ممكن اعرف سبب استهلاك البنزين بمعدل 145 كم فى الصفيحة

[drali]

حضرتك روح للميكانيكى تانى و خليه يظبط تاكيهات ويكشف على طلمبة البنزين

[refath]

طلمبة البنزين انا لسه مغيرها من اسبوع جديدة ايطالى
بالنسبة لخراطيم البنزين الحمد لله مفيش منها اى تسريب ومفيش ريحة بنزين داخل او خارج العربية
بالنسبة للتاكيهات انا معرفش عنها اى حاجة

شوق الكربراتير نفسه فيه احمرار على جسمه الخارجى وعلشان تتاكد الاول ممكن تنظف الكربراتير كويس من الخارج ( الجدار الخارجى ) لحد مايبان لونه المعدنى

انا جبت منظف الكربراتير من حوالى شهر ولن الكرابراتير فضى ولا يوجد اى اثر للون احمرار

[ايمن عبدالحميد]

اعتقد ان الزملاء الافاضل قد قتلوا الموضوع بحثاً ، ولكن من واقع التجربة الشخصية اليك الآتى :
1- تغيير ابرة الكربراتيربإبرة جديدة من نوع جيد لأن الابرةعليها دور كبير جداً فى فصل البنزين عن الكربراتير عند عدم الحاجة الية والابرة عندك مش وحشة قوى بدليل ان العربية مش بتشرق منك لكنها مش حلوة قوى فى نفس الوقت لأن معدل احكامها فى القفل بيكون ضعيف وبالتالى هناك دخول بنزين بصفة مستمرة ولا تشعر بة لأنة بيتحرق وانت ماشى .( ثمنها 10ج نبتدى بيها ونشوف) وهاتها ايطالى
2- فى حاجة اسمها جوانات المانفو ودى بتبقى بين مجموعة الكربراتير وجسم الموتور ولو تلفت بتشفط هوا وتاكل العربية بنزين ولا يمكن السلانسية يتظبط وبالتالى لازم تاكل بنزين .( طقم الجوان ب 10ج مصرى )
3- ودة الاحتمال الأبعد وهو اسطوانة الدبرياج لو فيها تفويت او تآكل بتأكل العربية بنزين كتير ولو حتى مكنتش بتعمل دردرة.
ولو تقدر تشترى كربراتير جديد ايطالى يبقى الموضوع انتهى واذا لم ينتهى يبقى باقى الخطوات التى كتبتها لحضرتك ، وارجو ان تكون مفيدة وطمنى على الأخبار

[refath]

النهاردة الصبح وانا رايح الشغل ماشى فى صلاح سالم ودخلت بنزينة موبيل عشان افول الراجل قالى البنزين بيقع على الارض
يعنى مجرد ما يحط المسدس البنزين بيقع من تحت العربية عند كاوتش الكوع الى تحت الزور
روحت لميكانيكى جنب الشغل عندى فى النزهة الجديدة واتضح انى الكوتشة مقطوعة خالص وغيرتها الحمد لله
هل المشكلة دى ممكن يكون ليها علاقة بموضوع استهلاك النزين ولا ملهاش علاقة

[ايمن عبدالحميد]

المشاركة الأصلية كتبت بواسطة refath النهاردة الصبح وانا رايح الشغل ماشى فى صلاح سالم ودخلت بنزينة موبيل عشان افول الراجل قالى البنزين بيقع على الارض يعنى مجرد ما يحط المسدس البنزين بيقع من تحت العربية عند كاوتش الكوع الى تحت الزور روحت لميكانيكى جنب الشغل عندى فى النزهة الجديدة واتضح انى الكوتشة مقطوعة خالص وغيرتها الحمد لله هل المشكلة دى ممكن يكون ليها علاقة بموضوع استهلاك النزين ولا ملهاش علاقة

علاقة اكيدة جداً لأن كدة فى تسريب جامد وان شاء الله الموضوع كدة انتهى