المشاركة الأصلية كتبت بواسطة dr_youssifomar
بصراحة انا بحب الياريس قوى بس الظاهر ان اللانسر تكسب يعنى النتيجة 5 الى 1
شكلى هغير رأيى وخلينى ف اللانسر بوما وشكلى برضة هزود الفلوس شوية
واجيب 1600 شكرا خالص على الردود والف شكر ليكم جميعا
|
ممكن مظهر الياريس ناس لا تجتمع عليه او غير مستساغ لكن الياريس من السيارات اللى لازم تبعد نهائيا عن العواطف والحب والكراهية والتصميم ودع الاداء والارقام هى من تتكلم اللانسر مش وحشة لكن لو عايز بحق ربنا سيارة تنساها حمارة شغل مصاريف تشغيل شبة مجانية عمر تشغيلى وكفاءة تشغيل شبة اعجاز هى التويوتا خاصة الياريس طبعا عمرك ما تحس بالكلام دة الا لو جربتها وبقلك وبكل ثقة شغل العربية 24 ساعة معظم اوقات السنة مع المرسيدس وشوف مين اللى محتاج تصليح وصيانة بص العربيات الصغيرة غير محببة فى الخليج لكن تلاقى الياريس منتشرة للعمر المديد والاعتمادية رقم واحد بلا منازع انا كنت مجرب الايكو الجيل السابق للياريس وكانت بس 1000 سى سى اشتغلت بها كل يوم رايح جاى اسكندرية القاهرة كانها كانت ماشية بالطاقة النووية قطع الدخله فى صناعتها الغير ظاهرة للعيان عمرها طويل طويل وطول ما استخدمك نظيف حتى لو كان شاق عمرها ما تقول لا لالن العربية اتهندست على هذا الاساس حال جميع مركبات تويوتا وتقبل خالص التحية