دليل الاعطال و الاصلاحات للفيرنا

[AHMEDCAR]

ولا يهمك تعرفى انا كنت بسال لو فاشه بنزين ولا لا ليه

لان العربيه كنت اول ما اركبها اعرف فيها بنزين ولا لا قبل ما ادول العربيه اصلا من صوت العوامه لو بتعمل صوت مكتوم او مش باين اصلا يبقى فيها بنزين
و لو بتعمل صوت عالى فاضيه خالص

المهم دلوقتى حاولى تبصى تحت العربيه و شوفى كده لو فيها حاجه غريبه انتى مش متعوده انك تلاقيها فى العربيه و خصوصا من تحت و اتاكدى ان الاستبن و الكوريك متثبتين كويس

[dr.lola]

انا فعلا بصيت مش لقيت اى حاجه غريبه
حتى قلت يكون زرار الخزان اتفتح وانا مش واخده بالى لقيته عادى تمام
بس مش شيكت على حوار الاستبن وكده
بس هو انا وانا طالعه كان فى شارع مليان ميا بس مكنتش ساعتها جبت 30 وبعد ما عديت من شارع زودت بقى ابتدى صوت
دى ممكن يكون ليه علاقة بالموضوع ؟

[AHMEDCAR]

ميه بس خلاص اللى حصل انك مشيتى فى الميه بسرعه شويه بس خلاص


عموما ماتحطيش الموضوع ده فى دماغك غير لما يتكرر تانى

[dr.lola]

ايه ده يعنى الميه هى السبب
طيب نعمل ايه فى شوارع مصر ننزل نشيل العربيات عشان الميه

ربنا يكرمك طمنتنى ان مفيش حاجه جامده

بس معلش اختك لسه جديده وبتحب تفهم هو الميه عملت ايه بقى؟

عشان بعد كده اول لما الاقى ميه هلف واروح على طول

[AHMEDCAR]

لا معملتش حاجه خالص ماتقلقيش كل ما فى الموضوع ان هو ده صوت الميه لما نمشى فيها بالسرعات دى