4.25 جنيها سعر لتر البنزين أول يوليو ورفع الدعم تماما عن السيارات فوق 1600 سى سى

[meno elsaher]

طب البونات دى هناخدهم ازاى وبعدين هل كل المحطات هاتشتغل بالكروت دى
ولا هتلاقى محطات تقولك لاء وغيرهم يقولولك اة
وبعدين الوزير دة شكلة كوميدى اوى بيقولك الناس مش راضية عن اى غلو للبنزين
واحنا برضة هانغلية
كويس والله انة ماقلش ان الشعب هو اللى طلب ان البنزين يغللى
ووزير الكهربا شغلتة يقطع الكهربة عن الناااااس ومع انتظار بقية الوزرةة

[zing0]

يا جماعة, بالرغم من التخبط فى القرارات الغير مدروسه, و الوزراء إللى بينفذوا مشروع النهضة إللى تقريباً معرفتهم به لا تزيد عما يعرفه عامة الشعب المصرى.....
إلا إن موضوع غلاء البنزين 95 , و حتى 92 مش المشكله
لأن اللى عربيته حديثة و (لااااااااااازم ) تمشى ببنزين 92 عالأقل, هو المقصود من الغلاء ده.

إنما لو قرب من سعر بنزين 80 يبقى خبط فى شريحة كبيييييييرة من سائقى النقل العام و الميكروباص و التاكسى فضلاً عن أصحاب السيارات القديمة, و دول شريحه كبيرة فعلاً هتأثر فى تعريفة المواصلات العامه و الناولون (نقل البضائع) و معناها غلااااااااااااااااااء

ثانياً موضوع الكروت إللى على الرخصه هيشجع السوق السوده زى ما العضو الفاضل وضح.
يعنى كل الموتوسيكلات الغير مرخصه و كل التكاتك و بعض مواقف الميكروباصات إللى تقريباً كل ميكروباصاتها غير مرخصة (فى خطوط السير القصيرة داخل المدن)

ثالثا برضه زى ما عضو فاضل وضح: آليه إستخدام الكروت الذكيه (لو إفترضنا أنها ماشيه رسمى فهمى نظمى و مفيش لعب من إصحاب البنزينات), هل هتبقى على كل البنزينات و لا كل ما تروح بنزينة يقولوا مفيش بنزين, و السوق السوده تشتغل أحسن من الآن؟

رابعاً: الموضوع ده هيبقى فيه لعب بالهبل من المرور, و محدش يقوللى بتوع المرور بقوا شرفاء فجأه.


المهم بقى بعد كل ده, السؤال الأهم: لييييييييييييه؟
ليه بيغلوا البنزين و بيرفعوا عنه الدعم؟
علشان شروط صندوق النقد الدولى!
طيب أهى قطر و السعودية و ليبيا حطوا ودائع و إستثمارات بحوالى 32 مليار, لسه برضه محتاجين صندوق النقد؟؟؟؟؟

أنا آسف إن الموضوع أخد وجهه سياسية, رغم إنى طول عمرى مبحبش السياسه, بس للأسف بقت السياسه هيا الأكل و الشرب و الحياه و بتتحكم غصب عننا فى الزيت و الأرز و السكر و الضغط و القولون.