انا من الاغلبية الصامته وعايز اتكلم

[young..pharaoh]

http://www.facebook.com/video/video....66024673409520 بهدوء كده - حد يوضحلي امن الدولة مغارش في داهية ليه؟

والله الفيديو بجد يدمي القلب

و مش لاقي رد

[alymonir]

متابع بشغف
اعذروني عن انشغالي الشديد اليومين دول ( رمضان كريم + زحمة الشغل )
لي تعليق صغير واحد حتى الان
جميع التحليلات التي تتناول التعليق على الاتيارات الاسلامية في هذا الموضوع و في غيره لا تتسم بالدقة ( مع احترامي الشديد لأصحابها )
التيارات الاسلامية ليست لها مخالب و أنياب كما يدعي البعض
ولا هي تخون ولا تكفر ( هذا في المجمل مع الاتحفظ على بعض التصرفات الفردية لبعض الاشخاص كحالات فردية أو بعض المواقف لبعض الجماعات كانت لها وجهات نظر و تم تفسيرها اعلاميا تفسير خاطيء و ذلك في اطار الحملات الاعلامية المنظمة و المسعورة على كل ما هو اسلامي )
مع توضيح نقطة هامة جدا :
الموضوع اصبح متاحا للجميع على اليوتيوب
انظروا إلى حكاوي تعذيب جهاز أمن الدولة المنحل لكل التيارات الاسلامة و كأنهم كفار خارجين عن الملة !!!!
هل يعقل هذا في بلد اسلامي و تحت اطار دولة يحكمها القانون و الشريعة الاسلامية
هل فهمتهم ؟؟؟
إذا كنت تكفرني و تعذبني عذابا لا يتحمله حيوان فضلا عن بشري فكيف أثق بك ؟؟
أنا على يقين أن السبب الرئيس لسقوط النظام هو محاربة دين الله تبارك و تعالى في أشكال متعددة و متسترة تحت مسميات كثيرة من محتربة الارهاب و نبذ التطرف و القضاء على التخلف و و و و .......
و أن كنا - في رأيي - لازلنا بحاجة كبيرة للتغيير حتي يغير الله لنا ما نأمله
أتمنى ألا أكون قد أطلت عليكم و للحديث بقية .....

[تامر ديزل]

السلام عليكم
كنت عاوز اكلمكم النهارده عن ثغرة في النظرية اللي بدات بيها الموضوع ولكن متهيألي انه الافضل اني اناقش الاساتذه والزملاء اللي ردوا عليا علشان تكتمل الفائدة
ابدأ بالاستاذ الكبير ابو نورا اولا انا شرف ليا اني اتناقش مع حضرتك بما لك من خبرة وعلم وعاوز اوضح بعض النقط اللي حضرتك ذكرتها في مناقشتك ليا يوم 31 يوليو
اولا بخصوص الناس اللي كانوا في التحرير من 8 يوليو وحضرتك بتقول انهم خليط من كل الناس فعلا كلامك مظبوط وده اللي انا قولته في مشاركتي يوم 3 اغسطس لما قولتان الليبراليين قدروا يحسوا بتململ الكتلة الشعبية من بطئ المحاكمات فنزلوا الميدان ونزل معاهم المتحمسين من الكتلة الشعبية
ثانيا حضرتك شايف انهم مش اغلبية وانا مازلت متمسك برأيي انه لو الاغلبية الصامته يوم 28 يناير صلوا الجمعه وروحوا بيوتهم كالمعتاد وسابوا الناشطين من جميع التيارات يواجهوا الامن لواحدهم ماكنش لا فيه ثورة ولا غيره ده رايي الشخصي والاختلاف في الاراء بيدي حيوية للمناقشات
ثالثا الاتهام القاسي بان الصمت كان خنوع اوشيطنه معلهش انا عاوز نسميه اسم ارق يمكن يفتح عينينا على حقيقة احنا ناسيينها والاسم هوا حب الاغلبية للاستقرار وده سلوك انساني عام وله عيب انه بيشجع الفاسدين على التمادي في فسادهم ولكن له ميزه كبرى ان الاستقرار هو العنصر الاساسي في الانتاج يعني بلد فيها فساد ممكن تعيش وكانت فعلا عايشه انما بلد بدون استقرار تبقى عامله زي الصومال وافغانستان والعراق

[تامر ديزل]

السلام عليكم
نيجي للاستاذ المتحمس والغيور على دينه ودينناجميعا الاستاذ يونج فارو
اولا انا مش ليبرالي ورغم ذلك عملت زيك يوم استفتاء 19 مارس وقلت لا يعني فيه بيننا ارضية مشتركه
وعاوز حضرتك تاخد بالك من اني في بداية الموضوع كنت بتكلم عن تحليل للقوى السياسية في مصر قبل وبعد الثورة لاني بحاول اعمل نظرية سياسية تفسر الاحداث اللي بتمر بيها البلد
ومن ضمن القوى السياسية وحط تلاتين خط تحت السياسية قوة التيار الاسلامي ولازم نفرق بين التيار الاسلامي كقوة سياسية تستطيع انها تؤثر في مجريات الاحداث او في صنع القرار وبين الناس الملتزمة بدينها او اصحاب السمت الاسلامي دول غير دول الاولانيين سياسيين بمنهج اسلامي يخطئوا ويصيبوا ومعرضين للنقد والنقد البناء اللي يصحح المسار اماالملتزمين بدينهم فأنا اقف عند قول الرسول عليه الصلاة والسلام اذا رايتم الرجل يعتاد المساجد فاشهدوا له بالايمان واذا حبيت تنتقد حد فيهم قيبقي بينك وبينه او تتبع اسلوب الرسول عليه الصلاة والسلام عندما كان يعرض بالنصيحة فيقول ما بال اقوام يفعلون كذا وكذاودول مش موضوعنا خالص
وفعلا التيار الاسلامي يضم بين جنباته كثير من الدكاترة والمهندسين وخصوصا الاخوان لكن انا لما كتبت عن الليبراليين كنت مراعي ان ممكن واحد قارئ عادي يختلط عليه الامر ويفكر ان الليبراليين في مصر هما دعاة التحرر والانحلال الاخلاقي فكان لازم الفت انتباه القارئ الى انه منهم ايضا اصحاب الاخلاق والادب والعلم زي دكاترة الجامعات وغيرهم
وبقول ان التيارالاسلامي خرج من الكتلة الشعبية ؟ ففعلا قبل حسن البنا ماكانش فيه اخوان مسلمين وقدر هذا الرجل المحترم رحمة الله عليه ان يتشر دعوته بين الكتلة الشعبية ويؤمن بفكرة اعداد كبيرة
وقبل الحركة الوهابة في الحجاز ماكنش فيه الدعوة السلفية الحديثة ..... امال الناس كانت عيشة ازاي قبل دول ودول كان فيه فئة ملتزمة بدينها انما ما كانوش قوة سياسية وبص بدل الكلام ده كله شوف اي واحد اخوان تعرفه او سلفي هل بالضروره ابوه اخوان او سلفي .... طيب جده كان برضه كده يبقى خرجوا من الكتلة الشعبية ولا لأ ؟
نيجي للاستفتاء بقول الاسلاميين اثروا على الكتلة الشعبية بانهم يقولو نعم وحتى لو ده رد فعل لمطالبة الكنيسة للاقباط بانهم يقولو لا فالواقع هوا ده يعني انا بقول حاجه وانت بتقول نفس الحاجه بكلمات اخري يبقى فين الاختلاف؟
نيجي لتجاوزات المعتصمين التي ضاق الناس بها ذرعا طيب ماهوا ده اللي انا قولته ان التيار الاسلامي حس بتململ الكتلة الشعبية من ما يحدث في الميدان وان حالة التململ كانت اكبر من الاولى
ولما قولت ان الكتلة الشعبية اصبحت مهيأة لاكتساح الاسلاميين الميدان ماكنش قصدي غزاه ولا يحزنون ده تعبير شوفت انه يصلح لوصف احداث 28 يوليو بدون لا غزو ولا غيره
وعموما لا احد ينكر ان الاسلام مكون اساسي من مكونات الشخصيةالمصرية وجميعنا نكن كل الاحترام للملتزمين دينيا ولا غبار عليهم اما من ينزل الملعب السياسي فيجب ان يتحمل النقد لان النقد موجه لتصرفاته وقراراته وليس الى دينه اللي هوا دينا نحن ايضا

[تامر ديزل]

......... منقول ......
وائل غنيم": التظاهر بدون الرجوع للشارع يعد عملا ضد الثورة
السبت، 6 أغسطس 2011 - 17:01
أكد وائل غنيم مدير تسويق جوجل بالشرق الأوسط أن الدعوة لمظاهرات فى الفترة الحالية بدون حساب لرأى الشارع، الذى نخسره يوما بعد يوم، سيتم توظيفه ضد الثورة حتى لو كانت النية هى حماية الثورة وأهدافها".

وقال غنيم، فى مدونته على شبكة التواصل الاجتماعى "فيس بوك"، اليوم السبت، "يجب أن نفهم كلنا أنه لولا الأغلبية الصامتة اللى خرجت وشاركت فى 25 يناير الثورة لكانت مظاهرات الغضب مظاهرة عادية".

ودعا غنيم لاحترام الشارع المصرى، قائلاً: "التعالى على الشارع طريق نهايته الفشل".
اهوه جبتش حاجه من عندي ؟
بس انا قلتلكم الكلام ده قبله