#26
|
||||
|
||||
![]()
ألف شكرا للأستاذ pro mada والأستاذ محمد أبيزا ..والله أنتوا الأتنين زى العسل ومناقشتكم ممتعة -والشكر الأكبر هنا للأستاذ حبيب الناس على المعلومات المفيدة والأستاذ حازم خضـر..وبالمناسبة بقى وبما ان الأستاذ محمد أبيزا معنا ..كنت عاوز رأيك وخبرتك يا باشا فى عربية أبيزا موديل 2001 بقوة محرك 1000 سى سى وعاملة 95000 الف كيلو بس من غير تكيف ولأ ساوند سيستم وصاحبها مشترط التسجيل ..كنت عاوز أعرف رأى حضرتك فيها الأول كسيارة عملية وأعتمادية ولأ لأ -وثانيا كنت عاوز أعرف سعرها فى سوق المستعمل أنت شايف حضرتك تعمل كام ..ولك منى ألف شكر
سامحونى يا جماعة أنى خرجت عن الموضوع الأصلى بس بصراحة طالما حضر كينج الأبيزا يبقى لأزم نطلب منه النصيحة ..ولك ألف شكر
__________________
شـــــــــــقة مفــــــــــروشة للبيــــــــــع بــجــنـــــــــــــــوب ![]() ![]() ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله |
#27
|
|||
|
|||
![]()
لو فعلا عاملة 95 الف كيلو و حالتها نضيفة و مش محتاجة مصاريف في الموتور او العفشه يبقي هتعمل في حدود 33-35 الف
العربية حلوه جدا لو عاملتها بنضافه يعني بنزين 92 و تهتم بالزيوت و الفلاتر و موفره جدا في البنزين و حاجتها متوفره(غالية شوية) و محدش يجيب ميه علي الكنترول او بوابة الانجشكن اثناء غسيل المحرك و كده و العربية عموما ممتازة بس ملحوظة:لو مشيك هادي هتعجبك جدا و بتجري كويس و كل حاجة لو انت بتاع شد و جري و فحت هتستحملك اه لكن مش هتديك اداء قوي لانها 1000 سي سي و المحرك ده محرك اقتصادي يعتمد عليه مش محرك للجري و الاداء العالي
__________________
IBIZA |
#28
|
||||
|
||||
![]()
الف شكر يا أستاذ محمد عل اهتمامك بالرد ..بس كان فى سؤال تانى لو سمحت ومهم ..
أنا من النوع اللى بيسافر وبيتحرك كتير والطبيعة هنا فى جنوب سيناء مطالع ومنازل وملفات كتير ..فهل حضرتك شايف أنها سيارة عملية وثابتة وأهم حاجة متسخنش وتعطل فى الطرق الطويلة وألأهتبقى حوسة وخصوصا الدنيا هنا فاضية من الميكانيكية ما بين دهب ونويبع وطابا ..وأخر حاجة لو سمحت لو أنا أتوفقت فى هذه السيارة مين اللى يقدر يكشف لى عليها ويجبللى من الأخر لو فيها حاجة سواء ماتور او عفشة ..ولك كل الشكر
__________________
شـــــــــــقة مفــــــــــروشة للبيــــــــــع بــجــنـــــــــــــــوب ![]() ![]() ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله |
#29
|
|||
|
|||
![]()
حضرتك الابيزا معروفة من ناحية الثبات هي ثباتها حلو و لو حطلتها جنط 15 هتبقي احسن و احسن
اما بالنسبة للاعطال فا دي حاجة كلنا معرضين ليها ايا كانت العربية سواء ابيزا ولا جاجوار مش عايز اقولك ان عربية والدي عطلت بينا قبل كده و انت داخل علي بوابات طريق مصر اسكندرية الصحراوي ![]() و لو حضرتك اشترتها اطلع بيها علي محمد سمير ورا حديقة بدر في جسر السويس ده للكشف عليها موتور و عفشه اما بالنسبة لقطع الغيار عندك طبعا المصدر الاول و الاغلي و هو التوكيل و ييجي بعد كده الحرفيين و الوكاله بالنسبة للاستيراد يعني و الجديد عندك فتح الباب-فولكس هاوس-التوفيقية مليانة بتوع فولكس و سيات منهم عبد المسيح و واحد كان اسمه تقريبا هشام لهيطه و غيرهم كتير مليانة بتوع فولكس و سيات و عندك شارع شامبليون فيه ناس كتير منهم سامح ابيزا و فيه منفذ بيع للتوكيل هناك برضه
__________________
IBIZA |
#30
|
||||
|
||||
![]()
بارك الله فيك والف شكر على النصيحة ..أنت بصراحة ماخلتش حاجة .
ربنا يبارك لك وجزاك الله كل الخير وياريت لو انت هنا فى جنوب سيناء تبقى تنورنا ونتشرف أكتر بمعرفتك .. وعلى فكرة أنا أعمل فى مجال السياحة -تنظيم رحلأت وسفارى بالأضافة الى كل الرحلأت البحرية والغطس - وده رقم الأيميل بتاعى ramses2004@usa.com ![]()
__________________
شـــــــــــقة مفــــــــــروشة للبيــــــــــع بــجــنـــــــــــــــوب ![]() ![]() ـــــــــــــــــــــــــ ـــــــــــــــــــــــــ ـــــــــــــــــــــــــ ـــــــــــــــ
قال رسول الله صلى الله عليه وسلم "خيركم للناس أنفعكم للناس" صدق رسول الله |
![]() |
|
|
![]() |
||||
الموضوع | كاتب الموضوع | المنتدى | مشاركات | آخر مشاركة |
احدث جهاز لكشف اعطال جميع انواع السيارات launch pro3 | شركة الجراج | مراكز الصيانة | 0 | 18-11-2014 03:32 PM |