|
#21
11-03-2010, 04:56 PM
|
||||
|
||||
رد: ما هي العيوب و المشاكل الناتجة عن اقتناء سيارة ؟
الاعباء النفسية و الصحية و المالية للسيارة اكثر بكثير من المواصلات ،،،، بس الموضوع مسألة استعداد انك تعرف تسستم حياتك مع المواصلات و لا لأ ،،، فيه ناس كثيرة جدا معندهاش عربية "وامكانياتها المالية ليست هي العائق امام قرار الشراء" و مش حاسة ان ناقصها حاجة بل بالعكس بيروحوا في كل حته و خفاف في الحركة اكثر من اللي عنده عربية
و طبعا الميزة الرئيسية في السيارات هي الحفاظ علي الوقت و انها تحت امرك 24 ساعة خاصة في حالات الطوارئ و أنا اعتقد أنه لو توافرت مواصلات أدمية تحترم الانسان فعلا و منظمة زي ما هيه في كل العالم يبقي ساعتها 50% من مالكي السيارات هيعتمدوا عليها و يستغنوا عن عربياتهم خالص و بالتالي الزحمة تقل و اماكن الانتظار تكتر. يا ريت احنا عندنا ثقافة العجل أو حتي الموتوسيكلات زي بره ،،،بس للاسف احنا عندنا مفاهيم راسخة في تراثنا و اذهاننا و اسلوب تفكيرنا موروثة و الكثير منها يحتاج لقنبلة ذرية حتي يتفتت من المجتمع باكمله
__________________
سبحان الله و بحمده سبحان الله العظيم عدد خلقه و رضا نفسه وواسع رحمته و زنة عرشه و مداد كلماته الحمد لله و لا حول و لا قوة الا بالله و الله اكبر عدد ما كان و ما سيكون ملئ الفراغ و ملئ السكون
|
|
#22
11-03-2010, 05:41 PM
|
||||
|
||||
رد: ما هي العيوب و المشاكل الناتجة عن اقتناء سيارة ؟
أنا طول عمري باتمنى المجتمع يغير نظرته للدراجات الهوائية.. بس بالنسبة للنقطة الأولى: أنا كنت من الناس الخفاف دول و قلت لما حأجيب السيارة "مضطر علشان الأولاد" ممكن أبقى أركنها و اعمل مشاويري زي زمان.... وقالولي انت بتحلم... ومصدقتش في الأول... بس دلوقت اكتشفت إني كنت باحلم فعلاً... السيارة إدمان... ووالله لولا خوفي على المكان اللي راكن فيه ليروح لكنت روحت بيها لأول الشارع علشان أجيب حاجة من السوبر ماركت.. ناهيك طبعاً عن "الكرش" اللي زاد عندي "كعرض جانبي للسيارة"... تقدر تقول إن من مشاكل اقتناء السيارة: الكرش و الكسل !!! ptmnlo123per144
__________________
مهندس معماري محمــد مختــار 
|
|
#23
11-03-2010, 05:51 PM
|
||||
|
||||
رد: ما هي العيوب و المشاكل الناتجة عن اقتناء سيارة ؟
أنا قرأت في المواصلات كم كتب لم أقرأ واحد على مية منه بعد السيارة... وختمت القرآن في المواصلات مرات لا أحصيها... بل كنت أتفكر و أخشع و يفتح الله علي بمعاني و أنا في أوتوبيس نقل عام "من الأحمر مش حتى الأخضر الجديد".. وكنت أجد الوقت لأفكر في الدنيا و أحوالها ومشاكلي و حتى القضايا الفكرية العامة... و كنت صبووووووووووووووووووووووو ووووررر وهاااااااااااديء  و الآن بعد أن تعلمت القيادة "على كبر" تحولت لشخص عصبي و مستعجل و دمي محروق من يوم ما اشتريت السيارة "بدون مبالغة".. فعلاً السيارة -والقيادة في القاهرة- غيرت شخصيتي للأسوأ بمراحل... يمكن إضافة هذا أيضاً تحت بند مشاكل السيارة..!! 
__________________
مهندس معماري محمــد مختــار
|
|
#24
11-03-2010, 06:24 PM
|
||||
|
||||
رد: ما هي العيوب و المشاكل الناتجة عن اقتناء سيارة ؟
ممكن المشوار يعمل 5 دقائق قبل الفجر و الدنيا فاضية لكن الربع ساعة دي ممكن تقضيها بتدور على ركنة .. أو واقف في شارع ضيق منتظر واحد غبي قافل الطريق يغور من وشك.. أو ترجعه بضهرك علشان أوتوبيس المدارس قرر يدخل في الاتجاه المقابل... أو تقضيه في إشارة واحده... أو تقضيه بتزمر لواحد من الجيران "المحترمين جداً" علشان يصحى من النوم و يجي (يزيح) سيارته اللي قرر يحبس بيها على سيارتك ويفرملها ويعشقها ويطلع ينااااام... أو مستني خناقة بين سيارتين متواجهتين و معاندين مع بعض وكل واحد بطل سيارته وقاعد مستني التاني هو اللي يرجع بضهره... أو تستنى نصف ساعة لما الهانم اللي بتحاول تركن تخلص تدمير السيارات اللي راكنه حولها وتضع سيارتها بعيد عن مسار السيارات "تقريباً"... أو بتحاول تفلفص من حاجة حقيرة إسمها "الميني باص الأخضر" اللي لازم يمنعك من المرور و لازم يحمل و ينزل الناس وهو في وسط الشارع ويفضل ماسك الطريق يمين شمال... أو سواق تاكسي نفسه يركب زبون بس على مزاجه فكل شوية يقف يتقاول مع زبون ويسيبه و يمشي بس طبعاً بيقف في وسط الشارع علشان يطلع على طول وطز في اللي وراه... أو يجي نصيبك خلف سيارة تقودها امرأة أو واحد عجوز ptmnlo123per111 أو أو أو....... يا راجل ده أنا ساعات بروح مشوار قريب و أفضل ماشي بالسيارة علشان ألاقي مكان "أرميها فيه" لمسافة تقارب المسافة بين البيت والمشوار.... ثانياً: نفس ما سبق  ثالثاً: أحياناً ... بس أقل كتييير من غير سيارة. رابعاً: لو الطريق واقف والله بأتمنى لو عندي رفاهية إني أسيب السيارة وأنزل أكمل مشي... ده أنا ساعات باحسد اللي في الاوتوبيس. خامساًَ: لا تعليق بس لما تجرب حتعرف... مين قاللك إن البنزين كل حاجة؟؟ ده انت ممكن (تنطس) مخالفة واحدة تدفع فيها أكتر من مشاويرك بالتاكسي طول الشهر!!! أو واحد (أو واحده طبعاً) يريح على عربيتك ترييحه تدفع فيها دم قلبك (وتتبهدل في تصليحها أكتر من البهدلة في المواصلات شهر برضه) ptmnlo123per111 سادساً: برضه لما تسوق حتفهم.... الموضوع مش فرحة ولا هيبة ولا نيلة... الموضوع إن ساعات بتكون مضطر تتحرك علشان لو ماتحركتش فيه عربية تانية حتطير النصف الخلفي من سيارتك أو تكون عاوز تلحق الاشارة قبل ما تنحبس فيها ساعتين أو تكون بتفادي حد و تلاقي الباشا اللي ماشي في وسط الطريق (كأنه ماشي في صالة بيتهم) ولما تزمر له يبصلك باستنكار كأنك معدي بعربيتك في الصالة ونظرته بتقول انت ايه اللي جابك هنا؟؟ ولا الحبيبة اللي ماشيين يتدلعوا ولازم يمشوا جنب بعض حتى لو في وسط الشارع.. و لا الغبي أو الغبية اللي ماسك ايد أبنه الصغير و ماشي هو ناحية الرصيف وسايب الطفل ناحية العربيات... أو تكون مزنوق في حتة لنصف ساعة و ماتصدق تطلع منها -بعد ما تكون روحك طلعت- ولسه بتدوس بنزين تلاقي واحد أو واحدة بيعدي الشارع بمنتهى الهدوووووء -لأ وكمان من غير مايبص- وتبقى نفسك تطيره علشان تخلص.. بس .... برضه حرام... !!! ptmnlo123per111 ياااااا راااااااجل خليني ساكت وماتفتحنيش ptmnlo123per111
__________________
مهندس معماري محمــد مختــار التعديل الأخير تم بواسطة master.formats ; 11-03-2010 الساعة 06:35 PM
|
|
#25
11-03-2010, 06:29 PM
|
||||
|
||||
|
رد: ما هي العيوب و المشاكل الناتجة عن اقتناء سيارة ؟
طب تعمل ايه لما تكون راكن العربية ومغطيها امام البيت ويجي كل يوم ولا اتنين البوابين اللي بيمسحوا العربيات اللي وراها وقدامها يحطوا فوطة مبلولة عالغطا عقبال ميطوقوا العربية والغطا يتوسخ والعربية لو فيها حتت مفيهاش بويه تصدي اعمل ايه في موقف زي ده اقولهم يشيلوا ام الفوط دي ويستقصدوا العربية ولا اعمل ايه وده من مشاكل اقتناء السيارة القلق عليها خصوصا لو مستعملة وفيها حتت مفهاش بويه ممكن تؤدي الي صدأ ثم بارومة
|
 |
|
|
