|
#266
15-03-2009, 05:29 PM
|
|||
|
|||
ارتفاع الدولار رغم انهيار الاقتصاد العالمى
ارتفاع الدولار رغم انهيار الاقتصاد العالمى
شى غريب ان يرتفع الدولار فى مدة قصيرة مبلغ 0.21 قرش فى ظل الظروف الاقتصادية والانهيارات التكتلات الاقتصادية وبدلا من انخفاض الاسعار تعود الى الارتفاع بسبب ارتفاع الدولار السؤال الذى يدور فى ازهان كل الناس هل يستمر الارتفاع وبتالى تزيد الاسعار رغم حالة الركور فى الاسواق وهل بما اننا بلد كبير الان وكما يقال اقتصاد افضل مما سبق هل تبقى عملتنا مرتبطة بالدولار ويبقى الجنية المصرى دون قيمة والى اين يذهب اقتصادنا الى افضل ام اسواء الى التقدم ام الانحدار واقف لانظر على دولة كبيرة كالصين باجد ان امورها غريبة بلد التعداد السكانى لها رهيب اكبر منا باضعاف وانظر لاجد عملتها اقل من عملتنا ولا تساوى شى بالنسبة الى الدولار وبلد لا يوجد عندها موارد مثل قناة السويس والبترول وغيرها ولكن اجدها افضل بكثير منا انظر لاجدها بلد رقم 1 فى التجارة والصناعة فما هو الحل اليقين لنا هل ابناها يحبون بلدهم اكثر منا ام سياستها افضل ام ادارات الموسسات افضل ام انها بلد فاضلة لا اظن ذلك ولاكن ما انا متاكد منة انها بلد عاش ابناها وحكومتها يقدمون الى بلدهم وانفسهم قبل ان يسالون ( خدنا اية من البلد) بداوا بانفسهم فولدت ليديهم بلد قوى ادارة وموسسات حكومة وافراد 
|
|
#267
15-03-2009, 07:11 PM
|
|||
|
|||
|
رد: ارتفاع الدولار رغم انهيار الاقتصاد العالمى
يا استاذ سيف الصين سكانها تعدوا المليار و نص ...
واهلها فعلا قدموا كتير للبلد ... قدموا ارواح ابنائهم في ميدان السلام .. و المسجونين بيشتغلو بالسخره ... و الطفل الثاني غير مسموح ليه اي دعم حكومي ... العمله الرخيصه ميزه كبيره ... اليابان اقتصادها قوي لكن مشكلتها ان قيمه عملتها عاليه و بالتالي سعر منتجاتها بيزيد مع ارتفاع العمله .. وده اللي يفيد دول زي الصين او الهند ... او مصر ptmnlo123per144 لكن ليه حضرتك شايفنا مبنقدمش اي حاجه للبلد ... هو المفروض اقدم ايه للبلد ... باحترم القوانين .. بدفع الضرايب وفواتير الكهربا والتليفون ... بشتغل ... بربي ولادي ... بستحمل الزحمه و البيروقراطيه و الديكتاتوريه و قانون و المرور ... ومبتكلمش في السياسه و لا بعمل مظاهرات ... مطلوب مني ايه تاني ؟؟
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#268
15-03-2009, 07:57 PM
|
|||
|
|||
رد: ارتفاع الدولار رغم انهيار الاقتصاد العالمى
 يشرفنى انك ترد على الموضوع دة بس احب اوضح ليك نقاط الدولار فعلا ارتفع والمفروض اننا فى ازمة عالمية ثانيا حضرتك ممكن توضح النقطة دى
غير كدة ال انا بستغرب لية بلد كل الظروف دة وناجحة واحنا لا لية
كمان كل ال حضرتك بتعملة كويس رغم ان مش كل الناس بتعمل كدة وناس كثيرة بتقول ( البلد عملت لينا اية ) صح كمان ال حضرتك بتقولة دة كلة فايدة لحضرتك ودة نظام المعيشة بتاع كل الناس تفتكر حضرتك دة كفاية يعنى ناس زى الصين بيعملوا كدة وبس ولا بيعملوا اية تانى انا لما قرات الخبر دة وكتبت الموضوع دة فكرت شوية لية ناس عملتهم اقل من عملتنا ومعندهمش امكانياتنا وبيخلفوا طفل واحد وبيدفعوا ضرايب وعيشين مسالمين مع الحكومة بتاعتهم وبيدفعوا التزامات المعيشة احسن مننا التعديل الأخير تم بواسطة Saif eldien ; 15-03-2009 الساعة 08:00 PM
|
|
#269
15-03-2009, 09:53 PM
|
|||
|
|||
|
رد: ارتفاع الدولار رغم انهيار الاقتصاد العالمى
استاذ سيف ....
لما تكون قيمه العمله منخفضه امام الدولار بتكون ميزه للدول الناميه ... لأن معناه ان منتجاتها حتتميز برخص التمن و ده يديها ميزه تنافسيه خصوصا ان عنصر الجوده بيكون ضعيف امام منتجات الدول المتقدمه اليابان لما قيمه عملتها ارتفعت سببت مشكله وابسط مثال نيسان ابتدت تصنع التيدا في المكسيك علشان تقدر تصنعها بسعر منافس ... وهوندا بتهدد بنقل مصانعها بره اليابان اذا محصلش انخفاض لقيمه الين ونفس الكلام بتعمله فولكس و بي ام و تويوتا وده سبب التصنيع في المكسيك و البرازيل و الصين و تركيا و الهند و جنوب افريقيا ... وطبعا المفروض ... مصر ptmnlo123per195 بالنسبه للي بعمله فهو اللي بيعمله اي مواطن ... بنؤدي التزامتنا ... وزياده كمان ... انا مبستخدمش حاجه مدعمه زي التأمين الصحي او اي اسكان مدعم ( شباب - اقتصادي - ... ) او المواد التموينيه المدعمه او اي خدمات مدعومه الا البنزين !!!!! وبالتالي بوفر خدمات الدوله للمحتاجين ... بستخدم مستشفيات خاصه - مدارس خاصه - عربيه خاصه - سكن خاص - مواد استهلاكيه خاصه - .... الخ الخ ومستحمل الشوارع المكسره اللي بتبهدل عفشه العربيه وبدفع الضريبه و الجمرك والمعلوم - و الاكل الملوث اللي يجيب المرض وبدفع تمنه - و المياه والحمد لله بعد كام نوبه مغص و تعنيه بشربها معدنيه وعليها واحده فيروز كل يوم علشان الاملاح !!! انا قصدي ايه المطلوب مني علشان اساعد في نمو و تقدم بلدي ... اتطوع في مجال الخدمه العامه ... اتبرع لمستشفى السرطان او جمعيه رساله ... اتنازل عن حقي في شم الهوا الملوث من شكمانات اتوبيس النقل العام و عربيات الحكومه المهكعه .... اهاجر .... اهج .... طيب بلاش ... دكتور زويل افاد مصر بأيه ... انا مش قصدي انه مش عايز بالعكس هو حاول كتير لكن للأسف مش احنا اللي مش قادرين نخدم بلدنا ... بلدنا اللي مش عايزانا ptmnlo123per144 لكن انا فعلا مش عارف ايه اللي المفروض اعمله علشان اطور بلدي .... و لو حد يعرف يقولي وعمري ما قلت البلد عملت لي ايه .... مش مستني منها حااااااجه اعمل ايه ؟؟؟!!! اولع في نفسي !!!! اسف عل الاطاله .. وارجو قبول اعتذاري عن حده الاسلوب ... وشكرا لحضرتك على الموضوع
__________________
من تواضع لله رفعه The ultimate car would be designed by Italians engineered by Germans built by Japanese &
|
|
#270
16-03-2009, 09:34 AM
|
||||
|
||||
|
رد: ارتفاع الدولار رغم انهيار الاقتصاد العالمى
مشكلة بلدنا سياسة الاقطاع
البلد متقسمة بين مجموعه من البشر و بالتالي الاحتكار في كل شئ الأزمة عالمية ومع ذلك فضل الحديد يزيد شوية و الاسمنت كذلك و السيارات تأكيدات بأنها حاتزيد و كل ده لتخفيض الخسارة علي القطط السمان علي حساب الغلابة الحديد بينزل عافية و كذلك الأسمنت و معظم السلع حتي السيارات لكن تأخير نزول الأسعار عمل إيييه؟ أضر باقتصاد البلد أكتر و أصبح الدولار اللي في كل بلاد العالم بينهار بيزيد في مصر لييييييه؟ لأن الجنيه بينهار أكتر أما ما ذكره سامح فكله في الصميم و ليه مفيش استثمارات مع انخفاض العملة فده علشان البلد بقت عزبة و اللي ماسكينها تجار خايبين بره شاطرين علي الغلابه جوه فاكرين الاستثمارات اليابانيه في مصر راحت فيييين ؟ - اسألوا أحمد عز ساويرس طلع من الأسمنت ليييه أسئلة كتير . . . الخلاصة ربنا وحده هو القادر علي انقاذنا من المستقبل القادم آسف علي النظرة القاتمة و لكنه ما أراه في هذا البلد السعيد
__________________
مقولة مأثورة (اللَّهُ يَنْصُرُ الدَّوْلَةَ الْعَادِلَةَ وَإِنْ كَانَتْ كَافِرَةً وَلَا يَنْصُرُ الدَّوْلَةَ الظَّالِمَةَ وَإِنْ كَانَتْ مُؤْمِنَةً)
|
 |
|
|
العمله الرخيصه ميزه كبيره ... 
