استطلاع : مطلوب تسليم السلطه لواحد من الاربعه دول

[تامر ديزل]

المشاركة الأصلية كتبت بواسطة sherif fersh مع إحترامى لجميع الآراء المطروحة ... فى المرحلة الإنتقالية ما هو الفرق الفعلى بين رئيس المجلس العسكرى و رئيس مجلس الشعب أو رئيس الدستورية العليا....؟ إنها مرحلة انتقالية مرتبطة بتوقيت محدد يعنى أى المذكورين سالفا سوف يسلم السلطة إلى الرئيس المنتخب حد يجاوبنى أرجوكم ﻷنى شايف أن الموضوع تحصيل حاصل و شكرا ﻷثارة هذا الموضوع `

لا طبعا فيه فرق يا استاذ شريف
رئيس المجلس العسكري وجوده في السلطه مسبب المشاكل الموجوده دلوقتي ... يعني مش هقول هوا مسمار جحا اللي بعض القوى بيتلككوا بيه علشان يعملوا الفوضى لكن بصراحه هوا لا حصل الحاكم القوي المرعب وقدر يحكم البلد ولا حصل الحاكم الطيب المحبوب هوا حاجه بين البينين
وكمان وجوده مجرجر الجيش في معارك قذره من الناحيتين لو قلنا الجيش في مواجهة الثوار تبقى معركه قذره لانه بيواجه اخواته واهله ولو قلنا الجيش في مواجهة البلطجيه يبقى الجيش عمل راسه براس الحثاله
يبقى الاحسن والاكرم انه يسلم بدري بدري لانه كده ولا كده هيسلم السلطه تفرق ايه معاه شهور بسيطه

[nktis]

انا مع تسليم السلطه لرئيس المحكمه الدستوريه العليا لان لو استمر الوضع كما هو عليه ....من فينا يضمن عدم خروج مظاهرات.؟؟؟؟

[تامر ديزل]

المشاركة الأصلية كتبت بواسطة Ahmed Anwer وفيه حل آخر مطروح بقوة إلغاء أو تأجيل إنتخابات مجلس الشوري و تبكير إنتخابات الرئاسة بعد مجلس الشعب مباشرة

تمام يا استاذ احمد مانا بقول نسلم لرئيس مجلس الشعب وهوا يشرف على انتخابات الرئاسه ويسلم للرئيس المنتخب
اللي انت بتقوله معناه ان المجلس العسكري يفضل قاعد لحد مايسلم هوا السلطه لرئيس منتخب بس حضرتك عوزها بدري شويه عن شهر يونيو يعني نقول مارس مثلا ؟
يبقى انا عاوز المجلس يمشي قبل منك ....

[dr.wael7yran]

اولا شكرا جدا على الموضوع الجميل ده ..
و ايوة كده عايزين نفكر في حل بدل ما احنا عاملين ناكل في بعض ..
و ثانيا اسمحلي اقولك رأيي الشخصي ..
انا مع الاختيار الاول لأنه المجلس العسكري فشل تماما في ادارة البلاد ..
و كفاية انه ولد شرارة بين افراد الجيش و الشعب بغباءه الادراي ..
و ممكن بالمنظر ده يجرنا لحرب اهلية لا قدر الله ..
و انا رأيي مع استاذ الدملاوي انه رئيس مجلس الشعب هيبقى معاه كل صلاحيات رئيس الجمهورية لمدة 60 يوم هيعملنا فيها انتخابات رئاسية و نخلص بقى من القصة دي ..
استاذ تامر احنا في 3 شهور مات مننا فوق ال 100 بني ادم ..
و اتقسمنا لفريقين ..
فريق وهب كل امكانياته و طاقته للمطالبة بالقصاص و المحاكمة و الجري وراء القتلة .. و نسي انه الشهيد ده مات علشان الثورة تكمل و مات علشان البلد تعدي لبر الامان ..
و فريق كره الثوار .. و كره الانفلات الامني .. و الاقتصاد المضروب .. و قاعد في بيتهم يرمي الاتهامات جزافا و موش فارق معاه الناس اللي بتموت- و فيهم الطبيب و الشيخ و طالب الاعلام و المهندس - و كأنهم كلاب مالهمش تمن ..و لا الناس اللي بتضرب و لا الناس اللي بتسحل ..
و رغم اني مع الثورة قلبا و قالبا ..
و دمي بيغلي بس بمجرد لما باشوف واحد من اعضاء مجلس قتالين القتلة دول ..
انما - و على عكس المتوقع - انا معجب بموقف الاخوان جدا ..
مستنين لما يبقى معاهم شرعية .. قبل ما يتحركوا ..
و ده في رأيي الصح اللي لازم يحصل ..
يبقى في مجلس شعب منتخب بارادة الشعب معاه السلطة التشريعية ..
و بسرعة نسلم السلطة لمجلس الشعب اللي هيسلم السلطة بسرعة لرئيس منتخب اي كان مين ..
و يبقى معانا سلطة تشريعية منتخبة ممثلة في مجلس الشعب ..
و معانا سلطة تنفيذية منتخبة ممثلة في رئيس جه بارادة الشعب ..
و وقتها بقى .. نفوق لقتالين القتلة و الحرامية و البلطجية و نجيبهم من قفاهم واحد واحد
و ناخد بتار الناس اللي ماتت دي ..
و كده بجد .. يبقى دمهم ماراحش هدر ..
بس يا ترى المجلس العسكري هيسيبنا نعمل كده ..
الله اعلم ..
و الف شكر على الموضوع الجميل ..
و بجد انا يشرفني انه ارد عليك في اي موضوع من موضوعاتك ..

[تامر ديزل]

المشاركة الأصلية كتبت بواسطة abu_ruqayyah اولا اشكر طرح الاخ تامر للموضوع والتصويت وانا افضل الانتظار لموعد تسليم السلطة وانتخاب رئيس للدولة واوافقكم كلكم الراى فى إن المجلس العسكرى لم ينجح فى ادارة البلاد فى الفترة الانتقالية وايضا انا مقتنع تماما ان المجلس العسكري لا يريد احراق البلاد ولا يريد اخذ السلطة ولا يطمع بها وهو على علم جيدا ان الشعب لن يرضي بحاكم عسكري مهما كان تاريخه مشرف ......لكن السؤال طيب ليه البطء فى تسليم السلطة !!! انا من وجهة نظرى شايف ان الجيش عايز يخرج بشكل مشرف وكمان يضمن لنفسه عدم حدوث مسائلة عن الفترة الانتقالية لانه كان غير مؤهل لها وشايف ان الشعب لازم يضمن للجيش هذا الخروج المشرف من السلطة ونترك له المجال والساحة بدون مشاكل لتسليم السلطة دون اى حجة (((((انتوا عارفين الموضوع عامل زي ايه ....زى كدا ما يكون ليك فلوس عند واحد ليكن مثلا 100 الف جنيه وعمالى يقولك هديهملك انا اصلا مش عايزهم وكله الا الدين ....طيب ياعم اديهملى يروح قايلك استنى اعدهملك عشان ما يحصلش لغبطة ، بعدين كل ما يجي يعد شوية وفى الفلوس تروح انت مزعق يااااااااعم ما تخلص ينسي العد ويتكلم معاك ويبدأ تاااااااااااااااااااااااا نى يعد من الأول وهكذا ......طيب ما تسيبه يعد براحته وخلينا نخلص من أم ال...... دا !!! )))))

وده يا يا بوروقيه يا صديقي رأي الغالبية من المشاركين في الاستطلاع لحد دلوقتي ( 16 صوت من اصل 31 ) وانا باحترم رأي الاغلبية حتى لو كنت مختلف معاه