#26
|
||||
|
||||
رد: هاحكيلكم حكاية مصر موتورز بس تكملوها معايا
مااجمل من ان نقول ونحكى ذكريات جمعت بيننا وبين اشخاص عديدة ..قصة حب واصرار ..على ان نحقق حلم ..فما اجمل تحقيق الاحلام...فى زمن قلت فيه الاحلام
واعتقد انها ليست حكاية عادية لاقامة منتدى بل هى قصة حب واخلاص وصدق نية وارادة ..لان مايقوم على الحب والاخلاص يستمر مدى العمر ويذهب الاشخاص ويجيئون وتبقى الذكرى الجميلة ليحكيها لنا اخونا الفاضل ابو نورا ولانملك سوى ان نقول له اكمل فكلنا شوق لسماعها انتظر باقى الحكاية بأهتمام بالغ
__________________
كن جميلا ......ترى الوجود جميلا
|
#27
|
|||
|
|||
رد: هاحكيلكم حكاية مصر موتورز بس تكملوها معايا
مساء الفل يا باشا فعلا كنت محتاج اعرف تاريخ مصر موتورز
ومتابع معاك ان شاء الله |
#28
|
||||
|
||||
رد: هاحكيلكم حكاية مصر موتورز بس تكملوها معايا
صباح الخير عليكو
تاريخ مواقع السيارات المصرية قبل 2006 مفيش شك ان الحاجة ام الاختراع وسوق السيارات المصرى كان فى امس الحاجة لموقع سيارات متخصص قبل 2006 وده لان فى الفترة ديه شهد السوق طفرة كبيرة تمثلت فى نزول عربيات كتير وموديلات حديثة بالاضافة الى انتشار الكورى بشكل اكبر مع دخول العربيات الصينى والهندى والايرانى يعنى باختصار السوق اتفتح والبنوك كمان كانت بتقسط لاى حد وشركات تأمين ظهرت ابرزها الجمعية المصرية وكان فيه تنافس كبير مابين شركات التأمين والتوكيلات والبنوك وفى نفس الوقت الماركات والموديلات كترت ومحدش فاهم حاجة ... حتى الناس (الركيبة) القدام كانو بيحتارو كتير فى اختيار العربيات الجديدة وقتها - خاصة ان كان فيه طفرة فى التكنولوجيا والكماليات اللى كان اكترها جديد على سوق السيارات المصرى فى الوقت ده كان واقع الحال ان مفيش غير شوية مواقع معدودة على صوابع الايد الواحدة وكلها لا تخرج عن مواقع سباقات زى الاوتوكروس او تعديل السيارات زى ايجى تونرز واغلبها بالانجليزى والكتابة بين الاعضاء بالفرانكو اراب ويحمل نفس روح المواقع الاجنبية وبيستهدف شريحة محدودة جداً من عشاق السيارات وهواه التعديلات فى الوقت ده انا شخصياً كان عندى خبرة كبيرة فى مواقع التواصل الاجتماعى وشبكات المعلومات عموماً بداتها من سنة 2000 ووصلت لمستوى كويس جداً فى 2006 وده بطبيعة الحال بيستلزم ان الواحد يكون علاقات مع مهندسين ومبرمجين من كل العالم فى التخصصات المختلفة وياهو Yahoo بصراحة كانت سباقة بانشاء غرف شات متخصصة فى مجالات هندسية متعددة منها الكمبيوتر طبعاً واستمعت واستفدت على مدى سنوات بالتواصل مع هنود وصينين وامريكان واتكلمنا واتصاحبنا واتعلمنا واستفدنا وانا لحد الوقت ده مكانش بيشغل تفكيرى غير 3 حاجات ( الكمبيوتر والعربيات ومش هقول التالتة ) فقولت ليه ميبقاش فى العربيات مواقع ومنتديات زى كده بس فى العربيات ليه شبكات التواصل الاجتماعى مبتخدمش غير المتخصصين فى مجال الكمبيوتر او شريحة صغيرة جداً من الناس والشباب خاصة ان على 2004 - 2005 كان فيه منتديات عربية قوية ومتخصصة فى مجالات كمبيوتر واعتقد كل المهندسين اللى فى الوقت ده استفادو منها جداً وكان اقربهم الى قلبى وانجحهم فى نظرى Linux Egypt Org وده كان بيجمع كل مهندسى النظم المصريين والعرب المتخصصين فى نظم التشغيل مفتوحة المصدر وتطبيقاتها ويعتبر ده اول منتدى مصرى حبيته واتعلمت فيه لكن بالنسبة للعربيات زى ما حكيت كان المواقع مش مناسبة خالص للسوق واحتيجاتة وبالتالى المواقع الاجنبية بتتكلم عن عربيات خيالية والمصرى كمان تقريباً وفضل الحال على كده لحد 2004 - 2006 كان فيه تجارب مصرية بدات تظهر لكن لم يكتب لاغلبها النجاح الا موقع واحد كونتكت كازرContactCars وده بداء فى 2004 لكن بدايه نجاحة الحقيقية كانت فى 2005 - 2006 بداية فكرة انشاء منتدى سيارات متخصص ودور موقع كونتكت كارز 2006 على المستوى الشخصى فى 2006 كنت متجوز جديد وربنا رزقنى بنورا بنتى وكنت مفتقد وجود عربية ومش كل شوية هستلف عربيه الحاجة ولسه خارج من جواز وولادة فى اول سنة والعملية مش مستحملة فكان تفكيرى فى عربيه عملية جداً (زى الولاعة البيك ) وتكون رخيصة علشان هجيبها بالقسط وانا بكرهه القسط والبنوك وحسابتهم ومش عايز اتدبس يعنى عايز عربيه بالمقاس والحساب والمنطق طب ازاى واذاكر الحكاية ديه فين ولا اسأل مين ؟؟ فى الوقت ده كان كونتكت كارز اشتغل وظهر بشكل كبير كقبلة وحيدة للمعلومات اساسية عن عربيات السوق المصرى هو فى الحقيقه كان فيه مواقع تانية مشابهه قبل 2004 كمان بس كانت ضعيفه فى المحتوى او ادارة سيئه او غير محترفة او غير موفقة لكن كونتكت ربنا كتبله التوفيق والنجاح والظهور وفى 2006 كان ملوش حل كونتكت زى ما نتو عارفين فى الاساس شركة تقسيط وتامين وبحكم انها بتبيع تقريباً كل الموديلات عملت موقعها كقاعدة بيانات لصورة ومعلومات كل الموديلات المتوفرة فى السوق المصرى بالاسعار واضافو كمان منتدى وكمان تطبيق لبيع العربيات المستعملة ومع الاخبار بقت بوابه شامل واول بوابة شاملة متخصصة فى السيارات فى السوق المصرى فبقيت قاعد فى كونتاكت ليل مع نهار لمدة شهور فى الشغل فى البيت مابين تدوير فى العربيات ومابين المشاركة فى المنتدى اللى كان عامر بالاعضاء وقتها بسرعة كبيرة اتعرفت على الناس وكونت صداقات بس مع نزول الاسبيرانزا فى السوق والضجة اللى عملها ابو الفتوح عليها فى 2006 وحيرة الناس وتضارب ارائهم مابين مشجع ومابين رافض للصينى ومعتبرها لعب اطفال ومتستاهلش يدفع فيها جنية وهوب ولع كونتكت كارز مشاكل وشكاوى واحتدام فى المناقشات لدرجة ان ساحة الاسبيرانزا ديه تحديداً كانت اشبه بمنطقة حربية فى اى موضوع او رد وارد تاخد شتيمة من هنا او من هناك او تقول كلمة متعجبش فينفجر فيك لغم من الشتائم والسباب وفى الحقيقة مع تقديرى الكامل للمجهود اللى بزلتة ادارة كونتكت فى تطوير الموقع وادارتة فنياً الا ان ادارة المحتوى والاشراف على المشاركات كان معدوم وياما كلمتهم وبعتلهم اقتراحات وشكاوى والردود مفيش تقريباً يعنى ممكن واحد يخش فى خناقة مع واحد يقوم ساببله جدود جدودة وتفضل المشاركة والشتائم بالاسابيع والشهور محدش يشيلها وغالباً اللى اتشتم مبيسكتش واطراف تانية بتنحاز هنا وهناك وفضل الحال على كده شهور وايام وطبعاً مقولكوش الشعب بتاعنا بيحب المصايب والخناقات قد ايه فزادت الترافيك على الموقع وزاد الاعضاء وزادت الفوضى لحد ما بداء الموقع يقع خالص بقى يقع ساعات الاول وبعدين بالايام وده كان بيدايق الاعضاء جداً وخاصة الناس اللى اتربطت جداً بيه ففكر المهندس / الضابط ( حازم حزة) فى انشاء منتدى جديد منفصل عن كونتكت نجتمع كلنا فيه وطبعاً بامكانيات افضل بكتير من كونتكت وبتحكم كامل مننا ونفذ فعلاً وعمل الموقع مش فاكر اوى كان اسمة ايه اللى فاكر يفكرنى ... Egy Wheels تقريباً ؟؟؟ لكن للاسف الفكرة فشلت تماماً الناس فضلت فى كونتكت ومنقلتش على الموقع الجديد بحكم العشرة ممكن بحكم الارتياح يجوز بحجم استتقال نقل مشاركتهم يمكن المهم ان محدش رضى ينقل للموقع الجديد انا كنت متابع الفكرة من بعيد واتفاجئت فى البداية بفشلة خاصة ان تقييمى ليه من حيث الامكانيات كان ممتاز ازاى الناس يكون عندها موقع افضل فى الامكانيات فعلاً وتفضل تستخدم موقع اقل ؟؟ للدرجة دى الانسان بطبعة بيكون عشرة على الانترنت .. فى الفضاء الافتراضى !!! طبعاً تاثير الطباع البشرية كبير جداً على تاريخ التكنولوجيا وفى الوقت ده كانت صيحة العصر المواقع الاجتماعية وبداية مواقع زى هاى فايف والفيس بوك على استحياء وجوجل والمنتديات والبلوجز وفى الوقت ده انا كنت متاثر بالعمل الجماعى فى الغرب عموماً واروبا تحديداً وكانت صيحة العصر هناك برضو خاصة مع تكوين الاتحاد الاوربى طيب ليه ميكونش فيه موقع اجتماعى فى الاساس وحقوقى فى الاهداف ومعلوماتى المحتوى ؟؟ ليه ميباقش فيه موقع مش بتاع شركة زيد ولا عبيد ولا صاحبه عباس ولا ابراهيم بتاع كل الناس واصحابة كل الناس كان المفروض حازم يعمل كده هو معملش كده راح فكر عمل موقع لوحدة ودعا الناس ليه الناس محبتهوش خلاص انا عايز اشجع الناس تعمل هى بنفسها موقع جديد وبالتالى الموقع الجديد هيبقى بتاعهم وطبيعى يحبوه وبس ومن هنا بدأت اكتب واكلم الناس واعرض عليهم الفكرة فى البداية مكانش فيه قبول خالص خاصة من الناس القديمة فى المنتدى واللى كلمتهم مسموعة ومواضيعم محل اهتمام عموم الاعضاء خاصة ان تجربة حازم كانت لسه قريبة فكل الناس حكمت بالفشل مسبقاً على الفكرة وكانت بدايه المقابلات وكانت المبادرة الاولى قبل ما اكون عضو فاعل فى المنتدى ومحضرتش كام مقابلة فى البدايات وديه اللى رسخت مبداء فشل الفكرة بتجربة حازم والشاهد ان حتى مع حضورى للمقابلات وطرحى للفكرة للمناقشه مكانش بيبقى فيه حماس حقيقى ليها وكان فيه بدايات لسيطرة من شله معينة على عموم الاعضاء لكن من بين الاعضاء كلهم ظهر عضو جديد باسم (Payoo) ....... يتبع تجارب ما قبل مصر موتورز ( نايل واوتوماسترز) 2007 كيف كانت فكرة مصر موتورز فى 2008 التعديل الأخير تم بواسطة AbOnOrA ; 22-06-2012 الساعة 07:45 AM |
#29
|
||||
|
||||
رد: هاحكيلكم حكاية مصر موتورز بس تكملوها معايا
متابع بشغف ... جميل جد ا
|
#30
|
||||
|
||||
رد: هاحكيلكم حكاية مصر موتورز بس تكملوها معايا
متابع بشغف
بس ياريت نكمل الموضوع للاخر و تقليل الفواصل الاعلانية
__________________
|
|
|