ماهو الضغط المثالى لإطار السيارات ؟؟؟

[myson medo]

المشاركة الأصلية كتبت بواسطة borio1704 أول حاجة لازم نعرفها إن الضغط بتاع الكاوتش لازم يتقاس عــلـــى البـــارد... يعني قبل ما العربية تتحرك بعد وقفة طويلة... مش أقل من 3 أو 4 ساعات يعني 28 .. 30 ... 40 psi حتى... لازم قبل ما تتحرك، ولو اتحركت يبقى قبل ما تعدي 2 كيلومتر لازم تكون مظبط الضغط ببساطة لو ظبط الضغط بعد ما العربية تمشي يبقى الكاوتش مش منفوخ كفاية، وده هيعملك حاجتين: * استهلاك البنزين هيزيد لإن مقاومة الاحتكاك مع الطريق بتزيد قوي... وهتحس إن العربية تقيلة * الكاوتش هيتاكل بطريقة غلط وكمان التماسك بتاع العربية هيقل جامد بص على الصور دي: لما الكاوتش يبقى ناقص هوا الكاوتش شكله هيتغير والمنطقة الوسطى من المداس مش هتلمس الأرض كفاية... وكده الكاوتش هيتاكل من الأجناب أكتر من الوسط ولما الكاوتش يكون منفوخ زيادة الأجناب مش هتلمس كويس، والكاوتش هيتاكل من الوسط أكتر من الأجناب بس إشمعنى على البارد؟؟؟ كل كتالوجات العربيات والمكتوب على قوائمها محددة الضغط على البارد، والمفروض تظبط الكاوتش قبل ما تتحرك علشان ما تقفش في السكة (على فرض إن عندك جراج مثلا)، بمعنى إن الضغط الفعلي للتشغيل مش هو المكتوب في الكتالوج، إنما بيبقى أعلى منه بشوية. بس كده الموضوع هيبقى صعب قوي... مش كل الناس جنبها بنزينة ولا بتاع كاوتش!!! نعمل إيه؟؟؟ المعروف إن ضغط الهوا في الكاوتش بيزيد بحوالي 10% لما يسخن يبقى الحل إننا نزود الضغط شوية في حدود الـ10% اللي هي تقريبا 3-4 psi (أو 0.2 بار) مثلا: لو الكاوتش عندك بيتملا على 30 psi .. يبقى لما تروح عند البنزينة (بعد مشوار) تقول لبتاع الكاوتش ينفخ على 33 على فكرة... ضغط الكاوتش مالوش علاقة بكون الجو صيف أو شتا.... الرقم ده ثابت في جميع الأحوال. بس إحنا لازم نراجع ضغط الهوا في الكاوتش كل شهر مرة على الأقل، وبكده مش هتحس بفرق الضغط بين الفصول حاجة تانية مهمة لما العربية تكون محملة ناس وشنط وانت مسافر... يفضل تزود الضغط في العجل الخلفي (بالذات في العربيات السيدان والاستيشن).. عشان الكاوتش شكله هيبقى زي ما يكون مهوي... وهيحصله نفس أعراض الكاوتش المهوي بردو والزيادة بتكون حوالي 10% كمان آخر حاجة... ما تقلقش من زيادة الضغط مادام ما عداش الضغط الأقصى المكتوب على الكاوتش ... والضغط الأقصى ده بردو على البارد ...

معلومات قيمة جدا
جزاك الله كل خير
بس يمكن صعب شوية موضوع البارد ده - ولا المفروض كل واحد يبقى عنده جهاز ويزود هو بنفسه بقى ( ومعرفش كفاءته ايه )
وكان ليا سؤال هلا لعربية الجديدة برده لازم نشيك عليها ولا دى بتبقى كويسة ولو بنشيك يبقى بعد قد ايه ؟

وهل نخليها بقى 33 على طول ولا 30 قدام وورا 33 لو فيه حمولة
معلش وضحلنا علشان كلنا نستفاد
وشكرا ليك

[سيف الدين سعيد]

غالبا فى السيارات القديمه بيكون أفضل ضغط للإطار هو 28 صيف - شتاء .بيكون مريح جدا للسياره .

[myson medo]

المشاركة الأصلية كتبت بواسطة ramyhekal كلام سليم ما شاء الله ربنا يفتح عليك اضافة لكلام حضرتك بيكون داخل المدينه حيث المطبات والنقر بيبقى فى فرق شاسع بين ال 28 و 30 من حيث راحة عفشة العربيه دا فى عربيتى يعنى 30 بحس المطب بيبقى ناشف جدا 28 او 27 بحس العربيه مرتاحه جدا وناعمه

كده بقى هنتلغبط

[borio1704]

المشاركة الأصلية كتبت بواسطة myson medo معلومات قيمة جدا جزاك الله كل خير بس يمكن صعب شوية موضوع البارد ده - ولا المفروض كل واحد يبقى عنده جهاز ويزود هو بنفسه بقى ( ومعرفش كفاءته ايه ) وكان ليا سؤال هلا لعربية الجديدة برده لازم نشيك عليها ولا دى بتبقى كويسة ولو بنشيك يبقى بعد قد ايه ؟ وهل نخليها بقى 33 على طول ولا 30 قدام وورا 33 لو فيه حمولة معلش وضحلنا علشان كلنا نستفاد وشكرا ليك

الموضوع مالوش علاقة بالعربية القديمة أو الجديدة... المهم حالة الكاوتش والجنط

ومادام موضوع على البارد ده صعب.. يبقى نظبط على 33 على طول... ولو محملة جامد يبقى 36

ومفيش قلق نهائي




...

[myson medo]

المشاركة الأصلية كتبت بواسطة سيف الدين سعيد غالبا فى السيارات القديمه بيكون أفضل ضغط للإطار هو 28 صيف - شتاء .بيكون مريح جدا للسياره .

شكرا لمشاركتك