تفتكر ممكن ييجى اليوم اللى يكون فمصر صناعة سيارات وطنية؟

[فادى]

المشاركة الأصلية كتبت بواسطة wawoo تمام يا فادى دة بيحصل فعلا , و دة بياكد ان فى مصريين على قائمة صناعة القرار هما اللى بيعطلو مشاريع التطوير و التصنيع الحقيقية . و اقرب مثال هى دعوة احمد زويل لاقامة قاعدة علمية حقيقية فى مصر من خلال جامعة تقام على اسس علمية فقط , طبعا المشروع جميل و كان احمد زويل متحمس للغاية , ولكن كالعادة الموضوع اصطتدم بالجماعة اياهم و المشروع اتفركش و ذهب ادراج الرياح , ...مين بقى الجماعة اياهم دول ومين اللى مستمرين فى تخريب اى محولات حقيقية للتقدم و التطور فى معظم المجالات ؟

بالضبط, لا يستطيع الغربيون تنفيذ خططهم بدون ايادى داخلية, قد تتواطىء معهم بحسن أو سوء نية, عبر خداعهم أو تبادل المصالح معهم.

انا معاك فى كل اللى قلته يا استاذ فادى بس ليا سؤال فين الأراده؟ صدقنى مفيش حاجه مستحيله ,تفتكر ان المحرك أول مفكرو فيه صنعوه لأ طبعا كان فى محاولات وكان فى عيوب وفشل واحيانا محاولات لو بصنلها دلوأتى نقول ايه الغباء اللى كانو فيه ده ,تفتكر اول ما فكرو فى الطياره طارت على طول طبعا لأ ,ليه دايما بنحس اننا أقل من الناس دى رغم ان ربنا أنعم عليهم وعلينا بنعمة العقل ,بس الفرق مابينا وبينهم الأراده عشان يوصلو للى هما عاوزينه ولا عمرهم خافو من فشل أو تكاسلو فى عملهم ,وليه الحكومه متفكرش فى مشروع زى ده ,ماهى ياما دخلت فى مشاريع كبيره وبمليارات وفشلت عارف ليه عشان بيهولو فى الفكره (بأه احنا ممكن نصنع حاجه يا عم روح) هى دى الروح اللى احنا ماشيين بيها روح شعبنا احساسه الدايم بانه واهن وضعيف وثقته بنفسه رايحه فدهيه ,خلاصة الكلام احنا شعب بلا اراده وبنحب التهوييييييييل

الارادة مهمة و لكن, تذكر أن ما تقوله لا ينطبق الان,
بمعنى انه ليس مقبولا أن نعيد الأخطاء ذاتها, و لن ننافس بسيارة لم تتجاوز أخطاء و تصميمات الماضى, و لن يمهلنا أحد كى نتجاوزها و نجرب.
و فى النهاية لم تعد صناعة السيارات ارادة فقط, بل هى تفكير اقتصادى منظم, فنحن فى عصر لا ينفع فيه المبدأ الامريكى القديم "سوف نقيم عرضا فى الحظيرة".

[M7md_S3d]

انا فعلا قريت كتير عن الموضوع ده ودى قصته

في بداية الستينيات بدأت مصر مشروع طموح لانتاج و تطوير طائرة اسرع من الصوت بمساعدة أسبانية. و كان المهندس الالمانى المشهور ويلى مسريشميت المسئول عن المشروع. قام بتصميم طائرة خفيفة الوزن اسرع من الصوت و تمت تسميتها بـ( "HA-300P" ) . بعد إنهاء أسبانيا دعمها للمشروع عام 1960.إنتقل إلى مصر و تم دعوة خبير المحركات النفاثة فريدناند براندنر لتصميم محرك جديد للطائرة.

تم توفير أماكن الإختبار و الورش الخاصة بالطائرة و المحرك بقاعدة حلوان الجوية جنوب شرق القاهرة. تم تجربة المحرك الجديد E-300 أول مرة في يوليو 1963 في حين أن النموذج التجريبى للطائرة HA-300 تم تجربته في 7 مارس 1964. قامت الهند بالمساعدة في التمويل لتطوير المحرك E-300 و ذلك لإستخدامه في مقاتلاتها HF-24 Marut و تم إرسال اثنان من الطيارين المصريين لكلية الطيران بالهند للإستعداد لقيادة الطائرة حلوان 300 و وفرت الهند طائرة من طراز Marut لتجربة محرك E-300 .
بعد نكسة 1967 مارس السوفييت ضغط متواصل لإيقاف المشروع و نتيجة للمشاكل المالية و توافر عدد كبير من الطيارين الروس قامت الحكومة المصرية بإلغاء المشروع في 1969 و ذلك بعد إنتاج النموذج الثالث من المحرك E-300 و تجربته .
كلف هذا المشروع الحكومة المصرية أكثر من 135 مليون جنية مصرى و تم استخدام المحرك E-300 في المقاتلات الهندية HF-24 Maru


بس عارف كان امتى الكلام ده كان ايام جمال عبد الناصر ايام ماكان فى اراده فعلا حولت مصر من مملكه لجمهورية كان المفروض انها مبنيه على الحق ,وكان ايامها جمال عبد الناصر عاوز يقف بين العظام ومكنش عاوز يطاطى لحد ,ففكر ان مصر لازم يبأه فيها صناعة سلاح وطنيه عشان ميفضلش كل شويه يتذلل للأتحاد السوفيتى عشان حتتين سلاح ,فابتدى بتوطين الصناعه وكان نفسه فثوره صناعيه فمصر وده كان مشروع من ضمن المشاريع اللى قام بيها ,ومكنتش بعقول مصريه زى مقولت كانت بمساعده كامله من اسبانيا والعالم الألمانى اللى قبض طبعا والى كان جاى بطقم المانى كامل معاه للأشراف على تصنيع تصميمه واحنا مكناش أكتر من ممول مستفيد بالمقاتله فى الأخر عشان كده الطياره رجعت بلدها الأصليه لأنها اتصنعت بعقل المانى 100%

[M7md_S3d]

يا استاذ فادى انا بحترم كلامك جدا بس ليه انت مصعبها أو كده ,ألمشروع انا معاك لازم يتدرس كويس من جميع النواحى الأقتصاديه واللى لو فكرو فيها صح هيلاقو ان فى اقبال لأنها بقت حاجه أساسيه للشعب انت لو بتقرا المشاركات الجديده فى المنتدى هتلاقى ناس كتير بتدور على عربيات تركبها بس المشكله دايما فى المقدم الصغير وتقسيط الباقى على سنوات لا يعلم مداها غير الله ,ليه نسيب الفلوس دى تطلع بره ,الحكومه المفروض تفكر فى مشاريع انتاجها يغطى احتياجات الناس الماسه زى الأكل والشرب واللبس ودلوأتى بأه العربيه ,وانا قلت قبل كده انا مش بتكلم عن عربيه معقده فتصنيعها انا مبقولش نصنع عربيه زى اللانوس او فيرنا انا بتكلم عن عربيه ترحم الناس من البهدله اللى بيشوفوها كل يوم ويكون سعرها معقول ولو بالتقسيط البنوك المصريه موجوده وتبأه فلوسنا مننا لينا ,وبالنسبه للألأمكانيات فهى موجوده فعلا انت مش لسه هتبنى اساس الأساس موجود سواء فى شركة النصر للسيارات أو المصانع الحربيه ,بس فين اللى ياخد قرار؟!!

الله يرحمك يا حبيب الملايين
ptmnlo123per1105

[wawoo]

المشاركة الأصلية كتبت بواسطة M7md_S3d ,ومكنتش بعقول مصريه زى مقولت كانت بمساعده كامله من اسبانيا والعالم الألمانى اللى قبض طبعا والى كان جاى بطقم المانى كامل معاه للأشراف على تصنيع تصميمه واحنا مكناش أكتر من ممول مستفيد بالمقاتله فى الأخر عشان كده الطياره رجعت بلدها الأصليه لأنها اتصنعت بعقل المانى 100%

لا لا لا , الطائرة مصرية مش المانية , المعلومات اللى عندك مش دقيقة , صحيح ان العالم الالمانى شارك فى التصميم , بس الطائرة مصرية النشائة فى النهاية , وهى باسم مصر فى المتحف .

[M7md_S3d]

أولا انا سعيد بالنقاش معاك انت وفادىptmnlo123per122 وانا معاك يا واوو هى مصرية المنشأ بس احنا بنتكلم عن العقول اللى ابتكرتها احنا أحتضنا المشروع مش أكتر.