مساعده ضرورى عشان انا صدعت

[sherihan]

المشاركة الأصلية كتبت بواسطة MOSTAFA SALLAM انا رأيى رينو لوجان عربية محترمة و شيك و اثبتت جدارتها فى السوق و واسعة جدا و عالية و ثباتها فوق الممتاز و مش شرط ان العربية الواطية تبقى ثابتة و العربية العالية تبقى مش ثابتة . دة مفهوم خاطأ للأسف . الثبات دة بيرجع لتصميم العربية فى الأساس . طب ما انتى عندك الهيونداى فيرنا اوطى عربية فى مصر و بعد 120 بتلاقيها ورقة على الأرض بعكس اللوجان بتجيب لغاية 180 و بيبقى ثباتها فوق الممتاز . و لو مش عاجبك شكل اللوجان يبقى سانديرو و لو بتضروى على عربية سبور اكتر يبقى سانديرو استيب واى و كل دة فى الفئة من 60 الف و حتى 85000 جنيه حسب الأبشنز . و اى حاجة بخصوص اللوجان انا تحت امرك . و نصيحة منى ابعدى عن الصينى مش علشان الصينى وحش بالعكس الصين اصبحت ابداع فى عالم السيارات بس للأسف العربيات الصينى اللى بتنزل مصر هى اللى زبالة الصينى و كمان لما تيجى تبيعى الصينى بيقل نصف تمنه دة لو لقيتى حد يشتريها اساسا دة عير العيوب المستفزة اللى فى الصينى و عير وسائل الأمان المعدومة نهائيا . فى النهاية اسف على الأطالة و ربنا يوفق فى اختيارك .

متشكرة جدا جدا
انا فعلا عجبانى اللوجان جدا
بس فيه نقطة مهمه جدا
انا طول عمرى بسوق عربيات اتوماتيك
وكل ما تعجبنى عربيه واقعد ادرس فى مواصفاتها الاقيها فى الاخر مانيوال
انا اصلا عمرى ما هجيب عربية صينى
انا بكره كلمة الصين ديه فى اى منتج
ومتشكرة جدا جدا
وياريت تنصحونى بعربيه اتوماتيك وعاليه ومعمرة

[sherihan]

المشاركة الأصلية كتبت بواسطة sharooo السلام عليكم سيريون او نيسان صني اوهيونداي جيتز.وانسى تماما التفكير في العربيات الصيني

متشكرة جدا على النصيحة
ومتخفش انا اصلا مش بفكر فى العربيات الصينى

[sherihan]

المشاركة الأصلية كتبت بواسطة Eng/salwa ارشح لك الماتريكس بس هتزودى المبلغ شوية انا معايا جيتز2011 روعة و تعتبر الاخت الصغرى للماتريكس و كانت ب 80 الف بس للاسف وقف انتاجها و موجود i20 بديله لها بس اعتقد انها فوق ال 100 الف ربنا يوفقك للخير ونورتى المنتدى

متشكرة جدا على النصيحة بس انا مش ناويه ازود المبلغ
لان العربيات لتحت ال 80
او فوق 120

[sherihan]

معقوله تكون ديه اول اسعار الاتوماتيك

- نيسان صنى 2011 اوتوماتيك EX Saloon
92.000 جنيه مصرى

- نيسان صنى 2011 اوتوماتيك ABS + EX Saloon
95.000 جنيه مصرى

- نيسان صنى 2011 اوتوماتيك Super Saloon
102.000 جنيه مصرى

- نيسان صنى 2011 اوتوماتيك Super Saloon Highline
103.000 جنيه مصرى

[akerima]

يبقي زي ما اخواتك قالو السانديرو او السانديرو الاستبواي حتي شكلهم بناتي والاستبواي عندك نوعين - اللي ليها ايرباج واحد ب 80 الف والتنين ب 82 الف

http://www.masrmotors.com/vb/showthread.php?t=72978

واللينك دا فية شوية معلومات عن السانديرو الاستيبواي