مقابلة الجمعه 26/11/2010 تحت رعاية الاستاذ ( هشام باهي )

[karem ali]

المشاركة الأصلية كتبت بواسطة خالدخليفة خيانة ليه ؟؟ وضحكنا عليك ليه ؟؟؟ انت حظك اصلا حلو انك سألت هشام عن بنزينة بتبيع بنزين 80 وانا جنبه لانى قلت له / يسالك انت فين فقلت/ عديت السادات راجعت الطريق فى دماغى وقلت له على بنزينة مدخل ال 71 هو انت فاكر حد هيقوللك المعلومة دى الا واحد يكون خط (بضم الخاء )الصحراء وانا كان نفسى اسعد بيكو والله بس ظروف العمل اخرتنى شوية لكن جيت وكويس انى حاولت وانا من النوع اللى بيحاول حتى ولو عنده امل 1 % ووالله كروسير قال لى ياتلحق يامتلحقش خلانى جاى اجرى بسرعة 160 على الدايرى ولما ملقيتش حد قررت ان جميع انواع الرادارات اللى لقطت العربية هيدفع هو غراماتها غصب عنه مش بمزاجه لكن وائل كسل (اقوال لا أفعال / أبو نورا سابقا وحاليا برضه ) ده رأى سومو وانا أؤيده وحازم خضر كسل ويبدو انه هينضم الى جروب أقوال لا أفعال مع انه عطاط زى حالاتى لكن يظهر المنافيستو بتاعه دلوقت داخل المدينه .أو عجز......... ههههههههههههههههه

ههههههههههههههههههههههههه ههههه
معلش باء يا استاذ خالد و خيرها فى غيرها ملناش نسيب تنقابل المره دى
اما بل النسبه لمعتز و النيفا فا دى اخر مره اعملها و هسمع الكلام بعد كده
ههههههههههههههههههههههههه ههه
وكده برده سيحت لاستاذ حازم و ابونورا

[amrmohamed1975]

المشاركة الأصلية كتبت بواسطة BASSEM BESO عمورة حبيب قلبى لوعايز نواكل الماتركس انا عارف ناس بتبيعة ممكن نتقابل ونروح انا وانت لو حبيت وبردة نواكل الأوكتافيا فشوف لو عايز قول ونتقابل فى اى حتة انت عايزها وانا تحت امرك

حبيبي يا باسم تسلم يا كبير بس ممكن لما ارجع من السفر ان شاء الله

[سيف الدين سعيد]

المشاركة الأصلية كتبت بواسطة BASSEM BESO عمورة حبيب قلبى لوعايز نواكل الماتركس انا عارف ناس بتبيعة ممكن نتقابل ونروح انا وانت لو حبيت وبردة نواكل الأوكتافيا فشوف لو عايز قول ونتقابل فى اى حتة انت عايزها وانا تحت امرك

وانا كمان مش حاتاخدونى معاكم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا كمان عايز زيهم من البتاع اللى انتم بتقولوا عليه دا .

[سيف الدين سعيد]

المشاركة الأصلية كتبت بواسطة BASSEM BESO عمورة حبيب قلبى لوعايز نواكل الماتركس انا عارف ناس بتبيعة ممكن نتقابل ونروح انا وانت لو حبيت وبردة نواكل الأوكتافيا فشوف لو عايز قول ونتقابل فى اى حتة انت عايزها وانا تحت امرك

وانا كماااان .
باغلس بس ههههههههههههههههههههههههه ههه

[Bahi]

بسم الله الرحمن الرحيم

يا شباب المنتدى الكرام المقابلة يوم
الجمعة ...؟؟؟...
بعد صلاة الجمعة مباشرة
عندى فى دريم لاند - 6 أكتوبر
للى يحب ييجى يسجل أسمة ورقم موبايلة.

هام جدا

لأى سبب من الأسباب اذا واجهت أى من السادة الحضور عقبة ولو ضئيلة أثناء دخولة أو تواجدة فى دريم لاند أرجو ألا يحاول حلها أو التعامل معها بأى صورة من الصور والمبادرة بالاتصال بى فورا على أى من رقمى 0112908778 أو 0101609606 وسأكون فى شرف خدمتة

معلومات جديدة

- تم المرور على Tooty Cafe مساء أمس وسيتم فتحها غدا فى تمام الساعة الواحدة ظهرا خصيصا لأعضاء منتدى مصر موتورز بدلا من الساعة الثالثة عصرا كموعد معتاد
- تم الاتفاق مع ادارة Tooty Cafe على منح أعضاء المنتدى خصم خاص غدا على جميع أسعار المأكولات والمشروبات الموجودة فى قائمة الكافيتيريا مقدارة 20% عدا الشيشة بكافة أنواعها

بالنسبة للمكان -لمن لا يعرفة- فهو موضح بالخرائط والصور التالية:

العلامة الحمراء هى مكان المقابلة فى مول دريم لاند - مدينة دريم لاند - طريق الواحات - 6 أكتوبر. الطريق الأصفر أسفل الصورة هو طريق الواحات وأولة من اليمين طريق القاهرة الفيوم وآخرة من اليسار يوصلك للواحات البحرية. الطريق الأصفر العمودى علية هو امتداد ونهاية الطريق الدائرى بعد تقاطعة مع الطريق الصحراوى.

- للقادم من شارع فيصل أو شارع الهرم أسلك الطريق الى اشارة ميدان الرماية ثم أسلك طريق الفيوم حتى تجد لوحة ارشادية تشير الى طريق الواحات ومدينة 6 أكتوبر أسلك اليمين فى طريق الواحات حتى بعد تقاطعة مع نهاية الطريق الدائرى فيكون مدخل دريم لاند رقم 1 على يمينك.

- للقادم من الطريق الدائرى ستجد قبل تقاطعة مع طريق القاهرة/الاسكندرية الصحراوى لافتة ارشادية تشير الى أن مدينة دريم لاند بعد 6 كم فلا تنزل منزل الصحراوى وأسلك امتداد الطريق الدائرى حتى ترى ملاهى دريم بارك على يمينك

ومع نهاية الطريق تماما ستجد طريق الواحات

ثم مدخل دريم لاند رقم 1 على يمينك.

- للقادم من محور 26 يوليو أسلك الطريق من ميدان لبنان حتى تقاطعة مع طريق القاهرة/الاسكندرية الصحراوى ثم أسلك الامتداد مارا بمدينة الشيخ زايد على يمينك وميجا ماركت "هايبر وان" حتى تصل الى ثانى اشارة مرورية عند ميدان كبير يدعى "ميدان العبور" أو "ميدان جهينة" لأن فى منتصفة لافتة اعلانية لشركة جهينة در مع الميدان وأسلك اليسار العمودى ثم سر بة فى طريق مستقيم حتى نهايتة تماما وتقاطعة مع طريق الواحات. أسلك اليمين الاجبارى فى طريق الواحات حتى أول دوران للخلف على بعد 400 متر تقريبا ودر منة للخلف ثم سر بصورة مستقيمة فى طريق الواحات فى اتجاة طريق الفيوم مارا بمدينة الانتاج الاعلامى على يمينك ثم بعد فترة ستجد فندق هيلتون دريم على يسارك. در للخلف من ثانى فتحه بعد فندق هيلتون دريم وعد فى طريق الواحات ستجد على يمينك نهاية الطريق الدائرى ثم مدخل دريم لاند رقم 1 على يمينك.

- للقادمين من الاسكندرية سالكين الطريق الصحراوى ترقب علامة "40 كم" من القاهرة للدخول من الطريق المختصر لبوابة رسوم مدينة 6 حيث سيجدوا لوحة ارشادية كبيرة تشير الى مدينة 6 أكتوبر جهة اليمين. بعد دخول الطريق بأقل من كم واحد عليهم المرور من بوابة الرسوم والاستمرار بعدها فى خط مستقيم حتى الوصول الى أول اشارة مرور ضوئية عند ميدان كبير يدعى "ميدان العبور" أو "ميدان جهينة" لأن فى منتصفة لافتة اعلانية لشركة جهينة أقطع الميدان وأسلك امتداد نفس الطريق ثم سر بة فى طريق مستقيم حتى نهايتة تماما وتقاطعة مع طريق الواحات. أسلك اليمين الاجبارى فى طريق الواحات حتى أول دوران للخلف على بعد 400 متر تقريبا ودر منة للخلف ثم سر بصورة مستقيمة فى طريق الواحات فى اتجاة طريق الفيوم مارا بمدينة الانتاج الاعلامى على يمينك ثم بعد فترة ستجد فندق هيلتون دريم على يسارك. در للخلف من ثانى فتحه بعد فندق هيلتون دريم وعد فى طريق الواحات ستجد على يمينك نهاية الطريق الدائرى ثم مدخل دريم لاند رقم 1 على يمينك.

مدخل دريم لاند رقم 1 (أو مدخل ملاهى دريم بارك) - طريق الواحات - 6 أكتوبر

أدخل من البوابة التى أمامك وسر مع اللافتات الارشادية سالكا الطريق الى "بهجت ستورز" و "السينما"

ستقابلك بوابة أخرى عليها أفراد أمن وتذاكر دخول (7 جنية) فلا تدفع وأبلغهم انك داخل للأستاذ/ هشام باهى وستجد معهم القائمة بها اسمك.

عندما تصل الى "بهجت ستورز"

ستجد سيارتى الأوكتافيا الفضى مصطفة أمامة

صف سيارتك فى أقرب مكان ممكن ثم توجة الى Tooty Cafe حيث مكان اللقاء

"... دى وصفة سهلة ... دى وصفة هايلة ..."