هل 10 الاف الفرق فى السعر بين الافيو واللانوس والفيرنا تستحقهم ام لا

[waelsalah]

المشاركة الأصلية كتبت بواسطة الايطالى الصغير اهم من كل ده نقطة غايبة مهمة جدا هم ثلاث عناصر مش عنصرين نوع العربية عنصر واحد قدرات العربية عنصر اثنين البيئة اللى هتعيش فيها العربية عنصر ثالث وده بيحكم على اى عربية واهم عنصر احنا فى مصر اكيد فهمتونى يعنى مطبات مطبات مطبات يبقى عايزين عربية عالية شوية فكر وشوف ايه اللى بيميز كل عربية فى النقطة دى بالذات اى عربية افضل فى تحمل المطبات وعفشتها قوية وما تكونشى واطية كده نكون قدرنا نرجح عربية على عربية وشكرا

شكرا لاهتمامك وردك
اعتقد رايك يميل لل byd لعلوها ولا رايك ايه ؟
بس خايف منها عشان تقليد اللانسر والتويوتا وصيني
و ايه مدى عملية الصيني خصوصا تاكسي يعنى ساعات تشغيل اكثر واحتياج لقطع الغيار والصيانه اكثر من الملاكى
وهل البودي بتاعها متين ولا ورق ؟

متابع رايكم
وشكرا جزيلا

[الايطالى الصغير]

شوف انا خبرتى مسموعة

يعنى مش عندى عربية حديثة علشان احكم واديك قاعدة تمشى بيها

بس ممكن ادلك بشكل تانى على دليل يحطك على المناسب

العربية ست

زى الست

الى يشترى عربية

كانه اتجوز واحدة تانية على مراته

يعنى مصاريف وايجار واكل وشرب

العربية بيت ومصاريف وزوجه

علشان كده هى صينى هى المانى هى كورى هى مرسيدس

كله بيمدلك ايده تصرف عليه

كله بيحتاج مصاريف وصيانة

كله عايز متابعة ورعاية

والعربية لما تراعيها تراعيك

فيه ناس شاريه تويوتا اخر موديل ومطلعة عينها

وفيه ناس شارية صينى وماشية تمام

الاساس هو الرعاية والعناية والاهتمام

وكل شىء له جدول صيانة لو تابعته هتبقى ريحتك دماغك

علشان كده

شوف قطع الغيار قبل ما تشترى

ده عنصر مهم يحددلك كل شىء

اللى قطع غيارة متوافرة فى السوق ورخيصة او معقولة نسبيا هو الى تشتريه

لان المشكلة فى التوكيلات هى قطع الغيار

بيخرموا الناس بالصواريخ

يقولك ألف وألفات وفلوس وحوارات

انزل اسال على قطع الغيار

وبعد كده اشترى ان شاء الله تشترى عربية عفريت

بس المهم قطع الغيار

انما كل العربيات بتصرف

والصينى عموما ليه ميزة خطيرة وليه عيب خطير انما كله محصل بعضة

الميزة الخطيرة انه متوافر وانه فى انتشار وتزايد وقطع غياره فى كل حته وسهل الحصول عليها

وخطورته ان قطع الغيار غير معمرة

لكن دى ممكن التغلب عليها بحسن متابعتك للعربية واستخدامك ليها

وبعدين

انت ما تشتريش عالطول

انزل الشارع

شوف حد راكب عربية من دول

وقف صاحبها واساله

مش عيب

قطع الغيار مننين وبكام وعامله معاك ايه العربية

برده الكلام ده بيفيد

وفى النهاية

ربنا يوفقك

والله اعلم

[goudai]

اسمحوا لى ان ارجح كافة دايو لانوس (راى شخصى ) ولكنى اراها سيارة عملية كتاكسى للاسباب الاتية
1- قطع غيار رخيصة ومتوفرة
2- استهلاك البنزين (موفرة )
3- العلو عن الارض (العربية فعلا عالية وممكن تعليها بعلايات من غير ما تاثر على العفشة والراى ده انا قراته فى مشاركة للعضو الفاضل م/ سمير)
4- اتساع الصالون سواء للكرسيين الاماميين او الكنبة الخلفية
5- محتفظة بقيمتها السوقية يعنى ليها سوق وتعرف تشترى وتبيع
ملحوظة اخيرة : انا افضل الدايو عن الشفرولية وذلك لشكوى الكثير من تقفيل شيفرولية
وفى النهاية القرار قرارك ولازم تكون مقتنع