محتار بين بولونيز ورينو داتشيا 97 وريتمو افيدونى ارجوكم

[Hisham.Elgazzar]

المشاركة الأصلية كتبت بواسطة Vanditta الريتمو مشهورة ب رأيى الشخصى لو معاك فى حدود 15 الف ممكن تلاقى مازدا 323 هاتشباك حالة جيدة برقبة ال 3 عربيات دوول او استنى شوية وصلهم 19-20 الف وهاتلك 131 مرسيدس الفيات او مازدا 323 سيدان وممكن تلاقيهم بسعر اقل شوية بس الحالة هتبقى متوسطة وبالتوفيق ان شاء الله

ال131 مش مرسيدس ولا حاجة وبعدين تمنها مش 20 الف لأن اللى معاه واحدة حالتها حلوة عمره ما هيبيع ، وبعدين عربية مشاكلها كتير أوى وأقل حاجة بتبوظ فيها بتأثر على بقيت الحجات ولو جبت حاجة سعرها واقع هتدفع عليها اد تمنها عشان ترجع زى الاول وبلاعة فلوس اكتر من ال128
هات 323 حالتها كويسة من 19 -21 حسب الحالة
بس أهم حاجة الصاج والموتور والعفشة

[a_e]

المشاركة الأصلية كتبت بواسطة mido star ممكن طيب تعرفلى تفاصيل عن العربية كويس وياريت لو ليها صور وشكرا جدا شكلى تعبتك معايا

لا تعب ولا حاجة كلنا هنا اخوات وبنساعد بعض فى الخير
انا هستفسر منه عن الامكانيات وهرد عليك
اما الصور فهو مسافر البلد عنده ( المنصورة ) وراجع بعد بكره الجمعه بأذن الله فاول ما يرجع اصورهالك علطول
تحياتى لك

[مهندس777]

اسمع وعن عشرة طويلة للفيات .....
اولا البولونيز قوية جدا وبتتحمل وقطع غيرها متوفرة
ثانيا الريتموا شكلها اشيك شوية من البولونيز ولكن بتقطم شاسيه دايما وملهاش فى الحمولة
ثالثا الدتشا ابعد عنهاااا بتاااتا لان مفيش صنايعى بيحب يشتغل فيها ولو انها احسنهم فى الشكل
فالو انت عاوز شكل وممكن تتبعا وصنايعيى يشغل فيها يبقا عليك بالريتموا لكن لو عاوز حمولة وقوة يبقا عليك بالبولونيز لو عاوز عربية متطلع منها وتقرفك يبقا عليك بالداتشا .
وا رأى انا الشخصى عليك بالفيات ال128 بتشيل حمولة وبتسافر وقطع غيرها متوفرة وبتجرى وممتازة بس تكون سليمة
مع خالص التحية وبالتوفيق ولو أى استفسار اخى تحت امرك ممكن تبعتلى رسالة وانا هرد عليك لانى اعرف كل الانواع دى وحافظهم كويس وفى احسن منهم كمان لو تحب
وفى الختام لك منى اجمل تحيا واحلى سلام

[mido star]

يعنى ال 128 تستحمل سفر

[Vanditta]

المشاركة الأصلية كتبت بواسطة Hisham.Elgazzar ال131 مش مرسيدس ولا حاجة وبعدين تمنها مش 20 الف لأن اللى معاه واحدة حالتها حلوة عمره ما هيبيع ، وبعدين عربية مشاكلها كتير أوى وأقل حاجة بتبوظ فيها بتأثر على بقيت الحجات ولو جبت حاجة سعرها واقع هتدفع عليها اد تمنها عشان ترجع زى الاول وبلاعة فلوس اكتر من ال128 هات 323 حالتها كويسة من 19 -21 حسب الحالة بس أهم حاجة الصاج والموتور والعفشة

بصراحة انا مستغرب يا استاذ هشام من الرد خصوصا وان مع حضرتك 131 ال cl كمان

وانا بصراحة مش مع حضرتك فى نقطة انها ولا مرسيدس ولا حاجة
واول مرة اسمع ان ال131 بلاعة فلوس
عن تجربة لواحد صاحبى عندة مصنع بدل مايشترى ربع نقل اشترى 131 cl ركبلها شبكة وبقى يحمل عليها المعدات والشغل ويركب فيها بال 4 صنايعية ويسافر بيها وكانت بتجيب 150-160 على الطريق وعمرى ماشوفتة بيشتكى منها ولا فتحت بوقها معاة !!! دة وصل لدرجة انة قعدها بتاع 5-6 شهور فى الخدمة الشاقة دى ونسى يغير زيت طوول الفترة دى من كتر ماهى محافظة على حالتها
وبرضة ولا حصلها اى حاجة
وفى النهاية برضو اناخبرتى على قدى و حضرتك مالك للعربية واكيد ادرى منى بيها
بس انا كلامى دة بقولة لانى متحيز شوية لل 131 عشان موتورها الاسطورة ال cl وعشان كارونة مش كبالن
وتقبل مرورى