زيوت العربيات كلها مضروبة !!!!!!!

[matrux]

المشاركة الأصلية كتبت بواسطة Hisham.Elgazzar الصراحة انا من وجهة نظرى انى ألبس البدلة و أروح شغلى بالدراجة قلة قيمه فحت انا كنت بركبها وأنزل أتمشى كده وسعات كنت بطلع بيها من حى لحى بس لو راجعت الإحصائيات العالمية هتلاقى ان حوادث الدراجات أعلى من العربيات وكمان الصيف داخل علينا

ياراجل احنا بس بلد بتاعت مظاهر
واكتر حاجة تدل على كدة اما كان الواحد متشيك ونازل يتمشى كدة عند حى الجامعة ولا اى حتة هتلاقى اللى يبصلك بصة غريبة واللى يقولك وسع يا تيييييييت (شتيمة)
واما ركبت العربية لغاية دلوقتى مابسمعش غير كلمة يا باشا يابية
وياسلام بقى لو حاطط علامة النسر على ازاز العربية هتاخدلك احلى تعظيم سلام
احنا شعب غريبة الاطوار هههههههههه

وكمان مالها العجلة على الاقل اما تسرع بيها كدة هتلاقى اير كونديشنر طبيعى
هههههه على رأي رامز جلال بتقوى عضلة السمانة

[elmo7areb]

المشاركة الأصلية كتبت بواسطة matrux اهلا ياطلخاوى يا حبيبى هههههه اخيرا لقيت حد من المنصورة طب اللى حضرتك بتتعامل معاة دة مضمون يعنى بيجيب الزيت مهما كان نوعو شيل او موبيل متبرشم ومضمون انو مش ملعوب فية ؟؟؟؟ وكمان جامع مسعود دة قريب منى اوى انا من مدينة السماد يعنى طريق السماد اللى من ورا يودينى علية على طول طب البنزينة بتاعت موبل اللى فى طلخا اللى قبل الكوبرى دى مضمونة طيب ؟؟؟

انا جمبك من تقسيم بهاء يا زعيم وعلى فكرة هنا فى اكتر من 5 من المنصورة ومشاركاتهم كتير كمان

والله الى انا قلت لك علية دة اظن الى حد كبير انه كويس وكمان الجميل انك هتلاقى انواع كتير جدا عنده بترومين وموبيل وشيل وزيت تركي بيشكر فية وغيرو وغيرو والواد الى بيغير زيت هناك باشا وكمان انا كنت بغير زيت الفتيس عنده مرضاش يحط 2.15 حط 2 بس علشان ميفتحش علبة تانية وقالى الحوارات الى بتحصل وفهمني حط 2 لية

اما بالنسبة للبنزينه الى قبل كوبري طلخا دي اسو مش موبيل على ما افتكر الغسيل عندها زفت وظبط الزوايا زفت وبتاع الكوتش نصاب وبتاع الزيت كويس اتعاملت معاه قبل كدة لكن نصيحة اتعامل مع الوطنية الى عند سندوب بنزينها مختلف يا اخي العربية لما افولها من هناك بتبقى طيارة او انا الى بشتغل نفسي هههههههههههه

[reda310]

فعلا الوطنية محترمة جدا 92 بتاعها كانه 95 تيجى تمشى تحس العربية عايزة تجرى
انما جربت 92 من محطات تانية حتى شيل برده مش زى الوطنية

[miam0502788391]

المشاركة الأصلية كتبت بواسطة matrux لسة جاى من عند واحد بيتاجر فى الزيوت وكنت بسألو عن زيت فوكس سوبر جى تى الراجل قام ضاحك انا قولت لنفسى هو انا قوت الاسم غلط ولا حاجة لسمح الله قام باصصلى بصة غريبة كدة انا خوفت منو الصراحة وقالى انت جاى من برا ولا حاجة اة جاى من طلخا الصراحة قالى الحاجات دى مش بتنزل مصر اساسا وان زيوت موبيل وان هى اللى ممتازة وكلها مضروبة قولت الراجل دة بيقول كدة عشان اشترى من عندو ولا اية فقام قايلى حتى ماتشتريش من عندى عشان كل الزيوت مضروبة !!!!! حتى الزيوت بتضرب مافيش حاجة عدلة فى البلد ابدا ؟؟ فياترى الكلام دة صحيح ولا الراجل اللى روحتلو دة مجنون ولا اية

اهلا بأهل المنصورة
الراجل ده شكله كان شارب ولا بيستعبط ازاى يعنى كل الزيوت مضروبة , أمال العربيات دى كلها ماشية ازاى , سيبك منه .
زيت فيسكو على ما اعتقد موجود فى البنزينة اللى فى شارع عبد السلام عارف على اليمين قبل ما تطلع كوبرى السلام
زيت ليكوى مولى الالمانى موجود فى امتداد شارع أحمد ماهر بس فين بالضبط مش عارف . لكن كان فيه مشاركه لعضو من المنصورة عن عنوان توكيل الزيت ده ممكن تبحث عنها هنا فى المنتدى

[matrux]

المشاركة الأصلية كتبت بواسطة elmo7areb انا جمبك من تقسيم بهاء يا زعيم وعلى فكرة هنا فى اكتر من 5 من المنصورة ومشاركاتهم كتير كمان والله الى انا قلت لك علية دة اظن الى حد كبير انه كويس وكمان الجميل انك هتلاقى انواع كتير جدا عنده بترومين وموبيل وشيل وزيت تركي بيشكر فية وغيرو وغيرو والواد الى بيغير زيت هناك باشا وكمان انا كنت بغير زيت الفتيس عنده مرضاش يحط 2.15 حط 2 بس علشان ميفتحش علبة تانية وقالى الحوارات الى بتحصل وفهمني حط 2 لية اما بالنسبة للبنزينه الى قبل كوبري طلخا دي اسو مش موبيل على ما افتكر الغسيل عندها زفت وظبط الزوايا زفت وبتاع الكوتش نصاب وبتاع الزيت كويس اتعاملت معاه قبل كدة لكن نصيحة اتعامل مع الوطنية الى عند سندوب بنزينها مختلف يا اخي العربية لما افولها من هناك بتبقى طيارة او انا الى بشتغل نفسي هههههههههههه

ياراجل اهلا بكل اهل تقسيم بهاء
تبقى اكيد عارف باسم اللى فى كلية الزراعة ؟؟؟؟

انا كل اللى عاوزو زيت يكون مضمون مش مضروب ومخلوط
فاجيب من بنزينة طلخا اللى هى ايزو دى ولا اجيب من سندوب برضو ؟؟؟؟
وهو اما بيغير الزيت بيغير فلتر الزيت كمان ولا اية ؟؟ ولو هيغيرو هيغيرو بكام ؟

معلش بتقل عليك انا عارف