#21
|
||||
|
||||
رد: مأساتي مع فرع النزهة و تحية إجلال و تقدير لأستاذ عماد حبيب
الف الف الف الف مبروك
ربنا يكفيك شر الطريق ليه سؤال لوسمحت دفعت مقدم كام وقسط كام على كام سنه ربنا يسد ما عليك
__________________
حبيبت قلبى سبيدر |
#22
|
||||
|
||||
رد: مأساتي مع فرع النزهة و تحية إجلال و تقدير لأستاذ عماد حبيب
الف مبروك
وعقبال صيانة ال200000 كم ربنا يعطيك خيرها ويبعد عنك شرها في انتظار تقريرك بعد الاستلام النهائي
__________________
أصبحنا مع بزوغ كل فجر جديد نتسائل كم رجل تم اعتقاله اليوم ؟ كم شاب وطفل قتل ؟ كم سيده انتهك عرضها ؟ كم صحفى تم قتله او اعتقاله ؟ كم مسجد أغلق او حوصر ؟ كم داعيه الى الله تم ضبطه ؟ كم منزل تهدم على رؤوس اصحابه ؟ |
#23
|
||||
|
||||
رد: مأساتي مع فرع النزهة و تحية إجلال و تقدير لأستاذ عماد حبيب
روحت المعارض على طول و فعلاً لقيت عربية BYD F3 automatic فيراني ذي اللي أنا طلبها بالظبط ، بسأل الولد اللي وقف في المعرض إن المفروض العربية ده بتاعتي و عايز أشوفها لقيته بيقولي لأ ديه محجوزة لواحد و قلي إسمه ، قلتله فين مدير المعرض قلي جوا ، دخلتله قلي عربيتك في المخزن و هتيجي يوم التلات على الساعة 3 أو 4 ، طبعاً أنا سبحان مين خلاني أسكت و مفتحش بقي و اشتمه ولا أقول كلام يعاقب عليه القانون خصوصاً اني جاي من القاهرة الجديدة يعني مشوار مش
عمرنا ما هانتقدم بجد بالحركات دى
__________________
عمرو احمد
01003388954 |
#24
|
|||||
|
|||||
رد: مأساتي مع فرع النزهة و تحية إجلال و تقدير لأستاذ عماد حبيب
نظام التقسيط : 1-حضرتك ممكن تدفع مقدم 20% و الباقي بمرابحة سنوية 9% بيتهيئلي لحد 6 سنوات بس لازم تجيب مفردات مرتب و إن إجمالي الاقساط اللي عليك سواء للعربية الجديدة أو أي قروض تانية من أي بنك يكون الإجمالي ميعديش 35% من صافي مرتب حضرتك 2-ممكن تدفع مقدم 40% فما فوق بمرابحة سنوية 9.5% يثيئلي لحد 6 سنوات و مش لازم تجيب مفردات مرتب ولا موضوع إن إجمالي الاقساط ميعديش 35% و الكلام ده ، عشان مش بيستعلم عنك في البنك المركزي هو بس بيشوف لو كان عندك اقساط تانية إنت منتظم في السدد ولا لأ ، و دة النظم اللي أنا جبت به العربية
__________________
Mohamed Gad El karem Senior Software Developer |
#25
|
|||
|
|||
رد: مأساتي مع فرع النزهة و تحية إجلال و تقدير لأستاذ عماد حبيب
امبارح (يوم الأربع ) أستاذ خالد (مدير فرع النزهة ) كلمني و قللي إن مفيش حد من البنك جه يخلص ورق العربية
كلمت البنك و سألته ، طلع إن الراجل اللي أنا بتعامل معه عنده ظروف و كان اجازة و قللي إنه هيبعت واحد تحته يروح يخلص الموضوع و إنه هيكلمني عشان يعرف ازاي يعمل كونتاكت مع المعرض مفيش نص ساعة ولاقت مندوب البنك بيكلمني و بياخد مني التفاصيل و ادته نمرة أستاذ خالد عشان يحدد معه ميعاد لمعاينة العربية و تقديم طلب الشراء كلمت مندوب البنك النهردة و بساله إيه الأخبار لاقته بيقولي إنه إتفق مع أستاذ خالد إنه يجيله الساعة 5 ، و قللي و هو مستغرب إن أستاذ خالد كان بيعملوه بطريقة مش كويسة (أنا مش فاكر بصراحة نص الكلام ) الحاجة الجامدة جداً واللي خلتني طاير في السما إن أستاذ مدحت (من مبيعات فرع النزهة ) كلمني و لقيته بيحكلي الكلام اللي أنا كاتبه في الموضوع و بيستفهم مني إيه اللي خلاني أقول كدا (يوم السبت اللي فات كلمت الأستاذ مدحت و قللي كلمني على الاتنين و أقولك على معاد الإستلام و للأسف من يوم الاتنين لحد النهردة (الخميس ) مكنش بيرد على مكالمتي و رد عليا بس لما كلمته من موبايل غير موبايلي(أنا مش عايز أكون سيء ال ظن بس هو دة اللي حصل فعلاً)) قلتله حضرتك ده اللي حصل معايا فعلاً و ذي ما قلت اني مش عايز أكون سيء الظن بس أنا بكتب اللي حصل ، المهم اعدنا نتكلم شوية و يستفهم مني عن بعض حاجات ، و أنا قلتله أنا كاتب الموضوع ده على منتدى كذا و حق الرد مكفول لحضرتك ، إدخل اعمل account و رد عليا و لو كنت غلطان في أي حاجة ناحيتك لك عليا أعتذرلك أمام الناس كلها بس على فكرة حضرتك لما هتقرأ الموضوع حتشوف اني مش لوحدي اللي بشتكي ليه بقى أنا بقول حاجة جامدة، عشان هو ماشفش الموضوع من على النت هو إتبعتله فاكس من الادارة و ده معناه إن التوكيل بيتابع و مهتم إنه يحسن نفسه طبعاً أنا توقعت بعد المكالمة ديه إن الدنيا تتغير من كل العاملين في فرع النزهة، و إذا بي أفاجأ بمكالمة من مدير مندوب البنك (اللي كان واخد اجازة ) و بيشتكلي من سؤ معاملة أستاذ خالد للمندوب و كان الراجل مستاء جداً و بيقولي ده إبن ناس و مندوب بنك محترم ماينفعش يتعامل كدا، و معلش يا أستاذ محمد لو التعامل هيبقى كدا أنا أسف مش هقدر أكمل مع حضرتك ، قلتله طب أنا هحاول اتصرف ، و كلمت الرجل المحترم جداااان إلى أقصى درجة و اللي يعتبر إلى حد كبير سبب في إن الموضوع ماشي لحد دلوقتي أستاذ عمرو سليمان و فهمته اللي حصل و قلتله ياريت أستاذ خالد يعامل المندوب بادمية شوية، الراجل مشكوراً تفهم الموقف و قللي إنه هيتصرف كلمت مندوب البنك باليل و سألته إيه الاخبار ، قللي الدنيا مشيت كويس الحمدلله و إنه لم يقابل الأستاذ خالد و قابل الأستاذ مدحت و كان محترم جداً معه ده الكلام اللي حصل لحد النهاردة و أنا متابع معاكو أول بأول لحد ما استلم العربية على خير إن شاء الله
__________________
Mohamed Gad El karem Senior Software Developer |
|
|