السيارات الجديده في مصر

[MO]

س
يا جماعة ترشحو هوندا سيفك موديل 2007-2008
ولا 2009 اخر حاجة نزلت

2009 ل بعض التغيرات البسيطه فى التابلوه
وايضا بعض التغيرات الطفيفه جدا فى الخارج
دا فى اول فئه . لاكن ال vti حوااار تانى خالص
ودى الكماليات الزياده فيها ( فتحه سقف - فوانيس شبوره-جنط 16 -4ايرباج- تحكم فى النقلات من التاره -
نظام vsa لزياده الثبات -زينون-اشارات فى المراه الجانبيه) وسعرها 175900
وفى منها خليجى بنفس الكمليات السابقه ب 166000 ناقصه الزينون والفوانيس والشبكه زى ال 2007 وشكل الشبوره مستطيل مش مدور زى الوكيل
بس فيها تقريبا 8 او 9 ايرباج (المصرى 4 بس) .
وسعر الفئه الاولى وكيل 148000
وسعر ال 2009 مستعمله اول فئه فى حدود 125000
وسعر 2007 مستعملهفى حدود 11000
ومعتقدش انك هتلاقى vti مستعمله.
وعلى كل حال دا افضل اختيار (سيفك)

[joophy]

المشاركة الأصلية كتبت بواسطة pro mada للاسف مش هينفع طبعا تقدر تشتري عربيه معوقين و تكتبها باسم صديقك بس مش هينفع تنقل ملكيه الا بعد 3 سنين و طبعا هتحصل مشاكل مع المرور و الحملات لان رخصه العربيه هتبقي بأسم صديقك و انت اللي سايق فشوف لو ليك وسطه في المرور اشتري و حاول تتفادي الحملات بس ارجع و اقول ان 3 سنين مش قليلين

ألف شكر يا نجم على اهتمامك
معلش سؤال تانى كنت عاوز اعرف ايه انواع السيارات اللى ممكن تدخل معوقين وهل يشترط موديلات معينة؟ انا سامع انها لازم تكون قبل 2003 الكلام ده صح ولا اى كلام؟ وهل فى شروط تانية ؟ معلش عاوز تفصيلات اكتر هاتعبك معايا

[Ali-Ben]

السلام عيكم،
أنا عندي عربية أونو 2002 وعاملة 39.000 كم أنا استخدامي بسيط على قد الشغل والمشاوير داخل القاهرة فقط، أنا بحب الأونو بس نفسي في تكييف علشان الأولاد بيفطسوا في الحر ، لو عاوز أغير ممكن تنصحني بإيه، أنا معايا 40.000 + سعر بيع الأونو ( ممكن تجيب حوالي كام؟؟ رشيت وش نظافة فقط بس فابريكة دواخل زي ما بيقولوا!!!
و ألف ألف شكر مقدماً، على فكرة أنا أصلاً من بورسعيد، أنا سيدة (مامت علي) بس إبني بيحب إن المشاركات تكون باسمه واسم الشخصية الكارتونية المفضلة لديه، وشكراً مرة أخرى.

[pro mada]

[quote=joophy;92180]ألف شكر يا نجم على اهتمامك
معلش سؤال تانى كنت عاوز اعرف ايه انواع السيارات اللى ممكن تدخل معوقين وهل يشترط موديلات معينة لا معتقدش انا شفت عربيات معوقين كل الموديلات ؟ انا سامع انها لازم تكون قبل 2003 الكلام ده صح ولا اى كلام انا اعتقد انه اي كلام ؟ وهل فى شروط تانية لا ؟ معلش عاوز تفصيلات اكتر هاتعبك معايا مفيش تعب و دي اقل حاجه ممكن اقدمها /quote]