الحكم إنتقل والبلد تغيرت وتسير في إتجاه التغيير الشامل والمظاهرات الآن تقود لكارثة

[د.كمال]

فى إعتقادى إستمرار المظاهرات شيئ مهم لتنفيذ المطالب فهى كالسيف المسلط على رقبه النظام للأستمرار فى الأصلاح .
لو المظاهرات توقفت هيتوقف الاصلاح ويبدأوا يفكروا فينا وفى اللى عمل المظاهرات وإذاى يضحكوا على الشعب تانى
خليهم يخافوا من الشعب شويه

[miam0502788391]

المشكلة ليست فى انتقال الحكم او غيره
المشكلة ان ما زالت هناك ازمة ثقة بين الشعب وبين النظام الحاكم
وعلى رأى المثل البلدى ( افتكرلك ايه يا بصله كل قطمة بدمعة)
يعنى اذا كان النظام عاوز يغير بجد وكان مؤمن بالتغيير كان ابتدأ بخطوات جدية
مش مستنى لما الدنيا تولع والثورة تبقى على آخرها علشان يقدم شوية قرارات لا تسمن ولا تغنى من جوع
يعنى اول ما تعامل مع الثورة كان بمنطق القمع الغبى وبعدين بالأرهاب الأمنى وبعدين بالبلطجية وبعدين فى الآلآلآلآلآلآلآلآلآلآخر بالحوار
يعنى باختصار هو رئيس الجمهورية كان ممكن ينزل بحزمة قرارات واحد اتنين تلاتة تلبى مطالب الشعب وتعيد الثقة لكن للأسف معملش ده ظل يتعامل مع الأزم بعناد وعنجهية ولما مالطة خربت قال انا هاعمل اللى انتوا عاوزينه
على رأى عمر الليثى فى عنوان مقاله فى الصرى اليوم ( ما كان من الأول يا ريس)

[hazememamonline]

المشاركة الأصلية كتبت بواسطة حازم شاهين و تفتكروا لما نبقى دولة ديموقراطية و عندنا حرية المفروض نعمل قانون يمنع التظاهر السلمى للتعبير عن الرأى للأسف الدعوة دى فى غير محلها تماما طالما بنقول هنعمل دولة ديموقراطية و شعبها يتمتع بالحرية يبقى لازم محدش يدعى إنه فاهم أكتر من الشعب ، و محدش يكر الكلام القديم بتاع الناس إللى فاكرة نفسها أوصياء على الشعب زى ما قولت قبل كده الحياة بترجع النهاردة للطبيعة ، و الناس راحت أعمالها و رجعت على اﻹعتصام و إن شاء الله لما تتحقق الديموقراطية و الحرية إللى بنحلم بيها ممكن تلاقى كل شوية مجموعة مش عاجبها حاجة و تعمل مظاهرة ، و الحياه مش هتوقف و لا هيحصل دمار و لا تخريب مش صحيح إن الإعتصام و المظاهرة هما سبب الخراب و الدمار و وقف الحال ، لكن سبب الدمار و الخراب و وقف الحال هو خيانة قيادات فى أجهزة اﻷمن كانت فاكرة إن لما الشعب يحس بالرعب هينسى التغيير و الحرية و العدالة اﻹجتماعية عايز أقول إن المظاهرات كانت بتحصل بقالها كذا سنه فى كل مكان فى مصر و محصلش خراب و لا تدمير عايز أقول لكل إللى خايفيين متصدقوش تليفزيون أنس الفقى إللى فاكرنا لسا فى العهد الشمولى إللى بيعتبر كل مطالب بالحرية و التغيير يبقى خاين و عميل و مأجور و هيودى البلد فى داهية الناس إللى واقفة فى التحرير دول هيودونا كلنا ﻷلف سلامة إن شاء الله

كلام جميييييييييييييييييييل كلام معقوول

[ahmed_harb777]

المشاركة الأصلية كتبت بواسطة ahmed_harb777 قولنا الكلام ده ستين مره لكن فيه ناس منشفه دماغها وتقولك لازم يمشي

بدات اغير رائي بعد تصريحات عمر سليمان الاخيره
وتلميحه باستخدام الجيش والقوه في فض ميدان التحرير

واعتقد ان ده مايسئليش

للاسف اللي كتب بطريقة ولا تقربو الصلاة.....ماكملش الكلام الاتي
وحدد سليمان عناصر الأزمة الحالية فى عدد من النقاط الأساسية هى: مطالب الشباب بالتغيير، ونقص قدرات الشرطة لحفظ الأمن، وشلل الخدمات اللازمة للمواطن المصرى، ونقص موارد الدولة على نحو كبير، واستمرار هذا التناقص كلما استمرت الأزمة، بالإضافة لتأكيداته على "التدخلات الأجنبية للوصول بمصر إلى حالة من الفوضى الشاملة لتحقيق مصالح قوى معادية لمصر واستقرارها". وأضاف نائب رئيس الجمهورية أن التحدى الأخطر من كل ذلك يمكن اختصاره فى سؤال (ثم ماذا بعد؟)، موضحا أن شخص رئيس الجمهورية المقبل، وآليات إدارة السياسة الداخلية والخروج من حالة العثرة الاقتصادية تمثل كذلك تحدياً تالياً لإنهاء الأزمة السياسية الأمنية الحالية.

دا الكلام الموزون الفاهم للوضع
مش كلام عاطفي

اللهم احمي مصر من ابناءها قبل اعداءها