خليك أصيل وقول كلمة حق..دعوة لكل الأعضاء

[Col.Eng.Khaled]

contact.client@renault.co m

خدمة العملاء رينو فرنسا

حاول تراسلهم و إن شاء الله خير ، لإن حالة عربية حضرتك غير طبيعية بالمرة و وارد جدا تكون قابلت مهندس إستقبال

في التوكيل و الشخص ده عايز يتلامض و خلاص (حصلت معايا في فرع العبور بخصوص المراية الجانبية) ، و

مشكلتي إتحلت بفضل الله .

الله الموفق .

[hazem_khidr]

فيات 132 2000 موديل 1981 كان والدي جايبها من السوعديه كانت بتغير بطاريه كل 4 سنين لحد ما اتباعت في 2000
فيات 125 موديل 1975 كانت معانا من 1987 لحد 2004 برضه بطاريه كل اربع سنين او تلاته
بيجو 505 موديل 1980 كانت معانا من 2000 لحد 2006 و اتغيرت لها مره واحده
سوزوكي سويفت 1993 كانت معانا من 2005 و غيرت بطاريه مرتين و اتباعت في 2009(كان عندي مشكله في الدينامو و غيرت الدينامو و البطاريه قبل ما ابيعها)
و مع قرايبي كلهم مافيش حد اسمه بيغير البطاريه في خلال سنه دي نهائي علي الاقل سنتين لو كان مهمل و مش بيشوف ميه البطاريه ولا بيراجع علي الشحن غير كل فين و فين.
و للعلم كل البطاريات اللي فاتت كانت بطاريات سائله معظمها من النسر فارتا الالماني الا بطاريه السويفت الاخيره بتاع البطاريات استعبط و شحن بطاريه كلورايد و انا كنت مضايق بس الحمد لله بعتها بيها.

تفسيري للموضوع دا حاجه
بطاريات زمان كانت معمره جدا و كانت بتعيش و خصوصا ان اعلي عربيه قديمه يوم ما تقول انا فيا كماليات كان باور و زجاج كهرباء بس و لو ركبت سنتر تبقي من عليه القوم و رغم كده كان الواحد بيجيب البطاريه ال 70 امبير و يحطها في العربيه علشان بس فيها زجاج كهرباء و ال 70 امبير تستحمل بلاش الستين!!!!
دلوقتي العربيه بتنزل فول اوبشن و تكييف و باور كهرباءو اربعه زجاج كهرباء و سنتر لوك و جميع التقنيات الحديثه
وتلاقي الكتالوج بيوصي ببطاريه 55 امبير!!!!
مش عارف ازاي بس الواحد بيمشي زي ما الكتاب بيقول لاني بخاف الدينامو ما يقدرش يشحن البطاريه الكبيره و ينتهي اجلها بسرعه !!!!!!!!!!!

[Ahmed Anwer]

الراجل كان جايبلنا العربية نتفرج عليها و صديق عزيز قصدني

علي أساس اني خبير عربيات اتفرج معاه عليها ،، ميعرفشي اللي فيها

طبعا العربية من بره حاجة جميلة جدا مش محتاجه كلام من أشيك العربيات في فئتها

اول ما دخلنا انبهرت طبعا بالحركات و الكارت و الاستارت انجين و المالتي فانكشن ، حاجات كانت نازلة في الميجان من سنين و دلوقتي بيفتخروا بيها في السيارات الحديثة

و الراجل قعد يعد في اوبشنز كتير أوي ، و هوا شخصيا علي قده فيها يمكن مش عارف كل امكانياتها

بس طبعا كلها اوبشنز جملة جدا ،، عجبتني منها الثلاجه الصغيرة اللي في الشنطة

القعدة مفيش كلام ،، الكرسي مريح جدا و يحتويك

تحسيسه بسيطه كده علي التابلوه ،، حسيت خاماته ممتازة من النوع الطري الظريف

العربية رغم انها عامله 35 الف كم بس مكنشي فيه حاجة مقشرة من جوه

علي عكس اللي سمعته ان الأجزاء السيلفر اللي فيها بتقشر

بس الصراحة حسيت قفلة الأبواب فيها مش قد كده ،، حسيتها تنتمي لقفلة فئات أقل من العربيات

اللي بتحس ان بيبانها خفيفة كده في ايدك ،، بتبقي مقبولة في الفئات الصغيرة لكن مش مقبولة في فئة الميجان

و الله أعلم ان شفت عيوب كتير في العربية اللي جربتها و احتمال كبير العربية يكون فيها حاجة أو عامله حادثة لأن فيها حاجات مش طبيعية

ابتدينا ننطلق ، اول حاجة حسيتها ان الفرامل استجابتها كويسة جدا ،

مشينا في شوارع عين شمس المدغدغه ، العفشة بسم الله ما شاء الله ،، ناعمة جدا

متحسش بحاجة

بس الأبواب ابتدت تطلع أصوات مزعجة ،، أكتر شوية من الأصوات الطبيعية اللي بتطلع من فيبر الدواخل اللي بتطلع في الشوارع المكسرة

الراجل صاحب العربية معرفشي يفسر حاجة و عمل نفسه عبيط

المهم طلعنا علي طريق داخلي بس مفتوح شوية ،،

و هنا كانت الصاعقة ،، العربية مبتسحبشي ،،

مبتسحبشي بمعني الكلمة ،، يعني من 0 : 50 كم ،،، دي تاخد وقت طوووويل

و الموتور فيه هزة لما تقرص علي العربية عشان تطلع اللي جواها

انا شخصيا اعتقد ان فيه حاجة في الموتور أو في الفتيس عشان العربية مش راضية تمشي

بس الحمد لله بعد وقت و بعد ما تضرب دواسة البنزين بالجزمة ،، العربية بتمشي و تنطلق شوية

و ده كان العيب الأساسي ، شخصيا ،، أعتقد ان العربية اللي جربتها فيها حاجة مش مضبوطة اطلاقا

معتقدشي ان ده الطبيعي

خدت لفة كده بتاع ربع ساعة في شوارع عين شمس و جسر السويس و مفيش جديد ينضاف غير اللي قولته

و صاحب العربية بيقول لأ هيا مفهاش حاجة

خليت واحد صاحبي يجرب و أكد نفس احساسي ،،، العربية مبتسحبشي و الموتور فيه رجه

طبعا مكنشي فيه فرصة لتجربة العربية علي السرعات و الكلام ده

هوا عموما صاحب العربية كان هوا نفسه بيردد كلام السوق دي عربية عايزه تحسيس و حساسه لأي شئ و قطع غيارها غالية و محدهش بيشتغل فيها غير في التوكيل ،، يمكن بيحاول يكون موضوعي

علي كلامه هوا جايابها من شهرين ب 105 ألف و عمل خمستلاف كم و دلوقتي جابتله في السوق 80 ألف جنية

العربية راشه اجزاء بره ،، بيبان و اكصطدام امامي و فيه كام كسره صغيرة في الفوانيس الخلفية و خبطات صغيرة و تجاريح في اجزاء متفرقة من البودي

أنا كنت بكلم بايوو ، بحاول اجيب منه نمرة حد من وحوش الميجان ،، شاركي أو ترونكي عشان يقولوا ابص علي ايه فيها أو لو يعرفوا حد مهتم انه عايز يجيب ميجان

[Col.Eng.Khaled]

المشاركة الأصلية كتبت بواسطة Ahmed Anwer علي كلامه هوا جايابها من شهرين ب 105 ألف و عمل خمستلاف كم و دلوقتي جابتله في السوق 80 ألف جنية العربية راشه اجزاء بره ،، بيبان و اكصطدام امامي و فيه كام كسره صغيرة في الفوانيس الخلفية و خبطات صغيرة و تجاريح في اجزاء متفرقة من البودي

يا باشا الجواب باين من عنوانه

عريتي جايبها زيرو و بقالها معايا 18 شهر بفضل الله مفيش فيها غير أثار سلوكيات الناس مع أي عربية

واقفة .

و الحمد لله معتقدش إن ممكن أبيعها في يوم لإنها مريحاني ، وارد أديها لإبني بعد ما يتخرج إن شاء

الله (دا لو جيت أطلع لحاجة أجدد) .

[Payoo]

أسمح لي يا أبوحميد أبتدي من الأخر للأول

المشاركة الأصلية كتبت بواسطة Ahmed Anwer علي كلامه هوا جايابها من شهرين ب 105 ألف و عمل خمستلاف كم و دلوقتي جابتله في السوق 80 ألف جنية

بص يا أحمد

لو واحد اشترى عربيه بـ105 ألف جنيه وبعد شـــهــــــريــــــــــن بس قرر أنه يبعها ويخسر فيها 25 الف جنيه ..... تفتكر العربيه دي عربيه ممتازه زي ما بيقول ؟

وعلى فكره انا كنت ناوي أرد على كلامك كلمه كلمه وءايدك في كل ملحوظاتك على العربيه وءأكدلك إن إللي أنت لاحظته على العربيه موجود في كل الميجان مش في عربية الراجل الطيب ده بس
وكمان كنت هاضيف عيوب على العيوب إللي أنت لاقيتها في العربيه

لكن أنا هاكتفي بس بالأقتباس إللي أنا أقتبسته والسؤال إللي أنا سألته


وكل سنة وانتم طيبين وربنا مايوقع حد في عربيه سيئة ورديئة وماتستاهلش سعرها أبدا