سحب العربيه ضعيف ؟؟؟

[Darkboy_Matrex]

الاصوات بالذات محتاجة تتسمع صعب الوصف بالكتابة بس على العموم
احتمال الشخللة تكون دشمة الفرامل مبوشة يا التيل مش ثابت مكانه

انا رحت كشفت على الفرامل وصلحتها وكله تمام ومفيهاش مشاكل بس الصوت ده لسه موجود وبيظهر اغلب الوقت لما بسحب بالعربيه فى المطالع

حكاية المروحة مش متأكد بس اكيد لو اتفكت و الماتور اتنضف حتشتغل فترة تانية معقولة تستحق الاصلاح لغاية لما فعلا تضطر (هى تضطر كده صح؟) تشترى واحدة جديدة
هو فى حد بيصلح المراوح ؟ اصلى رحت لكهربائى قالى انت تشترى واحده جديده لو اكيد موضوع التصليح اروح اسئل حد تانى ؟؟؟ غير كده ان المروحه اغلب الوقت شغاله عادى والموضوع ده مش بعمله كل شويه
وتضطر كده صح ياباشا

طبعا طبيعى جدا الواير ليه عمر افتراضى لكن حكاية ان الفتيس مكنش ثابت مظبوط وارد انه يكون مشترك فى سبب الانقطاع

نصيحة هامة : بما انك بتعتمد على التعشيق لتثبيت العربية (زى حلاتى) فمهم جدا لما تركن قبل ما تعشق تثبت العربية الاول بفرامل اليد و تتاكد انها وقفت تماما وبعدين تعشق
يعنى المفروض ان يكون الى موقف العربية فرامل اليد و التعشيق ده يبقى وسيلة امان احتياطية مش اساسية
لان لو التعشيقة هى الى فعلا موقفة العربية مع الزمن حتبوظ الفتيس

بس ياباشا انا من ساعة ما غيرت الواير وانا قلقان جد آ انه يتقطع منى على سفر ولا حاجه واحتاس بيها جامد فى الطريق كانت العربيه واقفه عادى بدى غيارات وهى واقفه لقيت بجيب غيرات من غير ما ادوس دبرياج انا مجربتش الموضوع ده وهى دايره انا قلقان جدآ عايز اعمل اى حاجه بس تطمنى

[Darkboy_Matrex]

انا غيرت فلتر هوا والعربيه فاقت جدآ الحمد لله وسحبها بقى كويس
والمروحه صلحتها وشغاله حلو الحمد لله
دلوقتى فى مشكله فى خرطوم طالع من الماتور داخل فى الكربراتير الخرطوم ده بتاع فايظ الزيت فى ناس قالتلى شيله ده بيكتم العربيه وناس قالتلى لاسيبه ده بيعمل رطوبه للكربراتير عشان مايبقاش ناشف الصح ايه ؟
معلش ياباشا تعبك معايا

[احمد على 1999]

فايظ الزيت ده حماية للبيئة فطالما مش مضايقك يفضل متفصلوش اما حكاية انه مفيد للكاربريتور فاول مرة اسمعها
الي متاكد منه ان جميع انظمة حماية البيئة بتبقي علي حساب اداء الماتور

[ايمن عبدالحميد]

المشاركة الأصلية كتبت بواسطة Darkboy_Matrex انا غيرت فلتر هوا والعربيه فاقت جدآ الحمد لله وسحبها بقى كويس والمروحه صلحتها وشغاله حلو الحمد لله دلوقتى فى مشكله فى خرطوم طالع من الماتور داخل فى الكربراتير الخرطوم ده بتاع فايظ الزيت فى ناس قالتلى شيله ده بيكتم العربيه وناس قالتلى لاسيبه ده بيعمل رطوبه للكربراتير عشان مايبقاش ناشف الصح ايه ؟ معلش ياباشا تعبك معايا

فايظ الزيت يبقى مشكلة لو المتور خفيف وبيدخن كدة يبخر زيت جوة الكربراتير وممكن يسد بكات البنزين ،لكن لو الموتور كويس يبقى مفيش منة مشكلة ولة دور فعلى ويظهر فى البرد الشدين فيؤدى الى تدفئة الكربراتير مما يحسن من تدفق الوقود الى غغرف الحريق

[Darkboy_Matrex]

النهارده لقيت مشكلة السحب دى تانى بالاخص وانا كنت طالع الكوبرى كنت جايب بالعربيه 60 جبت الغيار الرابع والعربيه مش راضيه تزود سرعه معايا خالص وبسمع صوت شخلله فى الكاوتش اليمينفلتر الهوا ظبطلى صوت الماتور وصوته مابقاش عالى زى الاول والسحب بقى كويس بس بردو مش هى سحب العربيهوالعربيه اخرها معايا بقت تجيب 120 ومفيش تانى مابتجبش ازيد من كده الميكانيكى قالى ممكن اسطوانه بس ده انا لسه مغير الطقم غير كده اناسمعت عشان اتاكد ان الطقم كويس ولا لا اجيب الغيار الرابع واشيل رجلى سنه سنه من الدبرياج لو العربيه فصلت تبقى الطقم سليم ولما عملت كده العربيه فصلت يبقى الطقم سليم معرفش الموضوع ده حله ايه وانا بجد زهقت من الموضوع ده ومش لاقى ميكانيكى بيفهم خالص ايه الحل ؟