شروع فى قتل

[miam0502788391]

والله انت معذور يعنى اذا كان الواحد اعصابه بتهيج لما أشوف واحد ماشى فى نص الطريق ولا على باله أو اتنين ماشيين على مهلهم واحد فى اليميين والتانى فى الشمال وقافليين على اللى جاى من وراهم ,,, يعنى فى تصرفات فى الشعب المصرى تخلى الواحد يشد فى شعره
والله انا لو مكانك انا كنت مشيت ولزقت وراهم وسبت النور العالى شغال وارخم كمان عليهم
اقولك الحلم سيد الأخلاق الواحد يمسك اعصابه احسن بعد كده ربنا يكفيك شر الطريق يا استاذ خالد

[bistoo]

بص يا استاذ خالد انت غلطك انك كنت حتلبسهم فى ميكروباص وفى ناس وكده
المره الجايه ابقى روح لعربيه نقل وامشى جنبه وكلم سواقها وسبه هو يتعامل
او لبسهم فى تريلا كده يعنى وربنا يكفينا شر العيال السيس دى

[خالدخليفة]

[quote=mahmoudnada80;18196 1]مع احترامي لحضرتك يا استاذ خالد
دي كله كلام غلط
لو حسبت الموضوع كله هتلاقي الخمس دقايق الي كنت هتركنهم كانوا ممكن يحافظوا علي ارواح الناس الي في الميكروباص الي كان ممكن يتقلب بسبب شويه عيال فاضيه
انا بيحصل معايا كتير اني الاقي واحد راكب عربيه جديده ومش عايز يطلع مني
يا عم يا تهدي يا تعدي ومفيش فايده ( علما انا معابا عربيه 3000 سي سي 6 سلندر ) يعني ممكن اعقده هو والي معاه
بس بدي اشاره يمين وممكن اركن اضرب فيه شويه وبعدين امشي
والحمد لله ربنا ستر[/
quote]
فعلا انا فكرت فى انى اركن ولكن من استعجالى نزلت السرعة من 170 الى 120 واخدت يمين الطريق خااالص علشان اتخفى منهم وفى نفس الوقت مضيعش وقت لكن هما كانو 2 وطبعا فيهم واحد شافنى لانى فوجئت بيهم غيرو اتجاههم ولزقو فى شنطة العربية تانى

المشاركة الأصلية كتبت بواسطة د0تامر محمد عن نفسى لو كنت مكانك لوقفت فى جانب الطريق لطرد الغضب من نفسى لأنه ممكن يوّلد كارثة وقد حذر الرسول صلى الله عليه وسلم من الغضب لأنه أصل كل الشرور أما عن التأخير فلا مشكلة ولو ضاعت منى مصلحة ولكن لا تضيع أرواح أو تحدث إصابات لمن ليس له ذنب وساعتها لن تغنينى مصلحتى عن تأنيب الضمير ولا يعنى هذا مثالية لأنه فى موقف مشابه منذ سنوات إنتقمت من توكتوك بتلبيسه وتدمر التوكتوك والحمد لله أن قائده لم يصب بأذى ولكنى شعرت بأن ما فعلته كان خطأ ولا أدرى ماذا كنت سأفعل لو حدث له مكروه من تأنيب الضمير ! والتجارب تعلمنا الصبر والحلم والتسامح والهدوء شكرا لعرض تجربتك

على فكرة انا نادرا مااغضب ومن الصعب استفزازى وكتير انا نفسى ببقى مستفز لبعض اخواننا قائدى السيارات يعنى ممكن الاشارة تبقى واقفة وانا اشوف شكل طابور العربيات وعلشان مزعلش اتخيله طابور عيش او طابور نمل مثلا فاضحك ومرة سواق تاكسى زعل منى وقال انت بتضحك والطريق واقف والدنيا حر بتضحك على خيبة ايه وهما لم يستفزونى لكن انا كنت بتخلص من مطاردة سخيفة حاولت التخلص منها بطريقة ســــلمية واول مرة لزقولى انا اديت انتظار وووصلت السرعة ل50 و مع ذلك فضلو ورايا لكن وبصراحة انا مكنتش ناوى اقف ابدا لانى كنت فى قمة الاستعجال
وانا عملت 80 الف كيلو لفيت معظم بلاد مصر ومنها طرق وعرة وصحراوية ومدقات وقابلت مهربين وتجار مخدرات لم يحدث هذا الموقف ابدا بل ان المقص اليمين اتكسر فى الجبل مرة واللى طلعنى تاجر مخدرات وجابلى ميكانيكى وسابنى ومشى لكن مطاردة بالطريقة دى محصلتش ابدا لانى لااهتم باى حد جنبى وحصلت مرة مع لانوس وكنت جاى من طنطا بجرى (دى طبيعة للاسف) وفوجئت بيه نط ادامى مرتين لما لحقنى فى حال توقف الطريق كان هيودينا فى دى داهية فوسعتله وشاورت بايدى مامعناه اتفضل وركنت على جنب مش 5 دقايق وانما تلت ساعة لان 5 دقايق ممكن الحقه وهيقرفنى تانى
ملحوظة صغيرة
علشان محدش يعتقد ان فى اختلاف فى الكلام
انا مشيت 70 الف كيلو فى سنة ومشيت 10 الاف فى سنة لان العربية موديل2008 والاجمالى طبعا 80 الف
انا فى الموضوع ده هديت السرعة مرتين اول مرة كانت وصلت 50 والتانية لما اخدت يمين الطريق علشان استخبى منهم كانت 120 لان الدائرى واسع وزحمة ومش متصور حد بيجرى هياخد باله لكن كان واضح انهم قاصديننى

[خالدخليفة]

المشاركة الأصلية كتبت بواسطة corsair هجيلك متقلقش لازم اشوط معاك في النيسان مش بعيد تلاقيني ماشي وراك زي العيلين السيس اللي كانو ماشين وراك بس عالله تعمل معايا زي ماعمل معاهم اصل انا عارفك مجرم هههههههههههه

يابنى انا غلبان مش مجرم والجرى ده للاسف طبيعة فيا بس له اصول يعنى حتى الغرز اللى عملتها فى الموقف ده كنت متضايق لانى مش بدى اشارات
وانت لو ركبت معايا هتزهق من صوت التكتكة بتاعة الاشارة لانى اتوماتيك بمجرد رجلى تروح على الفرملة ايدى تروح على الانتظار ولو اتخذت قرار انى ادخل يمين او شمال تلاقى مع اتخاذ القرار ايدى راحت على دراع الاشارة
يعنى الجرى له اصول مش هيصة بس المرة دى هيصت بصراحة
وبعدين انت حبيبى معملش معاك كده احنا بيننا كوسة وكشرى هتنسى والا ايه

[lost2008]

المشاركة الأصلية كتبت بواسطة Dr. Bolbolan بس سيارات البوليس الآمريكى ! مركبه اكصدام أمامى حديد بشكل مخصوص علشان العمليه دى ! كمان هوه بيجى خلف العجله اليسرى الخلفيه مباشرة و يكسر عليا يمين برفق ! والا يبقى شروع فى قتل بصحيح ! Dr. Bolbolan ptmnlo123per122

والله يا دكتور بفكر اغير و اجيب عربية نيفا و اهى جامدة و ارخص كتير من عربيات البوليس الامريكىptmnlo123per154