ارشيف الاستراحة 2009

[mr/medo]

المشاركة الأصلية كتبت بواسطة AHMEDCAR استاذ ميدو الف الف شكرا على كلام حضرتك الجميل ده و بجد انا مبسوط ان فى حد بيحب مهنته بالطريقه دى بس انا هاقول كلمه واحده ابرك من عشره الحاجات اللى حضرتك شايفها كلها انها عادى جدا كده و كويسه انا بصراحه ضميرى لا يملى عليا انى اعملها خالص و دى طبعا بتختلف من شخص للاخر و اخير اكيد طبعا دفعت رشوه بس مش لعسكرى دفعتها فى محكمه علشان اخلص ورق قضيه خاصه بيا انا شخصيا و بعديها انا بجد اتخنقت جدا جدا اليوم ده و حسيت انى عملت بلوه و الحمد لله على كل شيى و من يوميها قولت خلاص انا مش شغال المهنه دى تانى و لانى لما حاولت انى اخلص ورقى من غير الكلام ده لقيت ان كل حاجه وقفت و ليه وجع الدماغ عموما انا متشكر جدا جدا للمناقشه الجميله دى و الاختلاف للرائى لا يفسد للود قضيه

اولا يا استاذ احمد انا لازم اكون بحب مهنتى والا مشتغلهاش اصلا .

ثانيا يا استاذ احمد واضح انى معرفتش اوضح وجهة نظرى لحضرتك كويس . انا مقلتش ان الرشوة وفبركة الاوراق والاجراءات والحاجات دى عادى جدا وجميله وكويسه وعجبانى وانى ببقى مستريح او مبسوط وانا بعملها , بالعكس واقسم بالله انا من اكتر الناس اللى حزين من الوضع اللى احنا وصلناله دا ، وللاسف انه بقى امر واقع وعايز ثورة اداريه علشان تقدر تغير الوضع دا . وعلى فكره عمر ما كان ضميرى مستريح للوضع دا او للحاجات دى وفنفسى اغيرها بس الوضع دا لايمكن يكون اصلاحه امر فردى اوم من شخص واحد او مجموعة اشخاص ، دا عايز حل جزرى وشامل يعنى ببساطه change system .

ويمكن اهتمامى بالموضوع دا اخد اطار بحثى كمان وانا بعمل دراسات عليا وكان ليا بحث فى الادارة لكن طبعا البحث محكوم بحجم معين واطار بحثى محدد ، لايمكن يستوعب المشكله او يدرسها دراسه تحليله مستفيضه ، وحتى لو قدرة تدرس فالمشكله انه هيبقى مجرد افكار فى دماغك او ورق على حبر حبيس الارفف والادراج وملوش اى مكان من التنفيذ او التطبيق على ارض الواقع .


وفى حاجه تانيه عايز انبهك ليها انك حتى لو سيبت المحاماه واشتغلت اى مهنة تانيه ، فا انت اكيد هيبقى ليك شغل فى المحاكم والمصالح الحكومية واكيد برضه هتضطر تدفع علشان تمشى شغلك ، فا انت برده فى نفس الدايره .
وكمان الموضوع دا مش مرتبط بالمحاماه بس لكن كل المهن فيها كدا . وكمان انت مش هتقدر تنفصل عن المجتمع وتقطع كل تعاملاتك الحكوميه والغير حكومية كمان .


وفى نقطه كمان انا حابب اوضحها . انا لما اتكلمت على دفع الفلوس انا طبعا اقصد انك بتدفع علشان تخلص شغلك المشروع اصلا اللى هو حقا فعلا ، انما انك تدفع رشوه علشان تاخد حق مش حقك طبعا الكلام دا مرفوض شكلا وموضوعا ومفيش فى اى عذر او مبرر اطلاقا .


وبالنسبه لقضيه الموظفين والفلوس طبعا دى مشكله كبيره جدا ولها تفاصيل كبيره ومينفعش اناقشها فى مشاركه ، لكن احب اقولك ان الموضوع فيه تداخلات كتير وفى ناس مظلومه وناس مش مظلومه ومختلط فيه الحلال والحرام ومختلط فيه الفساد مع الاضطرار . حاجات كتييييييييييييير اوى صعب انك تنظرلها نظره واحده وتصدر فيها حكم بدون دراسه للموضوع .


وفى كلمه اخيره عايز اوجهه لضمير حضرتك بما انه ضميرك يقظ ولا يقبل الحرام ولا اخذ حقوقك الغير . انت ليه محتفظ بقيدك فى نقابة المحامين مع انك لا تعمل بالمحاماه واكيد انت بتشتغل شغلانه تانيه وانت تعلم جيدا ان قانون المحاماه لا يقبل بذلك ، الا ترى فى ذلك جور على حقوق زملاء اخرين لك . لان حضرتك بتتمتع بمميزات وحقوقك ليست اصلا من حقك !!!!!!!!!!!!!!!!!!!!!!!!! !!!!!!!!!!!!!!!!!!!!!!!!! !!!!!!!



انا عارف انى طولت عليك فى المناقشه وانك زمانك بتقول يارتنى ما فتحت التوبيك دا ، لكن اللى خلانى انقشك هو انى بيعز عليه ان التقطيع فى المهنه ييجى من ولادها ، بجد ببقى حزين لما الاقى محامين بيسيؤا لمهنتهم وبيشوها صورتها قدام الناس ، وكمان علشان متفهمش كلامى غلط ان مش بقول ان المهنة مقدسه وان مفيش فيها غلط لا ، انا قصدى ان لو فى حد عايز ينقد او ينتقد ممارسات المحاماه او المحامين يبقى نقد موضوعى مبنى على اسباب واضحه وعلميه مش مجرد كلام مرسل ، وكمان النقد دا لابد ان يكون داخلى وليس على الملاء لان مينفعش ننشر غسيلنا قدام الناس ، لان دا بيسىء لينا قبل ما بيسىء للمهنة .

وانا اسف كمان مره انى طولت عليك .ويارب اكون عرفت اوصلك وجهة نظرى ، وبرده الاختلاف فى الرأى لا يفسد للود قضية .

وانا سعيد انى لقيت حد خريج حقوق فى المنتدى

[bassant]

الواحد اتعقد ما شاء الله عالبنتين وفعلا كتير مننا ميعرفش مواقع بلاد كتير على الخريطةptmnlo123per195

[فاطومه المصريه]

المشاركة الأصلية كتبت بواسطة bassant الواحد اتعقد ما شاء الله عالبنتين وفعلا كتير مننا ميعرفش مواقع بلاد كتير على الخريطةptmnlo123per195

خلاص يا بسبسه هدى نفسك
انا هدرسهملك

[bassant]

المشاركة الأصلية كتبت بواسطة فاطومه المصريه خلاص يا بسبسه هدى نفسك انا هدرسهملك

ياريت ياطمطم بس بعد ايه ؟ خلاص مخنا باظ والحمد للهptmnlo123per1106

[AbOnOrA]

بالرغم من ان ناس كتير مش بتحب الاعلانات ودايما دايما كنا نقوم جرى علشان نجرى الفاصل الاعلانى فى شرائط الفيديو بس انا طول عمرى بحب فن الاعلان جدا يمكن لانه فن بيجمع بين الصورة والصوت والكلمة بشكل مركز لايصال فكره للناس او احداث تأثير حقيقى فى الناس ويمكن لانى بعتبرها نافذه تطل على السوق ويمكن دلوقتى اصبحت بتجيب السوق لحد عند المستهلك
ولدرجة انى كنت ومازلت ممكن اقعد اتفرج على التليفيزيون بس علشان اشوف الاعلانات واستمتع بالجيد منها

واكيد كلكم ليكم ذكريات مع اعلانات معينة او فيه اعلانات نجحت فى انها تاثر عليكم ايجاباً او على الاقل تترك بسمة على وجوهكم

علشان كده من زمان وانا نفسى اعمل موضوع استعرض فيه الاعلانات المميزة او حتى الغريبة او المرفوضة وهركز على اعلانات السيارات مع بعض الاعلانات التى قد تهمنا جميعا او التى تحمل قيمة او حتى طرفة تسعدكم بإذن الله