المشاركة الأصلية كتبت بواسطة luckyman
الحقيقة ان التوكيلات فى مصر شغاله شغل عربيات الفول والطعمية ماشية وخلاص لا بتحاول ترضى المستهلك ولا تشوف رغباتة بالعكس بتجيب الموديل وبتحاول تعلى فى سعرة علشان هامش الربحية يكون مرتفع ويقلل المواصفات باقل الحدود وتشوف دة بوضوح جدا بين نفس الموديل لعربية جاية من الخليج وعربية تانية من التوكيل حتى فى نوعية الدهانات الخ دة غير الحاجات الغير ظاهرة للعيان زى التكييف الخ وقس على ذلك جميع التوكيلات فى مصر والصناعات والتجميع والمصانع الام مش بيهمها اهم حاجة انتجها للسوق المصرى لا يصدر لدوله اخرى يبقى مفيش مشاكل واحنا مشاركين فى الموضوع دة للاقبال الشديد انا متأكد ان لو اتفتح السوق مفيش توكيل حيصمد اكتر من سنة يارب يتحرر السوق زى العالم كله فى الاستيراد وحتى الاستعمال من الخارج يعنى دول احسن منا بكتير فى وبتجيب استعمال المانيا واوروبى وكندا وامريكانى الامارات والسعودية والخليج بشكل عام رغم المستوى المعيشى اعلى لكن هنا كان فى تؤاطؤ بين الحكومة والتوكيلات بعدم حماية المستهلك والمواطن وفرض علية سلع زى ايام الجمعيات التعاونية وموضوع لسة حجز سيارة واستلامها والكلام الفارغ دة شوف لسة فى لانوس وفيرنا وبيجو صنى وموديلات اخرى موديلات 2012 توقف انتاجها من اكتر من عقد من الزمن دة غير لو جبيت تجيب عربية من برة تتعاقب لازم تجيب شهادة ميلاد اللى صمم العربية ياريت الحكومة تخلى الناس تتنفس عمالين ندفع عشرات الالواف كا واحد منا علشان نركب اشباه عربيات شوف السوناتا الجديدة فى السعودية مثلا دى عربية عادية سعرها اقل من الالنترا هنا اظن فى مصر السوناتا الجديدة سعرها يتعدى 350 الف تبدا من كدا بالله عليك فى اكتر من كدة افترى بتمن الالنترا والسيراتو والسول وحتى اللانوس ممكن تركب عربيات استيراد مرسيدس وبى ام دبليو او عريبا ت جديدة محترمة اسف للاطاله ثوره ايه وغيره ايه كأنك يا ابو زيد ما غزيت الحياه بتغلى والفساد لسة منتشر فى كل مكان والغنى بيزداد غنى والفقير بيزداد بيزداد فقر ولك الله يا مصر
|
كلامك مظبوط جدا جدا يا باشمهندس لكن ثورة مصر لم تكتمل بعد ، وحتى وإن أكتملت لن تصلح فى أيام ما أفسدته أنظمة العسكر ( جمال والسادات ومبارك ) على مدى أكثر من ستين عاما ، فلا داعى لليأس والأحباط والقول بأن الثورة لم تفعل شيئا ، ولكن علينا التحلى بالصبر والتمسك بالأمل وأن هذه البلد ( مصر ) تستحق بأن نضحى لها بالغالى والنفيس لأنها ماضينا وحاضرنا ومستقبل أولادنا وتذكر قول الله تعالى ( يا أيها الذين آمنوا أصبروا وصابروا ورابطوا وأتقوا الله لعلكم تفلحون )
وجزيتم خيرا يا باشمهندس يا صاحب الحظ السعيد -إن شاء الله -