|
Hyundai هيونداى Hyundai General Discussion Forum هيونداى من انجح الشركات الكورية وازاد نجاحها وانتشارها بعد ان ضمت اليها شركة كيا الكورية ايضاً من اهم موديلاتها ( اكسيل - فيرنا - اكسنت - ماتريكس - النترا - سوناتا - جينسيس ) |
|
أدوات الموضوع |
#21
|
||||
|
||||
رد: لماذا هيونداى رقم 1 فى مصر
[QUOTE=amir hassan;133915]والناس اللى بتشترى لو هى محكومة بالسعر طب مافى عربيات كتير فى نفس سعر العربيات الهيونداى يعنى مثلا الفيرنا
بتبدا من 64000 والكامله 67500 فى عربيات تانية كتير فى نفس لفئة السعرية بس فيرنا هى اللى بتبيع والاستاذ اللى بيقول ان هوجة القسط ان مسمعتش قبل كده ان البنوك بترفض تمويل السيارات غير الفيرنا او شغالة على الهونداى بس يعنى الناس الى بتهاجم مازالت بتهاجم بلا موضوعية يعنى مثلا تلاى واحد معاه لانوس يقولك اللانوس دى احسن عربية دى احسن من الفيرنا مليون مرة ولو سالته انت ركبيت فيرنا يقوللك اه طبعا وموتورها 1300 وهو اصلا عمره ماركب الفيرنا حتى تاكس لكن احنا اتعودنا فى مصر اننا عندنا 80 مليون مهندس سيارات و80 مليون مدير فنى و80 مليون سواق تاكسى و80 مليون خبير فى كل امور الدنيا والاخرة والدين وكل مستلزمات الحيا .......الخ الخ الخ ياجماعه نهدى ونتكلم بموضوعية[/Q [COLOR="DarkRed"]طبعا اكتر الشعب المصري بيحكمه السعر .... والا كنا كلنا ركبنا بورش واغلي سيارات العالم .... وكلمه بتحكمه السعر .... مش بس سعر السياره ... لا ايضا شامله سعر قطع الغيار الخاصه بالسياره .... واسعار التوكيل في الصيانه .... وكل ده بيهم المستهلك ... وده برده بيسموه المستهلك الواعي .... وحضرتك مفيش حد بيهاجم هنا حد .... لان الموضوع موضوع تافه اصلا ... وهوا علي نوع سياره او ماركه معينه .... ولولا اختلاف الاذواق لبارت السلع ..... ولو في 80 مليون مدير ومدرس ومهندس وخبير ..... الشباب عبروا عن رايهم وانا كمانم عن نفسي .... وحريه التعبير مكفوله ... وتحترم ... وانا مازلت عند راي انها سياره فاشله وتوكيل فاشل ... شكرا .... [/COLOR] |
#22
|
|||
|
|||
رد: لماذا هيونداى رقم 1 فى مصر
الموضوع ببساطة
ان فى عربية ماركتها محترمة جدا اسم يعتمد عليه وهى الخامس على العالم حققت مبيعات 70% من مبيعات السيارات فى اوروبا بالنسبة للسيارات المستورده من خارجها هناك 3 سيارات دفع رباعى حققت المركزالاول فى المبيعات على السيارت الدفع الرباعى الغير امريكية حاصله على جائزة الخمس نجوم من هيئة السلامة والامان الامريكية حاصدة جوائز الجودة الاوروبية ( جميع الاخبار عاليه من اعداد سابقة من جريدة الاهرام -العدد الاسبوعى-ملحق السيارات فى مصر الاول من 2005 : 2009 الاهرام-ملحق السيارات 12-2-2010 اما الاسباب فى المشاركة القادمه |
#23
|
|||
|
|||
رد: لماذا هيونداى رقم 1 فى مصر
بصوا يا جماعة أنا هتكلم بموضوعية بعيييييد عن أي حد وأنا مش بعمل دعاية لحد أنا هقول واقع يفرضه السوق بمنتهى البساطة فكروا كده معاية أي عربية تخش السوق عن طريق الثلاث توكيلات ( أبو الفتوح _غبور _منصور ) لازم تنجح حتى لو متجمعة في بير سلم قدامك هتنجح وهتبقى عربية ليها سوق هوا بس الفرق بين التلاتة وبين الشركات اللي بره
1-الدعاية والإعلان و 2-سه إغراق السوق بحيث لاتجد عربية محتاجة تسدمعاك إلا وموفرنهالك مثال بسيط مع بدايات ابو فتوح مع دايو جعل من يزهق من اللانوس يبركب نوبيرا معجبوش جانزا واللي يزهق منهم يركب موسو وهكذا طب مثال أخر غبور دلوقتي اللي يزهق منالفيرنا يروح للفيفا طب معجبتوش يروح للنيو أكسنت حب يغير يروح للإلنترا حب يغير ماتركس طب زهق سوناتا وهكذا تمضي بيك الأيام وأنت من غير متحس مركبتش غير دايو مركبتش غير هيونداي مركبتش غير إسبرانزا عشان كده فشلت سيارات تانية في السوق أحسن من هيونداي يعني لما تيجي تبص تلاقي السوق مفيهوش غير متسوبشي لانسر طب مفيه ميت عربية متسوبيشي تانية تويوتا كورولا بس هوندا سيفيك سكودا أوكتافيا بس هتلاقي كل ماركة ليها ناسها يعني اللي فاتواللمعاه فلوس في فة سعرية معينة أما التلات توكيلات السابق ذكرهم فبيغرقوا السوق بكل العبيات اللي ترضي جميع الأطراف إنشالة متتبعش بس المهم المستهلك أبو 60 ألف يلاقي أبو70ألف برضه يلاقي أبو80 ألف برضه وهكذا لحااااااد المستهلك أبو نص مليون ويزيد برضه هيلاقي عشان كده لا تستعجب لما تعرف إن منصور اللي نزل الشيفورلية الكابتافية أم 400ألف هوا هواه اللي نزل ال N200 أم 67 ألف والإتنين سبعة راكب وبيحملوا نفس العلامة يعني بيرضي جميع الأطراف ومبيزعلش حد وده اللي بدأت الشركات اليابانية تطبقه وتفهمه زي تويوتا اللي منزلة لإفانزا أم 115 ألف هيه اللي منزلة اللند كروزر أم 700ألف وبرضه اللي إتنين سبعة راكب يعني بإختصار النصر ليها ناسها عادية الهوندا والكيا والتويوتا وجميع الياباني عدا السوباروا لوه ناسه متوسطه أو عالية السوباروا والفولفو والبي إم والمرسيديس ليهم ناسهم عالية أوي أما هيونداي و شيفورلية ودايو سابقا إسبرانزا حاليا دول بتوع الكل مبيزعلوش حد يعني أتحدي حد في مصر مشي في شارع وملاش عربية من الأربعة دول
__________________
✓ مـثل صيـنـي يقول : " إذا مــات الـسـيـد فـأقـتــل حـتـى كـلبــه لأنــه لــن يــكـون وفيـا لـغير سـيـده الأول " تحياتي @ واحد من الناس @ |
#24
|
||||
|
||||
رد: لماذا هيونداى رقم 1 فى مصر
شكر خاص
لنظرة محترمة للسوق المصري و اثر الوكيل في نجاح السلع خصوصا في الفضاء السلعي المصري
__________________
Mr / Mahmoud Gamal استشاري عام و مدير مبيعات سيارات mahmoud_gamal_1000@yahoo. com للتعاقد وشراء ( أي سياره ) الرجاء الالتزام بمواعيد الاتصال نيسان : ا / فكري الحلوجي 01223311114 هيونداي و شيفروليه و اوبل وجيلي ومازدا : ا/ احمد دعباس 01210301121 ( الاتصال من الساعه العاشره صباحا وحتي العاشره مساء ماعدا يوم الجمعه )
|
#25
|
|||
|
|||
رد: لماذا هيونداى رقم 1 فى مصر
اللة ينور عليك ياعم واحد من الناس جبت الفايد
اهم حاجة ان الناس لازم تعرف ان ده فى مصلحه العميل مش ضده حتى على مستوى الانترا بس الاول كانت بتنزل بــABS + وسائد هوائية واكن سعرها فى ناس بتعترض عليه ويقولك شيللى منها الايرباج والABS وكانت العربيات سوقعا الاول مش قد كده راحوا نزلوا العربيات من غيرهم ستاندرد حصل هجوم غريب على الانترا لان الحاجات دى لما اتشالت نزلت ثمن العربية عم غبور وانا بحترم عقليته جدا قدر يوصل بالعربية انها تتباع طب فى ناس زعلت عشان الحاجات اللى اتشالت هما فئة قليله جدا ومع ذلك احترمهم ورجع نزل العربيه دفعه منها بالاضافات وبقو الاتنين موجودين فى نفس الوقت اللى عايز دى ياخدها واللى عايز التانية اهى برده موجوده ياخدها عشان كده نجح اقولك على حاجه نسبة الانترا اللى بتتباع من غير ABS ولا ايرباج اكتر بكتير من اللى بيهم مع ان الاتنين موجودين امام العميل وعلى فكرة الشركة مش هى اللى بتغلى الناس اتعودت انها عايزة كل حاجة بأقل سعر وطبعا اللى بيفهم بس هايقدر يعرف ان الاضافات دى بتزود تمن العربية كتير بسبب الجمرك والضريبة اللى بعتبروا اضافات الامان من الرفاهية ةبدفع على العبية جمرك وضريبة زياده يعنى العيب فى الحكومه مش فى الشركات دى زى مجم زودو مرتبات العاملين بالحكومة فقط من سنتين زيادة 30 % ايه اللى حصل اضاف على المصانع اختراع اسمه رسم تنمية محلية زرفعوا الدعم من على البنزين والجاز وده عاد بالزياده على كل المواطنين حتى اللى مش فى الحكومة زيادة فى السلع والمواصلات انا كموظف فى القطاع الخاص مرتبى وقتها متحركش رغم انى وقتها كنت بركب مواصلات والاجرة زادت عليا مرتبى زاد ايه عشان ادفع اجرة زيادة ؟؟؟؟؟؟؟؟؟ظظ مش هانطول فى االموضوع ده عشان مش مكانه اسف بس من الاخر الناس دى احترمت عقلية المواطن المصرى وكمان جيبة |
الكلمات الدليلية |
هيونداى |
|
|