ممكن اسال سؤال؟؟؟؟؟؟

[miam0502788391]

بحكم انى دكتور احب اقول ان الأطباء زيهم زى اى حد فى السواقة فيهم اللى بيسوق كويس وفيهم اللى بيسوق وحش عادى يعنى وحتة عربية استعمال طبيب دى مش ميزة ولا حاجة لأن اللى لاحظته ان معظم الأطباء مبيعملش شغل فى العربية اللى لما تقول اه واى حاجة تتأجل ونادرا لما تجد طبيب مروشن العربية وعامل فيها شغل او تظبيطات وده بحكم الشغل لأنه مش فاضى معظم الوقت يعنى مستشفى الصبح وشغل خاص او عيادة بعد الظهر لحد بالليل ونوبتجيات سهر و يوم اجازة يتيم فى الأسبوع هيفضى امتى يروح للميكانيكى ولا السمكرى ولا العفشجى
مرة اخرى انا مع الأستاذ احمد ان العربية استعمال طبيب مش ميزة فى كل الأحوال الا لو كان الطبيب محافظ عليها فعلا وبيعمل الصيانة الدورية
بالنسبة للسيدات فى السيارات طبعا سواقتهم مش اد كده لكن الميزة فى عربية استعمال سيدة انها فى الغالب مش هتبقى عمالة مشاوير كتييرة واى سيدة عندها عربية هتلاقيها لو طلع ليها مشوار بعيد بتفضل تروحه مواصلات يعنى قطر او سوبر جيت وبتركن العربية لأنها لا تحب السواقة لمسافات طويله فتريح دماغها وبتاخدها مواصلات فتلاقى العربية مش عمالة عدد كيلو مترات كتير
فى الآخر افضل كلمة فى {اى هى ( استعمال خفيف ) وبلاش حتة طبيب او سيدة
وآسف على الإطالة

[Abu_mazen]

بغض النظر عن أنها استعمال طبيب أو سيده ولا اى فرد فى المجتمع اى كانت مهنته يجب ان يكون هناك أخلاق وضمير عند بيع أى سلعة سواء كانت سيارة ولا حتى غسالة بمعنى أن يكون الانسان صادق ويخبر الشخص بما فيها من عيوب حتى ولو كانت صغيرة ، حتى يبارك الله فى ماله وأولاده ، ممكن تخسر شوية فلوس بسيطة لو قلت الحقيقة بس أكيد ربنا هايباركلك فيها لانك لم تغش ولم تكذب 0 ياريت يكون هناك أخلاقيات وضمير عند كل فرد مننا ويقول على الحقيقة 0

[egy4arb]

ههههههههههههههههههههههههه ههه والله موضوع يضحك جدا


كل المقصود ان استعمال طبيب بقى و سيدة يعنى يادوب رايح المشوار و راجع من الشوار و على البيت و دماغهم فى الشغل بقى بالنسبة للدكاترة و السيدات برضو يعنى ( مافيش فرك بالعربية و شد الشباب بقى ولا بهدلة العربية ) بس طبعا كلام غلط لان يبقى عبيط الى يصدق حاجة زى كدا

[احمد بدر1978]

المشاركة الأصلية كتبت بواسطة egy4arb ههههههههههههههههههههههههه ههه والله موضوع يضحك جدا كل المقصود ان استعمال طبيب بقى و سيدة يعنى يادوب رايح المشوار و راجع من الشوار و على البيت و دماغهم فى الشغل بقى بالنسبة للدكاترة و السيدات برضو يعنى ( مافيش فرك بالعربية و شد الشباب بقى ولا بهدلة العربية ) بس طبعا كلام غلط لان يبقى عبيط الى يصدق حاجة زى كدا

اهو انا نفسى الى يكتب عن بيع عربيتة مايكتبش استعمال سيدة دى بالذات