء الله يبقا كده
بالنسبه للاوبترا اساسا الار بي ام مش بينزل عن 900 او 800 تحت اي ظرف فا مش حتنزل
ودا مش عيب في الاكسنت دا لان متورها cvvt ودي قصه عوزه موضوع لشرحها زي موضوعك كده
بس انشاء الله ميبقاش فيه مشاكل نهائي

ولو سعتك محتاجه تكشفي علها بجد في التوكيل اتفضلي دا رقمي وانشاء الله تتحل في منت

م/احمد هاني 0112636346

[د.هبه77]

يا جماعة قولولي مبااااااااااااااارك بجد بجد الحمد لله انا فرحانة جدا جدا جدا
بعد ما نشرت المشكلة هنا الأخ MATARS
جة شاف العربية وقالي ان العربية الاكسنت تختلف فعلا عن العربيات التانية اللي انا سقتها وان لازم انا اجيبها الاول علي P واستني شوية لحد ما العربية تتهز بسيط ادام وورا (اديها فرصة عشان نقلة الغيار او بمعني اصح زي ما يكون دبرياج!!)
وبعدها اجيب ال R وانا حاطة رجلي علي الفرامل واشيل رجلي وفعلا العربية معشقة ومبتنزلش علي المنزل
ربنا يكرمه بالخير ويباركله ويجعله في ميزان حسناته
بس يعني هيونداي اروحلهم 4 مرات محدش منهم قادر يقولي الكلمتين دول ويسيبوني اروح واجي 4 مرات
شكر خاص لاستاذ MATARS لحله للمشكلة
واستاذ احمد علي المشرف لاهتمامه بمتابعة الموضوع
وكل من رد وحاول المساعدة
وطبعا اخص بالشكر موقع مصر موتورز علي امكانية ان انا اعرض شكواي هنا والاقي مساندات ومحاولات للمساعدة وحل للمشكلة
بجد بجد انا فرحانة الحمد لله

[MmFFoR]

الحمدلله

ممكن تخللي حد غيرك يجرب يسوق السيارة؟؟ في احتمال بسيط انك بتعملي حاجة غلط في القيادة

كويس انه جربها

[احمد على 1999]

الحمد لله يا دكتورة و ربنا يباركلك فيها و يديك خيرها و يكفيك شرها
و جزا الاستاذ matars كل خير على مجهوده

[د.هبه77]

المشاركة الأصلية كتبت بواسطة mmffor الحمدلله كويس انه جربها

والله يا استاذ mmffor
انا في 4 مهندسين في غبور ساقوها ومحدش قالي شئ ربنا يسامحهم بقي بس هي فعلا مختلفة عن العربيا ت التانية في النقطة دي زي ما سمعت نظرا لنوع المحرك والفتيس!
بس الحمد لله ان المشكلة اتحلت ولولا اراءكم وتوجيهاتكم ومساعادتكم بعد فضل الله اولا واخيرا
انا مكنتش هتوصل لشئ الحمد لله
يا جماعة انا اشتريت العربية بتاريخ 26 يونيو!!!